有一晚一個來電外傳: 序

在故事開始之前，我先簡單同大家回顧一下阿欣既背景吧。

阿欣，係一位我中一時候已經認識既女仔，
比我大兩年，同校中三，皮膚白晢，長直髮，身材討好（尤其上身），
佢最吸引既係一雙明亮澄澈既大眼睛，為人爽直，隨意，重情，開朗。

中一時候，因為數學成績太差，被班主任強迫放學後補習，由阿欣教我技巧。
起初我對佢印象不太好，因為只係覺得佢又惡又粗魯，雖然樣係絕對呃倒人，
加上擁有阿紫做對比，就愈覺得佢同女仔呢種性別係完全脫勾。



後來相處耐左，多機會接觸後，就認為阿欣係一個外剛內柔既女仔，
把口有時係衰ｄ，但心底絕對以誠待人為先，加上我同佢家庭背景相似，
我同佢就成為左一對非常要好既交心對象。

係我中三果年，佢坦承話鍾意過我，但因為我同阿紫岩岩先分開冇耐，
咁快實在接受唔倒愛上另一個人，事情發生到呢度，
佢一直等緊一個機會，或者一個答案．．．．．