呢兩日比起機場果一日,真係過得算輕鬆。我就當多左兩日假期  。但呢兩日假期無得行遠,只係係旅館附近行下睇下,上野呢頭有機鋪,有食店,暫時都叫做有限度地開門做生意。早兩日大家都好緊張,但今日應該大家都叫做放鬆返少少。 

詩音同京香兩個靚女,留左旅館度同老闆做下阿四,話哂日文人同聲同氣。而我、虧佬唔識日文,只能呀四都不如,掉你出去自己行街。當然仲有...師姐 

「我驚你地唔識日文...所以跟埋黎。」師姐話。師姐識少少日文,所以自己一個人黎日本玩。 

「唔怕啦..兜個圈姐我地都係。」我話。 

虧佬即刻插嘴:「你不知幾想有女啦!」 



我即刻反擊:「你咪調轉黎講呀!我不嬲大把女,想要女果個係你!岩啦師姐,打9佢啦!佢醫生黎架識醫自己 」 

師姐:「……」 

「唉~咁搞法都唔知幾時先返到香港啦。」虧佬話。「雖然我都好鐘意日本呢度。」 

「我都鐘意。有一刻諗住唔返去,留係度算。 」我話。「或者諗下移民。」 

「你梗係啦,你有日本女朋友啦嘛。   」虧佬話。 



「女朋友??」師姐好大反應。「果個日本妹係你女朋友?」 

「呀..係呀。有咩問題?  」 

師姐咳左兩聲。「無..只係估唔到你..追女仔咁叻,日本妹都比你追到。」 

「其實我都無追過   」