《當你真係鍾意一個人，你真係只敢loop她的instagram和facebook?》: 第二章（蜜）
我地好快就搵到4個人為一組做project。
我心諗呢個project係一個好機會！
我故意將我同阿晴做同一part，好讓我地多d接觸。
我每天都好期待finance course的tutorial到來，兩個星期過了，今天終於上finance tutorial。
係時候要約阿晴出黎傾下project。
「係呢？阿晴，你得唔得閒今日傾下project？」我順便問下。
「唔好意思，阿健！」阿晴好抱歉的道。
「今日我要學生會開會，不如我地Whatsapp傾點做呀？」
「嗯，好呀！」我當然沒所謂的答道。
過後幾個星期幾次問她。
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
「阿晴？」
「唔好意思，阿健！」
「阿晴？」
「對唔住呀，我今日都係有野做？」
「阿晴？」
「我今晚搵你呀？！」
連續幾次下來都是沒有理會我，我內心其實沒所謂，因為她的確在Whatsapp有搵番我，但好多時候都不是談project，都是談下家常便飯，自己的生活趣事，好幾次我都跟她傾到通宵。
你可能會問有什麼可以談個通宵，我也不清楚，好多時候佢好鍾意講下無聊野，還會一輪咀說個不停，我大部分時間都係聽多過講，但為著一聽自己鍾意嘅人的聲音，即使每天睡眠不足也是值得的。但其實除了聽她聲音之外，我每次都會好專注留意聽佢講野，因為從佢嘅話語，我可以更了解佢，知道她有什麼朋友，在學生會遇上什麼麻煩，她宿舍的生活過得開唔開心，一切關於她的事，我都是跟她談Whatsapp時得知的。
我感覺跟她的距離好像近了。
美好的時光過得很快，時間亦差不多到了完sem。
完sem亦代表係時候要做完個project，我好唔捨得呢段時間咁快就要完，因為我唔知還有什麼藉口搵佢。
最後整個project，我通左幾晚通宵，飲了不知多少杯咖啡頂著頭皮做埋阿晴的部分。我很樂意這樣做，真心沒介意過這種事情，畢竟我覺得我鍾意佢，就想幫佢做一切的事情，幫她解決困難。
而整個project都做得十分之好，我甚至比左我做得最好的部分比左阿晴present。
「係呢？我想今晚請你食飯多謝你呀！」阿晴穿著白色的吊帶裙，顯得她好靚。
「吓？我都沒乜幫到你？」
「更係有啦！你幫我做埋果part，重幫我寫埋請稿喎。」
「你唔好唔食呀，如果唔係我嬲左你？」
「……」我猶豫了一陣，其實我捱左幾晚通宵，已經感覺有點不妥，好像有發燒的跡像，但一諗到阿晴咁有誠意請我食飯，錯失左今次唔知幾時先再有d咁嘅機會。
「唔會！我更食啦！」
「阿晴叫到喎！」
那天， 我食了兩粒必利痛，訓左幾個鐘就起身，等身體回復番多點精力，我就去換衫，我穿得好整齊，gel了頭赴約。
席間， 阿晴會不問自取偷走我碟上切好的魚柳，我又會大膽拿走她的龍蝦話幫她試下有冇毒，就好像古代的太監幫皇帝試菜一樣，她聽到當然哈哈大笑，她也跟我玩起上來。
「小健子，這頓飯滿不滿意？」阿晴一臉得意的問。
「稟皇上，小健子很是滿意。」我忍唔住咳左兩聲，又引得佢哈哈大笑，或者呢個傻妹以為我發出咳嗽的聲音是為了裝扮得更神似。
「好！那麼朕再賜你甜品一份，替我傳御膳房！」
「喳！」
？？？
阿晴奇怪的看著我，明明她眼前的我並無張開口，當她還四周圍張望疑惑的時候，旁邊當侍應的MK仔突然走近再重覆一遍： 「喳！」
我地聽到都忍唔住笑起上黎，但隨後阿晴說最衰都係我，搞到佢那麼尷尬！因為侍應出來為我地遞上甜品的時候，也玩起上來道：「甜品到，皇上! 」
繼而他望向我道：「甜品到，太監！」
有冇搞錯呀，點解我變左太監架？
「太監！」
「太監！」
「太監！」
「太監！」
阿晴聽到之後不斷一邊笑一邊不斷叫我做太監，根本就係我比較尷尬。
若不是為博得紅顏一笑，我一早怒啤個MK仔，但既然阿晴開心就比人叫多幾聲太監又有乜所謂。
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
晚飯過後，阿晴笑笑口的主動問我：「小健子，你有沒有興趣睇場戲？」
「皇上，謝主隆恩！」我見身體好了點，也沒有拒絕。
原本我想睇場恐怖片令佢驚慌，可以捉緊我手臂，好讓我們有一些身體接觸，因為我睇過一本心理學書，一對朋友發展到情侶的階段，必定要有曖昧的身體接觸， 但最後去了看『那些年，我們一起追的女孩』。
唉！我的如意算盤打不響了。
一直看電影的時候，阿晴都好集中好投入，我卻帶著昏昏欲睡的感覺一直看下去。
當到左女主角的婚禮的場景，我突然感覺肩膀上多了點負擔，阿晴竟然將她的頭依在我的肩膀上，同時亦捉緊我的手臂，我還是第一次跟自己心儀的女仔那麼親近的接觸，我的臉一下子變得通紅，心噗通噗通的急速跳動，鼻子一嗅，這是阿晴的香氣，整個人都驟然變得輕漂漂起來，這是一種什麼的感覺？
我想是幸福的感覺吧？
雖然達到了我最初的目的，但身體發燒令我好唔舒服加上被她一直依靠了半小時，感覺有點痠累，但我亦不敢有一絲的動作，深怕驚動了她而不再靠近過來。
出戲院果陣，阿晴問我你覺得套戲點呀？
「沒想象中咁好睇？」
「嗯……同埋我都唔明點解男主角咁鍾意人又唔搵番人。」她很激動的向我說。
「正一懦夫黎！冇理由expect個女仔主動架嘛！？咁就令一段感情無疾而終，好可惜……」
「佢的確係冇乜勇氣。」
「如果你係佢，你會唔會咁呀？阿健。」阿晴突然深情地望住我問。
「唔會，我一定會主動搵番佢。」阿晴聽完我講之後，望向遠方好像若有所思的，心不在焉般一樣。
這一晚，很美好。
從旁人眼中，我地就是一對小情侶，大概，大家的距離又接近了。
好多人都鍾意形容戀愛的美好時，以甜味去形容當中的幸福，但這刻我不只嘗到甜味，如果更精準點說就是甜中一點蜜。