《無期》: 第二章 協力

對方並沒有回答，耳邊傳來許多衣物磨擦的聲音和硬物與地板碰撞的聲音。

接着又一陣衣物磨擦的聲音，然後再次聽到那些腳步走遠。

「點啊，𡃁仔，驚唔驚啊？」

「你地究竟想點，捉我地做乜野。」

「睇嚟唔係好驚，光哥話他要保持活力，想要啲人鞭補一補，越係西利既人就越有效。」





「人鞭？咩人鞭？」

一時間，歷不明白鞭「即係指鞭度」？

「哈，哩到啊，佢話連埋哩度煲湯，成個package就齊全晒，效果一定最好。」

歷的小弟弟被她握着，然後再被捏着袋袋。

唔x係掛，仍然有人相信以形補形這一套？嚇得整個人連親兄弟都縮了起來，心寒得發抖，原本連死亡的恐懼也看淡了，以為更沒有更可怕的事，原來仍然是有的。





「哈哈，講下笑，你都信，邊有人咁核凸啊，白痴。」

然後她的手又再由捏袋袋變成握弟弟，開始輕輕的撫摸。

「𡃁仔，舒唔舒服啊？」

這情境，讓他想起權力遊戲內某個恐怖情節，究竟她說的人鞭湯是真是假？

「起唔到機喎，驚得滯定你本身虧啊？」





「你究竟想點？」

「想同你玩囉，見你都幾靚仔，又好似幾勁咁，益你都唔制啊？有冇興趣join我地啊？」

「攪掂就叫醒佢地啦。」

是那個灰Tshirt指揮男的聲音。

「未攪啊，佢嚇到縮晒。冇得攪啊。」

然後歷感到有人用布包着他。

「叫醒晒佢地！」

老師等人被叫醒，沒有咒罵與威脅，因為知道通通無用，大家都靜待着對方想做甚麼。





「我係啊光，哩度既負責人。講明先，唔好諗住逃走同反抗，你地既能力已經失效，而且哩度有陷阱，一發動必死。」

歷被戴上耳塞和耳罩把聲音完全隔絕起來，可以聽到的就只剩下自己的心跳與呼吸聲，像獨處在一個不見天日的黑洞裏，世界只有自己一個。

光：「你應該係話事人？」

老師眼睛仍被矇着，有點不明所以。

「我同緊你講野，其他人已經戴晒耳罩，我地傾傾先。」

「有乜好傾？肉隨砧板上，你直接講你地想點啦。」

「我要知道你地點解嚟哩度？有咩目的？遇過咩怪獸？外面環境係點？」





「還掂都會殺咗我地，我點解要答你？」

「錯錯錯。首先點解我要殺你？除非你地係為復仇而嚟，但我好似冇仇家，咁點解我一定要殺你地？」

「…我地殺咗你兩個追擊手。」

「哈哈哈哈哈哈。原來係咁，哩樣你一定係需要補償，但我唔會攞你地命，攞咗有乜好處？死兩個普通人啫，有乜咁大件事，而家係新人類既世界，係強者既天下，普通人算得啲咩？」

「咁我答完你，你會放我地？」