轉性人的荒淫校園: 37.《告別暑假》
我搭地鐵番到屋企，柒瞓完一大輪起身，就扲左部電話黎睇。小遙⋯⋯我第一個諗起小遙⋯⋯話説我呢幾日都做左好多對佢唔住嘅事幹。是但啦⋯⋯佢唔知道，對佢黎講，同冇有咩分別。扑嘢學會⋯⋯話明係學會，就梗係課外活動啦！係咪？人不風流枉少年呀。
於是我鼓起勇氣，搵小遙啦⋯⋯今次要俾多少少誠意⋯⋯打電話。
「喂⋯⋯小遙⋯⋯我去完camp 啦。」
「啊。咁點呢。」
「eh⋯⋯我好掛住我女朋友⋯⋯我幾日冇搵過佢。」
「乜原來你記得我係女朋友㗎？你幾多日冇搵過我呀？」
「對唔住呀⋯⋯我想約你去街。」
「我唔係日日都得閒架喎。」
「我想約你禮拜四⋯⋯」
「唔得喎，禮拜五啦！」
「好啦⋯⋯我調時間啦。」
***
另一方面，Tobias 都有搵過我。
***********************
1 message from Tobias
Tobias : Kristy，你玩得開唔開心呀
我：都幾啦⋯⋯不過我好掛住你呀
Tobias : 我而家等緊飛機番香港啦，聽朝就會到啦。
我：啊
Tobias : 我番到香港再約你啦！
我：你聽日幾點番到呀
Tobias：夜晚先啦，我番到屋企好晏架啦，我後日先約你啦。
我：好啦。
***********************
第二日，原來我要去補習。呢個補習班係小遙幫我報嘅。無計啦⋯⋯之前我都解釋過，係我心目中，燈塔，古代，沙皇都係冇用，晒時間，晒氣。但老母叫我去，死死地氣都要去。就係排隊果日朝早五點幾，小遙打俾我。「喂關公BB。」
「乜春呀⋯⋯而家朝早五點咋喎」
「係呀，你想唔想報歪歪𡃁真人班呀，我而家排緊隊呀。」
「哇！咁早去排隊，你癲㗎？我完全唔想啊，不過我啊媽就好想啦。」
我好唔中意上真人班，平日想電視班可以瞓下教做下自己嘢。但上真人班就要認真聽歪歪𡃁尻嗡，因為佢會巡嚟巡去睇下有冇人瞓教，總之就搞到我周身唔聚財。但難得小遙叫到。
「咁即係你去啦。」小遙答我
「你去我咪去囉。」
「我幫你報啦。」
「咁你去唔去唧。」
「你上堂果時咪知囉。」
「你唔黎我就上堂我忍唔住聊其他女仔㗎⋯⋯」
「你試下丫，我劈左你條撚落黎餵狗。」
「唔敢⋯⋯我知我女朋友實陪我上堂嘅。」
「咁我幫你報架啦。」
「都係我女朋友最疼我。」
「你俾番錢我呀，唔係我劈左你條撚落黎餵狗。」
「又餵狗？我要有幾多條撚先夠你隻狗食呀？」
「你諗你啦。快D瞓啦。」
「好啦⋯⋯我女朋友對我真好。」
「瞓啦。」
***
講番我去歪歪𡃁度補習。我行到入班房，坐左去小遙隔離。小遙完全當我透明。我寫左張紙仔，遞左俾小遙，然後用個貝殼壓住張紙。
「小遙，送俾你架。」
小遙袋埋左個貝殼，然後扲起支筆係張紙上面寫「好啦，你係咪有野同我講。」
於是我係張紙上面寫「好多呀⋯⋯淨間放學先。你要專心。」
然後小遙撕爛左張紙掉左落地。今次仆街啦⋯⋯小遙應該重係好嬲。
***
隻基爾獸嗡下嗡下又落當啦。小遙係望都冇望我就走左。我心諗⋯⋯今次冇啦，人地連機會都唔俾我。於是我好陰公咁行左出班房。正當我行到去𨋢口，見到小遙企左係度。
「小遙，你等人呀。」
「有人話佢好多野要同我講嘛。」小遙望住我笑左一下，遞左隻手俾我。
