地鐵尋憶: 第四集 (派別)
地鐵尋憶 第四集 (派別)
------------------------------
「係奉教!係奉教啲人啊!」有人大聲叫道...
不到一秒鐘的時間,一整個月台都變得十分混亂...
「我地會再見...小心...」文琪站起來,轉身離去...
「無時間啦,我地邊行邊講...」
「吓...咁晢叔佢地點算...?同埋點解要咁驚奉教..佢地...」
「走咗先啦!無時間啦!」輝哥突然焦躁起來。
我被輝哥的反應嚇了一下...但無奈地只可跟著他...
我們走到能通往荃灣或中環的閘門前...然後輝哥嘗試用徒手把閘門打開...
但我突然記起,好像忘記了某樣東西...「輝哥!個鐵箱我留咗係上面啊!!你係度繼續整,我上返去攞好快返...」我轉身跑起上來。
「喂!你...。唉...快啲啦!小心啲啊...!」
我跑上了之前和文琪下來的樓梯...當我越跑越上的時候,就開始聽到有兩位男性對話...
「嘩.......唔洗咁多人吓哇?我又唔係怪物。」
「哈...傻啦...我地列隊歡迎你之嘛...做乜咁錯盪啊浚哥。」
「無...咁啱經過依度咪黎探下啲老朋友囉,係咼...我聽講...好似有人黎依度個時受咗傷咼,我咁啱又有帶醫生出黎,不如比我個醫生幫佢睇下啦。」
我慢慢爬上樓梯口觀察,只見到有一大班人圍著D出口...
於是我小心翼翼地行到晢叔身旁...
突然有人捉住我的手「你...重唔走...佢地既目標係...你手上個封信...同個鐵箱啊...」晢叔很辛苦地說
「晢叔,我...」
「你快...快啲走,唔洗理我地...快啲走...唔好...再問...啊輝...會講...」
於是我便轉身拿起鐵箱,跑起上來...
「依...?個個後生仔係邊個黎架?佢手上個箱...」剛才對話的男人說。
「關你咩事啊!你諗掂你自己重好啦!殺人犯!」有另一位男人大聲罵著
「啊健!......唔好意思啊浚哥,哈哈...啲細路仔係亂咁講野架啦,你大人有大量...唔好介意咼,哈...哈哈...」剛才對話的第二個男人說。
當我進了樓梯後,對話聲就越來越細聲...
當我走到輝哥所在的閘門時,閘門已經打開了,而且在閘門旁還站著一位素未謀面的女性在看著我...
她的外型高高瘦瘦,長頭髮。但給人感覺不太好相處...
「依...你返咗黎就啱啦...」輝哥從閘門邊探出頭來「要行啦...。」
當我和那女生跳到地鐵路軌時,輝哥用力把閘門關上「我地去咗美孚站先...」輝哥指著左手邊「行依邊...」
一路行的時候,一路聽著背後混亂的嘈雜聲...令我格外擔心晢叔他們...
「輝哥...其實...發生咩事,點解...我地要走既...?」
「佢地係奉教派既人...」輝哥回答。
「奉教派...?佢地唔係三大派別之一黎架咩?咁都要走?」
「唉...」那女生低著頭,輕輕嘆氣了一聲...
「奉教派...其實係邪教黎...佢地相信只要將活人奉獻比怪物,怪物就唔會再食人...佢地重相信其實天人種係上帝,而怪物就係天使...佢地今次黎既目的,就係你手上既鐵箱...」輝哥回答。
「其實...鐵箱入面到底係咩黎...點解佢地會想搶走...?」我再問。
輝哥沒有回應我...
場面一度寂靜,加上漆黑的環境...令我十分不安...
「咁...輝哥...依個女仔係...」
「哦...佢啱啱係我打開閘門個時話要跟埋我地走,我見佢好似好打得咪比佢跟埋...」
「叫我悕靈得啦...」
悕靈...?好像在哪裡聽過這名字,但就是記不起在哪裡聽過...
「悕靈..?你係咪就係個位拓荒者,悕靈?」輝哥問。
「嗯...」悕靈回答。
「拓荒者?點解會咁稱呼佢既?」我問向輝哥。
輝哥回答「有一啲人,佢地唔鐘意屈係個站度...所以呢...就會選擇四處流浪,去下唔同既地方接個度既任務黎做...依啲就係拓荒者啦」
輝哥的態度突然360度轉變「講得啱哦呵,靈姐...Ha...有靈姐同我地一齊行...簡直係上天庇佑..哈...哈哈...」看來...輝哥知道悕靈的身份後,就格外開心...還一路自己笑...
但似乎悕靈不想理會他...
「任務..?」我再問向輝哥。
「拿...我地搜索隊呢,就唔可以成日離開我地個站既...咁我地就會有時出一啲任務,例如清理下站附近既吞種咁啦,咁任務呢...就有分唔同難度既,唔同難度既任務就會出返相應既金錢...咁任務呢就邊個都接得既...但係,係你第一次接任務既時候就要接受一個能力測試...去測試你能夠接咩等級既任務...」
輝哥又自己笑了一下...「哈哈...而靈姐呢,就係能力等級為五既其中一個拓荒者...佢可以一個人打至少三隻撕噬種..哈哈...哈哈哈...」輝哥越講就越興奮...興奮到一邊講一邊自己笑...
「咁唔知啊靈姐你諗住下一個目的地係邊呢...?」輝哥問。
悕靈指向我...「佢去邊度...我就去邊度...」
「好啊靈姐...好啊好啊...」
(Kenneth內心:吓...跟住我!?點解......?)
輝哥的笑聲突然停下來...「Shh...」並用手 指示我要停下腳步...
當我再次望向前方...發現一雙又一雙的發光眼晴正對我們虎視眈眈......
待續.........