武器店?點解會有武器店?同埋點解同頭先兩個日本仔講既野唔同既?呢度唔係一個好有階級觀念既大群體,而只係一個「兒童院」? 

我唔係幾信。 

仔細一睇,呢度三十幾人都係男仔、年輕人,最大果個只有二十幾歲上班族。 

大叔帶我地由後門走到武器店。好多商場鋪其實有相通既後門,用黎送貨的。其實武器店係一間賣貴刀既鋪頭,好多都係古董來的。雖然刀很多,不過..我都唔太想用日本刀。 

拿一把吧,對你們有用。」大叔話。 



「唔洗啦,幾個女仔用唔著。」我說。 

拿吧,不用客氣。幾個女生要由你保護吧?」大叔講野好親切,仲將兩把靚刀雙手比我。 

「呀..咁我就恭敬不如從命了。」我不想拒絕好意,於是接過日本刀。哇,重到飛起,仲要係雙刀..我諗我分分鐘斬甩哂d手指都未識點用。 

大叔親切地笑起來:「我相信你是這裡最能運用他的人了。」 

喂可唔可以搵人同日本人講我唔識中國功夫架我唔係少林寺高僧呀?劍道呢家野日本人仲耍家啦。 



我苦笑一下,大叔再帶我地行遠少少,去到另一間鋪頭....係槍械鋪!!