「得唔得閒食糖水呀，我請你。」
「好啦⋯⋯」小遙話「點呀，你個露營好唔好玩呀。」
「Ok啦⋯⋯」我話「但梗係覺得差咁啲⋯⋯我帶漏左樣野去。」
「咩呀⋯⋯鹹碟？龍虎豹？」
「痴線⋯⋯衣家邊有人睇龍虎豹㗎⋯⋯」我忍唔住笑「而家睇日本㗎嘛⋯⋯」
「咁冇帶咩呀⋯⋯麻倉憂？上原亞衣？」小遙繼續問。
我咬小遙隻耳仔「我冇帶我個女朋友去。」然後錫左小遙一啖。諗真D，其實3P都唔錯丫。
「疑！街黎㗎⋯⋯四圍咁錫人⋯⋯人怕羞呀！」
「咩喎⋯⋯我好失禮你咩。」
「都幾架，你幾個禮拜前陪我去深水埗行街俾差佬查你身份證，以為你去叫雞。梗係你個樣似雞蟲啦！」
「重好講，果次係你叫我陪你架。」
「但我冇叫你搞到自己成個鹹濕佬咁出街呀嘛！」
***
我同小遙去到間糖水舖，佢坐左係我隔離。食食下野，諗下⋯⋯係喎，小遙應承過俾我扑架喎。橫掂呢度係銅鑼灣⋯⋯又有百佳，又有維多利亞。「係喎小遙呀，你話過。」我摸下小遙對大脾。
「嘢！好衰呀你⋯⋯成日諗埋呢D野。」小遙靜靜雞同我講「人今日唔方便呀。」
「哇！咁你重食楊枝甘露？痛鬼死你呀。唔准食」
「你話左請我食架。」小遙好似個細路女咁扭計「唔制呀。」
「乖啦⋯⋯」然後拎走左小遙碗楊枝甘露，餵佢食左一細羹。「最後一啖。」
小遙食左落肚「哼！」
「我餵你食熱嘅豆腐花。」我餵小遙食我食緊果碗豆腐花。結果我餵佢一羹，佢又餵我一羹，真係甜到入心。食完兩碗糖水就各自番左屋企。
***
之後果日，我做左女仔，同家姐去左濕平。咁啱撞到家姐個男朋友，佢請埋我食晏同埋夾公仔。好大方呀⋯⋯乜而家Tobias 好差咩⋯⋯人地係實力派，唔係土豪派，有嘅係心思同埋內涵。
果晚Tobias 打電話俾我。「Kristy ，番到香港啦。」
「咁你唔使專登打俾我㗎。」哎呀佢梗係掛住我想聽我把聲呀。
「你係唔係屋企呀？我係你樓下。」Tobias 好正經咁講「我想俾份手信你。」
我望出窗外面，Tobias 真係企左係大廈門口。我拿拿臨換衫⋯⋯男神BB黎左樓下搵我呀！
***
「你黎左牙。」我望住Tobias。
「係呀，呢個俾你嘅。」Tobias 遞左個盒仔同一件T恤俾我。「同埋呢個，我想你著俾我睇。我都有一件。」
情侶裝⋯⋯係情侶裝「重咩送咁多野俾我呀。」
「冇呀⋯⋯見到呢兩樣嘢就諗起你。」
我捱左落Tobias 度「你係咪對個個人都咁好㗎。」
「吓⋯⋯重咩忽然間咁問呀。我對個個都好好架喎。」
「冇⋯⋯冇呀⋯⋯」死啦，點解我會講左D咁嘢㗎。「夜啦⋯⋯你早D番屋企啦。」
Tobias 忽然攬住我「傻妹⋯⋯你今日做咩呀。」
「冇⋯⋯冇呀⋯⋯」
「我對你特別好⋯⋯得唔得？」
「淨係對我特別好⋯⋯」我攬住Tobias。死啦⋯⋯D矜持冇曬啦。
「傻妹⋯⋯你又唔係我邊個。」Tobias 摸下我個頭。
「係囉，我都唔係你邊個⋯⋯」我推開左Tobias 拎住D禮物番上樓。「唔好攬住我呀！」
「你今日怪怪地咁嘅⋯⋯噢⋯⋯早抖啦。」
唔理佢！唔理佢！唔理佢！
***
我番到屋企，開左個盒，係樽沙⋯⋯寫住「欲知後事如何，請看下回分解。」講笑⋯⋯寫住Kristy from Tobias 個from 字好細。
好啦⋯⋯呢集真係完啦。
欲知後事如何，請看下回分解