轉性人的荒淫校園: 12.《星期日日誌》
上回講到關公我約左小遙去溜冰同睇戲，摷左一大輪野。我今日約左Tobias，又會點呢？
「喂！瞓醒啦豬！」天使Gabriel 。
「邊個係豬呀⋯⋯」我眼都睜唔大，同個天使講。
「梗係你啦，我叫左你三聲啦，我以為你死撚左呀。」
「我而家咪生歐歐囉，岸尻尻。」
「知啦，你今日想做男做女呀？」
「女呀⋯⋯基乜佬」
天使Gabriel 將魔法棒大大力咁插入我雙腳中間嘅位置。「基乜佬丫嗱！」
「屌！好叉痛呀！」
天使Gabriel用支神仙棒又chok多下「基乜佬丫嗱！」
我用周星馳套少林寺入面個掃地講「天使wor.....Gabriel份天使好小器㗎！」
Gabriel繼續用支神仙棍係我兩腿之間撩「基乜佬丫嗱⋯⋯基乜佬丫嗱⋯⋯」情況就好似賈子套《港大七不思議食女事件》入面第二章呀Marvin 咁「DGS吖嗱⋯⋯DGS吖嗱⋯⋯」（註。1）過程唔重要，我之前已經描述過，反正天使終於捨得抽番支天使棒出黎。佢終於搞掂，我都變左女仔。「喂，你約左人咩？做咩今日想做女仔呀？」
「約左人。」
「男定女呀？啊男朋友！」
「我地普通朋友黎架咋！」
「哇，你睇你，含春咁樣，中意人咩？」
「唔係呀！咪多事啦，痴線！」個天使就係咁走左啦。我去家姐間房借左佢一條半節裙，笠左件圓領T恤。入到廁所。哎喲，今次慘啦⋯⋯點解塊面有粒痘痘呀。等我拎左家姐D遮瑕膏，嗱嗱臨遮遮粒痘痘先。再望望塊鏡，唔得呀！啱啱瞓醒覺披頭散髮成個癲婆咁。咩姐？女仔貪靚好出奇咩？我拎左把梳梳頭，一執夾耳仔後面，中間分條界，其餘就梳直佢，靚曬！之後就出左門口。
「細妹唔食早餐？約左人牙？」家姐坐係飯枱，食住一碗粥。
「唔食啦，我約左同學去圖書館溫習啦。」
「哇！去圖書館溫習要著到咁靚嘅咩？哎喲⋯⋯約左男仔⋯⋯係咪？」家姐繼續追問。
「吖呀⋯⋯男同學黎架咋⋯⋯普通男同學呀⋯⋯」
「呀媽！！！」家姐特登大聲哎「呀妹約左男仔去。圖。書。館。溫。習。wor......」家姐臨尾果幾個字特登大聲D，加長D。
「係呀！溫習溫得開心啲啦！」身在廚房嘅老母加入對話。
係呢個時候，家姐行埋黎拍左一下我個膊頭「老老實實，話俾家姐知，係你約人定人約你嘅？」
「痴線㗎，唔理你呀，出門口。」
我去到茶餐廳門口等左一陣，Tobias都未黎，於是拎左部電話出黎㩒。原來Tobias 搵過我。
************************
1 Message from Tobias
Tobias: Sorry呀Kristy, 我果日俾雨淋完傷風左幾日，啪左D幸福傷風素都唔好，今日俾媽咪捉左去睇醫生。今日黎唔到陪你啦。
我 ：唔緊要啦，我地第日再約過啦。你要保重身體呀！
Tobias: 你出左門口嗱？
我 ：係呀⋯⋯不過冇緊要啦！
Tobias : 對唔住呀，你聽日lunch 得唔得閒呀？
我 ：冇問題呀⋯
Tobias : 咁陪我食有冇問題?
我 ：你聽日再問過我啦😤
Tobias : 咁我聽日放lunch黎接你架啦
我 ：我冇應誠你喎
Tobias : 聽日見啦
*************************
太過份啦⋯⋯明明係禮拜四落雨，果時樓豬重係寫到第六集，今日都禮拜日，各位高登巴絲打都睇到第十二集啦。隔左成三四日先去睇醫生，病死都有份啦。個Tobias正衰人黎架，第一次約人去街就甩底。唔係wor⋯⋯佢會唔會有事架⋯⋯咁我聽日俾唔俾佢約好呢，定係做男仔玩鬼佢呢？Tobias 而家點呀⋯⋯一日最衰都係我唔記得帶遮搞到佢俾雨淋。唔係⋯⋯佢抵死⋯⋯佢正衰人！搞到我白行一趟！衰人！人地化曬妝著靚衫！衰人！衰人！衰人！搞到我個心囉囉攣。
「小姐，你係咪幫襯㗎，係就入黎坐啦！」有個茶餐廳侍應呀叔同我講。
哎吖，唔好再企係度諗個衰人啦⋯⋯番屋企。
***
「呀妹！咁快番呀！」家姐大聲講。「疑，做咩咁唔開心呀細妹。」
「佢今日病，冇黎。」
「吖喲！陰公豬囉⋯⋯第一次同男神BB去街街就俾人放飛機wor⋯⋯慘慘啦⋯⋯」家姐語氣得戚，盡情咁䎵笑我。
「好煩呀你！」
「黎⋯⋯唔好唔開心，男神BB唔陪你去街街，等家姐陪你⋯⋯」就係咁我俾家姐捉左去行街。
***
喂，細妹，我地去睇衫好唔好。你呀，冇咩夏季衫，暑假又有男仔約你去街著咩呀，係咪？
就係呢個時候，我電話響。
**************************
1 message from Jessie
Jessie: 關公BB⋯⋯星期一呀⋯⋯你要俾個答案我呀。我係個活動等你。
我 ：你等我好消息
**************************
係wor⋯⋯講開又講，我藍剔左Tobias 之後佢又無搵過我⋯⋯等我搵下佢先「Tobias.....我地聽日⋯⋯」
係呢個時候家姐搶左我部電話⋯⋯求先咪好地地，邊有女仔咁主動架？吊高黎賣⋯⋯況且今日係佢放你飛機，梗係等佢聽日黎搵你啦！然後就del左果句。
最後，我都係決定聽日要做女仔，實行治一治個衰人Tobias 。
欲知後事如何，請看下回分解。
註1:《港大七不思議食女事件》https://www.shikoto.com/article/10061/%E4%B8%83%E4%B8%8D%E6%80%9D%E8%AD%B0%E9%A3%9F%E5%A5%B3%E4%BA%8B%E4%BB%B6.html