田中已經離開左上野區,而家就剩底我地呢條街組成既小社區,同耐唔屎會出現下既警察。雖然我唔多鐘意警察,不過有佢地出現,點都安心少少。 

我同京香都已經同警察備案,因為我地可能殺左佢地所講「暴徒」。不過係未有人提告之下,仍然唔洗返差館住,只作筆錄。講真呀,呢個時勢,差館有無人都唔肯定。 

街上店鋪開始開返少少,因為佢地仲未知道危機幾時會黎,日子仍然要過。 

無乜顧慮既我地幾個遊客,反而成為最有危機感既人。 

「急救用品,齊。」虧佬正在執行李。 



「唔...暫時都無喪屍。」我用係100yen店買回來既望遠鏡望出窗。 

「你望得到就出事啦!  」師姐話。 

「喂...你得閒做乜唔返自己房呀?」我話。「你咪痴咁埋呀同埋。」 

「香港人呀嘛,團結一條心呀。」師姐話。 

「幾時多左呢句口號架 ..喂我有女人恐懼症你離返開我少少。」我驚我會扯旗比人見到。 



「你驚女人?你驚女人會買咸書買H漫溝日本妹?」師姐淫笑,羅住我本明明收好左,尋日先係便利店買,350yen既h漫「快樂天」雜誌。 

我嚇到勁都縮埋,即刻一手搶返:「你想睇就應該問我借,唔好搞我個袋。」 

我準確同詩音睇架嘛! 

「搞你個袋?  」師姐又淫笑。Hi,我唔記得我有挑逗過佢喎!除左果次唔小心渣到佢波之外。順帶一提,師姐其實叫做Mandy。 

Chris,上網開始有問題了。」詩音開了房門。平時佢會去廚房做D煮食既工作。 



「3G都上唔到啦?可能電訊公司果邊都開始有問題..」我話。

虧佬話:「係..而家喪屍既擴散程度完全唔知,可能全東京得返我地呢區安全。你見來往既車已經差唔多無哂,電視只播劇集同卡通,已經少左新聞同live節目。」 

師姐:「咁可能都真係會打到黎...  」 

無左電話通訊既一日,部分周圍既日本人都開始恐慌。另一部分淡定派,一路係度講只係小問題,好快電話訊號就會整返。街上面一片嘈吵。 

然後係嘈吵聲仲未完結既時候,喪屍..來了。