【少少重甜】《用甜筒打喪屍！！》（完）: 第50回 - 女神II
Angel係我中學時期既女神，都係小學時期既同學。
記得中學雞時代，身邊朋友個個都有女，我果時係一一個溝唔到女既毒撚，自然地會向小學同學埋手。仲記得當年Angel小學仲係一個白白淨既肥妹，白雪雪滑劣劣，中學開始有身材，到到而家完全係model身型
。佢以前好怕男仔，講野好無自信，語速好快。而家太耐無聯絡，唔知佢變成點啦？ 「..Hey.」我輕聲地講。唔知點解，呢個展望台就好似得返我地兩個咁。
「...Chris」Angel慢慢行黎我面前。「好耐無見。」
「..你..幾好嗎？」我覺得個身有D興....呢個面紅既感覺，幾耐未試過？中學雞要對住全班演講果時先會咁。
「ok啦..未死得.」Angel有d怕醜咁，唔係好敢望住我講野。佢細個開始已經係咁。
「係呢...過左黎日本都唔得閒搵你添。」我話。
其實點會唔得閒呀？只係有點淆，因為Angel女神最已經係日本識到男朋友啦。
「...我住果度都無咩好玩，唔搵我都岩。」Angel話。
「..你無事就好。」我話。「我睇到你個whatsapp。」
「呀..係。」Angel住得日本耐，講野都有少少日本妹味道。「我部電話之後就跌爛左，你有無搵我？」
「無呀。」我當然唔會講我之後狂問佢係邊有無事之類既狗公說話。「做咩咁大頭蝦？」
「...」Angel唔出聲。呢個時候詩音行左過黎，我先醒起原來我地身處展望台—天望甲板。
「Chris，我們到水族館看看吧。」詩音捉住我隻手。
「..你女朋友？」Angel話。
「係，日本限定。未計香港果個。
」我已經同詩音面向升降機準備走。 Angel：「...我同你地一齊過去。」
「唔洗，呢度安全，你繼續留係度啦。
」我望一望Angel本來身處果堆人。「況且你仲有朋友係度。」 「果班..唔係我朋友黎。」
