轉性人的荒淫校園: 54.《寶島的回憶。三》
我瞓醒嘅時候，Tobias 唔係攬住我嘅咩？人呢⋯⋯我捽下對眼，四圍望下，好離譜⋯⋯有冇搞錯，居然擔左張凳，著住條孖煙通，坐左係我對面望住我。「BB，你終於瞓醒嗱。」
哎呀⋯⋯朝早一覺瞓醒眼都未睜大，頭又未梳⋯⋯成個乞衣咁。醜死人咩⋯⋯我掩住塊面「唔好望住我呀⋯⋯好醜怪呀！」
Tobias 拎左一件褸，坐左係張床上面，我隔離床邊果個角。佢揭開張被，攝左隻手係我條腰度，拉起我坐直。然後用件䄛包住我「䄛住先，唔好凍親」係喎，我尋晚冇著衫瞓喎。我同Tobias 排排坐係床邊，攬住我條腰。佢將另一隻手放係我塊面上面，然後扭左我個頭向佢，然後放左果隻手係我個頭後面，拉左我個頭埋佢度，然後錫左我一啖。佢用隻手撥一撥我尐頭髪，含情默默咁望住我「老婆，你知唔知道你啱啱瞓醒個樣好可愛呀。」
我打側個頭，掘住Tobias 「嗯⋯⋯」然後行左去個行理喼拎左今日會著果套衫，行左入廁所。梳頭⋯⋯然後著衫。今日著小熱褲同圓領恤衫，洗洗塊面，掂曬⋯⋯行番出間房。Tobias 已經換好衫，佢著住卡奇色短褲，同埋一件黑色圓恤衫。
「你準備好嗱？」Tobias 望一望我，行左埋黎「咁行啦！」佢遞左隻手俾我。我拖住佢隻手，十指緊扣，就出發啦。
***
「老公今日帶我去邊呀？」
「今日我地去遠少少，睇女皇頭然後放天燈。」
「好啦⋯⋯你要帶我喎。」
Tobias 係我耳邊好細聲咁同我講「拖實。」
***
點解Tobias 可以咁犀利⋯⋯望住一個Google Map 就可以好似黎過一次咁，尐路認得曬冇問題。佢帶住我去到台北車站，轉火車，然後去到基隆帶左我去食海鮮做午餐⋯⋯超新鮮，超好味。食飽飽，再轉巴士去到野柳⋯⋯佢俾到一種信心，俾到一種安全感我。
野柳好靚，尐石頭好得意⋯⋯唔得⋯⋯要拉Tobias 同我自拍先得「老公，我要自拍⋯⋯」
Tobias 同我行左去一個岸邊，捱住個石欄，然後一隻手攬住我條腰，一隻手伸長。嘟長個嘴擺個可愛pose 先⋯⋯影好！「Tobias，俾我睇下。」我拎左Tobias 部電話，然後set 左幅想做wallpaper「以後你部電話就用呢幅相做wallpaper 啦。」
「成日都搞搞震。」Tobias 搓下我個頭。「好啦⋯⋯」
「Yeah⋯⋯」我望住Tobias 笑。
我同Tobias 係個公園入面四圍行，四圍影相。影到其中一幅相，Tobias 停左⋯⋯咪住⋯⋯點解個背景有個小朋友蹲左係度，凸左個屎忽出黎嘅？妖！又係大陸人⋯⋯佢都啲花施緊肥。
「鴉！姣騰呀！」（呀！好痛呀！）個小蝗蟲彈左起身尖叫，佢屙出黎果尐屎飛到四圍係⋯⋯呵！抵撚死！原來係隻小蝗蟲幫堆花施肥嘅時候，咁啱有隻大黃蜂開緊餐，隻大黃蜂睇佢唔順眼，就針左佢屎忽一下。抵撚死啦⋯⋯等你屙得咁過癮啦。
Tobias 同我一路係度䎵笑個小蝗蟲，一路遊個公園，影下影下相，就行曬啦。
***
Tobias 帶我搭巴士番出去基隆，然後轉火車去平溪放天燈⋯⋯好似那些年咁。
我同Tobias 去到十分站落車，佢拖住我，沿住路軌行，側面有好多貌似好古老嘅小店⋯⋯不過賣嘅野幾手都係一樣，都係尐天燈做型嘅吊飾。
「哇，果條吊橋好靚呀！」我見到有條好古老嘅吊橋。
「我地行過去睇下。」Tobias 拉住我隻手行左過去⋯⋯條橋遙下遙下咁，Tobias 捉實我，然後係後面攬實我，好似you jump I jump 咁影左幅相。
***
太陽開始落山⋯⋯我地重未放天燈。「喂，老婆，我地一齊寫一個天燈咪得囉。」
「好啦，一人兩面啦。」
「你揀顏色，我寫淨番果兩面啦。」
「都係老公最就我⋯⋯」然後靜靜雞係佢耳邊講「今晚番到酒店要好好獎勵下BB先得。」然後用個胸撞一撞Tobias。
***
太陽開始落山，天色愈來愈暗。我同Tobias 行到去一間放天燈嘅舖頭前面，要左一個有四隻顏色嘅天燈。我揀左黃色同埋粉紅色果兩面，然後係上面寫左「要同Tobias 長長久久⋯⋯」同埋果尐身體健康，我要入港大⋯⋯等等。
寫完之後，我地叫左個老板埋黎，老板拎左一疊宣紙，夾左係個天燈下面，然後燒著佢。我同Tobias 企係個天燈兩邊，然後個老板幫我地影左幾幅相。我同Tobias 放手，個天燈慢慢咁向上飛，係漆黑嘅天色入面就好似一點光芒。
Tobias 拖住我隻手，一齊望住個天燈愈飛愈高。
「係呢，老公，你寫左尐咩呀⋯⋯許左個咩願呀？」
「我想⋯⋯我老婆一日靚女過一日，同你白頭到老，以後都係咁開心。我同你兩個都健健康康。然後可以同你一齊入港大讀書，日日都見到你。你呢？」
「抄我⋯⋯我同你許尐願都差唔多。」
我同Tobias 手拖住手，望住個天燈愈飛愈遠，一直去到一個我地見唔到嘅地方。希望尐夢想可以成真啦。
「開始夜啦，我地走啦。」Tobias 帶番我去十分車站個月台。我地坐左係月台邊，佢攬住我條腰，吹左半個鐘水，就有火車黎。人真係好多⋯⋯好彩我地總算迫左上車。
***
我同Tobias 轉左一大輪車，終於出番去台北，我同佢番到酒店⋯⋯今晚想俾佢玩得盡興尐⋯⋯
欲知後事如何，請看下回分解