轉性人的荒淫校園: 39.《殘廢人與護士。中》
上回講到Tobias 係學校附近嘅公園無啦啦錫我，又咁啱撞到副校長。
仆街啦⋯⋯副校長⋯⋯係副校長行緊埋黎⋯⋯我望到佢⋯⋯佢都望到我⋯⋯最衰都係你呀Tobias！無啦啦做咩錫人喎！人又唔係你女朋友。而家簡直係捉姦在牀⋯⋯咪住⋯⋯
副校長⋯⋯副校長⋯⋯拖住個⋯⋯妙齡少女？
副校長明明得一粒仔，而我見過佢老婆重老過佢⋯⋯咁個妙齡少女⋯⋯
副校長拖左個妙齡少女行左埋黎，揮手同我地打招呼。
「古sir 你好。」我同Tobias 若無其事咁講。
然後副校長古sir⋯⋯就行走左⋯⋯頭都冇回。
「死啦⋯⋯點算呀⋯⋯」我拉Tobias 隻手「佢見到你錫我呀⋯⋯實俾人記缺點啦。」
Tobias 攬住我條腰「唔驚⋯⋯佢求先唔會見到我地⋯⋯記住⋯⋯我地都冇見到佢。」
「咩呀⋯⋯佢同我地打招呼呀⋯⋯唔好攬住我呀⋯⋯今次真係多得你呀，無啦啦錫人⋯⋯」
「冇事㗎⋯⋯信我。」Tobias 拍心口「如果佢罰我地，就話我強吻你。我唔會俾你有事。」
「係咪㗎。」
***
我地過左陣開始行番學校，當我地去到學校，見到副校長架車泊左係路口。我見到副校長企左係門口。我真係非常之驚呀⋯⋯我個腦好亂呀⋯⋯今日係公園究竟發生咩事呀。
一時之間，我對腳震過貓王⋯⋯死就死啦⋯⋯行左入學校門口。忽然，係我身邊嘅Tobias 攬住我條腰，扯左我埋去佢度。而且，係正副校長面前。有一班同學睇住。
「你痴線㗎。」
Tobias 唔理我，繼續攬住我，一路去到樓梯口。然後細細聲係我耳邊講「你睇，冇事㗎。」
「你痴線㗎！我地就黎好似姦夫淫婦咁俾人罰啦！」
「我地有排都未俾人罰」Tobias話「我發覺你同我好夾。」
「鬼同你夾呀！今日我多得你唔少呀！」
「嘩⋯⋯你地好揚喎」「Tobias⋯⋯幾時同阿嫂請食飯呀？」「嘩！你地耍花槍使唔使咁sweet 呀？」我地上到中六果層，俾一大班人圍住。
「鬼得閒同佢耍花槍呀！」
的確，過左成個下晝，都冇人搵我地講兩性關係⋯⋯明明個Tobias 揚到咁。「唧⋯⋯唧⋯⋯」一落堂個電話就震。
********************
1 message from Tobias
Tobias: 係咪冇事呀Kristy ？
我：冇事就冇事，不過我就嚇餐死。
Tobias: 都叫左你唔使驚，我會保你囉。
我：但我唔明點解我地會冇事，你揚到咁。
Tobias: 你都係唔好明會比較好。
********************
果日，Tobias 係我班房門口接我，然後送左我番屋企。
***
番到屋企，我收到Tobias Whatsapp 我。（下面開始係真人真事改編）（註。1）
******************
1 message from Tobias
Tobias: 喂Kristy，你係咪華仔教通式架？
我：係呀。
Tobias: 咁你有冇收到佢個email。
我：我未check 喎我而家睇先。
Tobias: 你睇睇個電郵地址先丫
******************
我打開部電腦，開左Google Mail，華仔真係send 左email 黎。望望個email address：[email protected]。
吓，咩叫fajdbhk呀？邊有人會用串咁難記嘅亂碼黎做自己個email address 㗎？正常人都會用自己個名㗎。正如你想寄email俾高登admin都會記去 [email protected] 啦，係咪？有⋯⋯有⋯⋯上鹹網個登記email address 一定係亂碼⋯⋯出於好奇，我copy and paste 去Google search。
結果⋯⋯我以為會搵到華仔係鹹網留言⋯⋯點知⋯⋯
同樣係留言，但係。原來佢個email 堆亂碼，係一個討論區嘅用戶名。情況就好似你係Google 打劈炮的關公會搵到本公個高登資訊頁，只不過係另一個討論區。好奇心驅使，我㩒左入果個超連結。
典型嘅討論區格局⋯⋯唔係高登，唔係香討，唔係uwants ，唔係5P，唔係老母皇國。個標題，係咁寫嘅：TG 討論留言館。（註。2）為方便各位巴絲了解更多，我放左條link（註。3）。呢個係真人真事，當年的而且確係呢個網站。
如果各位都有好奇心，㩒左入條link，同我一樣，都會見到一個又一個同變性人有關嘅討論。入面有介紹各種類嘅轉性故事，轉性討論，同埋當然唔小得轉性Av求seed。
我拎起部電話Whatsapp Tobias。
*****************
我：喂，你有冇search 個email address 呀
Tobias : 有呀⋯⋯
我：係咪搵到tggame 呀。
Tobias : 估唔到華仔中意呢尾野喎。
*****************
我好好奇，於是開左個人亂碼電郵地址詳冊左做會員。因為做左果個網嘅會員可以用advance search。然後我㩒左下我老師個account 名果堆亂碼。原來佢開過好多個post 。其中一個，係［原創］［交換身體］《殘廢人與護士》。冇錯⋯⋯呢個係我通識老師華仔嘅作品。
我㩒左入去，見到有幅圖，係個冇左條撚嘅祼男。佢好似高登熄燈咁係度閃下閃下。下面有行字，寫住「欲知後事如何，請看下回分解。」
註1：
現實之中冇左Tobias，個電郵地址唔同，篇文亦唔係個討論區度，上一篇講左，篇文係另一個網。
註2：
TG 即係Trans Gender，即係轉性。
註3：
http://tggame.dyndns.org/phpBB/viewforum.php?f=6&sid=31132a08c8118fac5beac4a2f6a2ec6b