我的問題﹐你的答案: 三

「gloss！」歌迷力竭聲嘶大叫洛峰既名字。
洛峰開始工作，佢戴起太陽眼鏡，從車行出，揹著結他，親民揮手，嘴角亦揚起好看既弧度。
粉絲既聲浪冇減弱，更愈黎愈激烈，冇諗過出道半日就可以有呢個程度既粉絲。
「最後聽日下午三點先有空檔時間。」為左方便洛峰經理人都請左個香港人，有個關照。
「嗯。」洛峰點點頭。
「洛峰呀，你係咪有女朋友？」經理人問一問，洛峰口入面既水都差啲噴出。
「點解咁問呢？」佢吞下水問道。
「因為你首lovely girl寫得好真實。」經理人理直氣壯一邊講，一邊打開休息室既門「而且仲熱門過你首主打歌。」經理人坐響一邊。
「上熱門有乜用...最重要果個人都唔識欣賞呢。」洛峰無奈笑起。
「公司就唔阻止拍拖既，不過，同我講聲先好拍囉。」經理人幽默拍著洛峰大腿表示。


「如果我係預言家，我就會同你講。」洛峰都不甘示弱打趣咁講。

關左機既洛峰，始終都係冇聽小璃電話。
「洛峰，對唔住。見字請回電。」於是乎小璃決定用line搵佢。
返到班房既小璃，一粒聲都冇出。
只係不斷坐立不安咁留意住電話，訊息依然係未讀狀態。
連每一個未知既電話號碼，小璃都一概全聽，但冇一個係屬於洛峰。
半夜醒過來，小璃習慣性攞起電話檢視完先繼續瞓。
因為佢唔可以再要洛峰等。



畢業前最後一個上課日，小璃去到學校天台散心，佢十分喜歡呢到，因為風好似將佢既煩惱吹走。「咁又一年啦。」呢個時候，佢一直期待既電話亦都響起！
「洛峰！」小璃就算前一晚睡眠質量幾差，聲音都蓋不過興奮既感覺。
「搵我做咩？」洛峰感到驚訝，唔通女人真係情緒化啲？
「我想同你講！...」正當小璃想同洛峰表達心意既時間。周永軒竟然攞住結他，帶同其他人去到天台搵小璃「采璃。」
「我覺得呢首歌既故事好似我同你，所以我送佢俾你。」周永軒奏出音樂並開聲高歌。
「To my lovely girl.I hope you never cry.」
係lovely girl，屬於洛峰同梁采璃既故事。
雖然係同一首歌，但同洛峰唱完全唔一樣，就連一絲感動既情緒都冇。
明明個故事只屬於佢同洛峰。
明明只係同洛峰一個一見鍾情。


周永軒唱完蹲響地上，伸出一隻手。「我鍾意你，做我女朋友。」
小璃因為太突然既事件，令佢忘記電話另一頭既男生。
「嘟-嘟-嘟-」電話已經掛線。

洛峰全部都聽到曬，一個陌生既男仔將自己既愛情故事唱俾自己心愛既女仔聽。
原來打黎就係為左俾人知道，有人向佢表白，想叫自己放棄。
仲諗住小璃會俾個答案佢，但竟然係洛峰最唔想聽到既答案。
佢唔想再面對，於是佢決定收線，並再一次關上手機。

小璃冇理會蹲響地上既周永軒，只係不斷打電話搵洛峰，但洛峰已經關機。
佢一定係聽到，所以先逃避「聽電話呀...」小璃急得就黎喊。
「小璃呀...你理下啊軒先啦。」心緣走到小璃旁邊。
「聽電話呀...」小璃再一次低頭按撥通鍵。
「唔洗緊張喎。」心緣以為小璃面對表白緊張，將佢拎電話既手拉下。
小璃充滿淚光既雙眼狠狠地瞪住周永軒。雙唇合緊都能夠感受到抖動既感覺。


「受佢受佢受佢...」其他旁觀既人開始起鬨，而周永軒都一臉期待既目光。
「一，呢首歌唔啱你唱。二，你唔應該唱。三，呢個根本唔係我同你既故事。」小璃壓住怒氣，聲音都變得比平時低沉。「咁鍾意表白，自己作一首嘛。」佢頭也不回就沖左出門口再大力關上天台既門，離開學校。

返到屋企，佢訂最快既機票去搵洛峰。慶幸自己比同齡人都大一歲，可以自行決定去旅行。更慶幸家人每個月都俾一大筆錢自己，經濟都能夠負擔得起。
小璃帶齊所有行李，証件。仲有畫簿，限量版CD去到機場，因為佢決定去洛峰簽名會同講清楚自己既心意。

小璃下半夜接近早上先到達洛峰工作既城市。空氣比香港還要清新同舒服。
「終於黎到啦，我會一步一步靠近返你。」
將行李放到酒店就馬上帶同CD，會員卡去簽名會既地方。
佢係最後一個入場，場內有大概一百多個歌迷，每一個都十分之興奮，包括小璃在內。