我的問題﹐你的答案: 一

「去到唔好唔記得我...」小女孩咬緊嘴唇，希望把欲哭既聲音一一吞下。
「嗯。」峰揚起嘴角，溺愛既目光一直冇離開過想喊既小女孩。
「我一定要做你第一個既歌迷...」小女孩感覺到眼淚開始滴下，乾脆低頭，容許眼淚掉在地上。
「嗯。」望到小女孩一滴又一滴既眼淚，洛峰既心頭快要纏成一團。
「仲有...仲有...仲有...」女孩急得就黎崩潰「...竟然唔記得要講咩...」一手抹掉眼淚，只可惜眼淚如瀑布般瘋狂咁流出。
洛峰一手拉小女孩入懷，女孩子一頭撞到佢既胸膛，飄逸既長髮貼服響洛峰手臂上「唔記得就唔好講啦。」
「仲有好多好多想講架...嗚...」女孩開始痛哭。「我想話你知...冇左你冇人會照顧我，冇人會保護我，冇人聽我講秘密...冇人...」令我再心跳加速。
小女孩冇勇氣繼續講，因為佢怕一講，所有關係同回憶就會俾呢句話一拼捲走。
洛峰仿佛知到女孩既心意「電話。」伸手向佢索取。
女孩充滿疑問攞出電話。


洛峰打起密碼，佢對女孩既密碼十分熟悉，因為對方都係用相同既密碼，唔係故意，而係不約而同。
洛峰三兩下手就將同女孩既合照成為桌面牆紙。
女孩不解，用通紅既雙眼對上洛峰柔柔既目光。
「唔準換，等我返黎，俾個答案你。」洛峰蓋住小女孩既額，嘴唇印響自己手背上「要走啦，小璃。」洛峰揉揉小璃頭頂，頭也不回走入候機室。
小璃害羞得面紅耳赤，根本反應唔切，洛峰就消失左響佢既視線當中。


響洛峰離開左小璃既一個月後，小璃受盡學校欺凌，冇人會肯坐佢隔離，冇人會幫佢話欺負佢既人，冇人會響佢唔開心既時候彈結他佢聽。因為洛峰已經走左。

小璃失去精神支柱。只好轉校去到藝術學校，繼續讀佢喜歡既藝術。佢都開始建立返自己既朋友圈。


洛峰一走就走左一年零半個月，但咁長時間佢只係打過一次電話黎，仲要係短短17秒既通話。
六年既感情換黎只係一個17秒既電話？

久違既電話終於響半夜三點響起。
「小璃？」熟悉既聲音帶著幾分既疲倦。
「峰！」聽到佢既聲音，本來瞓得好沉既小璃都馬上打醒十二分精神。
「好彩你未瞓。」峰獨自坐響角落，光明正大傾談電話。「我...好想返黎香港呀。」峰感到絕望，抬頭望住天花板，小璃既身影響佢眼前閃過。
「係俾你嘈醒。」女孩盤起腳坐響床上「...我轉左學校。」小璃順利轉移話題。
「點解？」其實洛峰大致都知道原因，只係唔想咁快就收線，故意搵話題。
「你知架。」小璃一邊用手指捲起髮，一邊聽住親切既聲音。


「嗯。」洛峰無奈地搖頭笑起。
「峰，生日快樂。」小璃低頭微笑著，思考電話另一面既人有咩反應。
「係喎...我都唔記得自己生日㖭。」峰用手指按壓太陽穴。
「你抖下啦。你果面都凌晨仲唔瞓。」小璃落床走到廚房倒下一杯水。
「仲訓練緊呀。得閒所以先打俾你。」洛峰抬手抹走面上既薄汗。
「之前又唔見你打電話黎。」小璃有一點兒小脾氣。不過雙方都知係一個玩笑。
「第一次得閒。」洛峰冇講大話，佢的確每日都過住密集式訓練，就算有電話都冇時間玩。
「嗯。」女孩冇質疑洛峰既說話。
「我下星期出道。」一個爆炸性既消息，差啲令小璃口中既水噴出。
「夢想成真啦你。」小璃雖然為洛峰高興，但莫明其妙有點失落感。
「我既第一個粉絲，需要我唱歌俾你聽嗎？」洛峰冇忘記機場既承諾。
「最好啦。」小璃將最後一口水喝掉。
「講笑咋粉絲一號。」洛峰見到導師指指錶，知道訓練時間到，所以先將唱歌變成一個笑話。
「估到你架啦。」小璃噘起嘴。
「唔講住啦。遲啲再打俾你。」洛峰語氣十分不捨。


「我會趕上你既步伐架啦。再見。」雖然收聲的確帶黎失落感，但至少知道佢個人安全先啦。
亦令佢懷住一份渴望既心，去等待洛峰。