《無期》: 第二章 脫困

「上車頂！歷，暴，幫手。」

雖然是電光火石之間，但明顯男孩和少女與失智者不是同一夥的，但對方救他們的動機是甚麼？

好人在這世上大概已經不存在了。

待眾人上了貨車頂後，車立即開出，奇怪的是貨車竟然可以一路風馳電掣，偶然有汽車或瓦礫擋路都直接衝過去，漸漸把失智者拋離。

暴：「有人清理過條路。」





小馬尾：「咁要好多人力物力先得。」

貨車突然停下，男孩與少女立即下了車。

少女：「你地好，我叫穎藍。」

男孩：「啊…我叫勢明。」

老師：「你好，我姓魯，大家叫我老師，多謝你地既幫忙。」





霧：「如果冇事，咁係時候分道揚鑣喇。」

穎藍：「等等，頭先係我救咗你地，除咗表達善意亦都係證明實力，同埋想要一個機會，俾我地加入你地，可以考慮下嘛？」

勢明：「係囉，我地好辛苦先救到你地㗎！考慮下啦。」

老師見眾人沒有反對，於是開始提問，通常大家都會留決策權給他的。

「你地有幾多人？」





藍：「得我同佢。」

「咁你地點清到條路出嚟？」

藍：「同我能力有關，但正如你地未相信我地一樣，我唔可以透露住。」

「但係咁啱清好條路，又準備好貨車，喺我地被困既時候救我地咁巧合？」

明：「唔係巧合，我地清咗好耐㗎喇！我地一早準備好晒等你地。」

歷等人已經拔刀相向，蓄勢待發。

藍：「咪住，我地唔係咁既意思，我地準備好路同車，等值得我地救亦可以投身既隊伍先會出手，之前已經死咗四五十人，我地唔係埋伏你地，應該話你地係我地一直期待既希望。」

霧：「希望？





哩個世界無。
你地唔洗期。」

老師望向霧，繼續問問題，他知道不會有東西能安撫到霧。

「死咗4，50人，你地都仲生存得咁好，點解要加入我地，冒咁大風險？唔好講咩敵唔過孤獨既廢話，太假。」

藍指了一指明：「緊係唔係，就算係白痴到好似我細佬咁都講唔出啦。係因為生存，班喪屍越嚟越多，智慧越嚟越高，我地已經冇地方匿喇。」

老師已經向身後眾人做出放下武器的手勢。

「有冇同敢唔敢殺人？」

藍：「算有啦。必要時我一定會。」





明：「吓，我未殺過人㗎，我唔知道我敢唔敢喎。」

「仲有最後一個問題，

…………………

回到歷與黑手決戰的窄行，除了一地死屍外再無任何生物。

這時有個女人慢慢走向黑手，它一身潔白，白皙的肌膚與白色露臍的小背心，透明的鞋和透明帶着淺藍的手鐲，一身清涼得不得了，黑色的秀髮與短裙。

當然它絕對不是人，眼睛發出閃亮的藍光，頸圍着一條柔弱如水的透亮頸巾，它也是特殊的失智者！

走到黑手屍身處，慢慢地把它的頭放回頸上，頸巾滲出一團液體把斷頸圍起來，伸出右手觸碰液體。





淺藍的手鐲與黑手的眼睛發出陣陣幽藍。