【少少重甜】《用甜筒打喪屍！！》（完）: 第117回 - 新首領II

首領？喂唔得喎我日文都唔識多個做春野首領    。 

「點算呀？ 」我問在我旁邊翻譯的Angel。 

「人地叫你做咪做囉 派膠比你呀拿！」 Angel以前也是個高登絲打。

「我唔想做呀嘛！  」我十分驚慌。 

我望住四周看著我的所謂「喪屍獵人」，大部分都是二十歲左右的少年人，眼神充滿空洞。 看起來，的確需要一個領導人。



「無個大佬睇住班細路唔得架，你捱下義氣啦。 」師姐打左我一下。「佢地又岩岩無左個首領。」 

『哇你地個個有份打柒首領而家擺我上檯？』我心想。

對於殺了人，我沒有好像電影一樣所謂內疚感，又或者什麼狗屁不通的什麼一殺了人就返唔到轉頭之類的廢話。不過的確心裡有一種可惜的感覺，因為死去的人永遠回不來了。尤其是，我覺得，首領其實是個很友善的大叔。  

「呀...」我清一清喉嚨，對在座所有日本仔話。「你地既首領同我比武輸左，由於...受傷不輕，以免連累你地，於是選擇一死以謝天華，死得十分有尊嚴。 」 

Angel替我翻譯。首領之所以能做首領，是因為他的武力最強的（在這群人之中）。所以與我比武輸掉這個原因，應該能使日本仔們心服口服..吧  。（好似係） 



「然後第二件事，邊個有份虐待過性奴既，出黎。    我要捉你班打把仔出黎問吊。」我說。