《無期》: 第三章 城與大帝

背生雙翼，手持銀色長矛，像天使又像遠古而來的戰神，完全不食人間煙火的氣質，不止氣質連五官輪廓都不似地球上任何已知人種，藍眼銀髮，1.7米以上的身高配上完美結實的身段，右手緊握着透出迫人寒光的銀矛，雪白雙翼如虛似幻，有種透明的感覺。

藍目！

但絕不是失智者。那淺藍的顏色有點不同，而且她既不是普通失智者的呆滯亦不是特殊者的靈動，而是一種未見過的冷酷，不帶一絲一毫的情感。

眾人還未回神，她身影已一閃越眾人而過，左手握着無力反抗的藍的頸，右手緊握銀矛正準備一矛穿腦。

拔刀，雷現，斬擊。





歷一氣呵成，簡直完美。

同時小馬尾亦以無形之手拉着長矛，老師和霧正準備攻擊，小明卻依然脫力動彈不得。

小言緊跟歷後準備配合歷作二連擊。

無形之手對長矛毫無作用，以矛刃盪開閃耀着白紫紅三色的武士刀，再以矛身架開小言那如毒蛇吐舌般危險的匕首，然後身體以極微少的震動以類似鐵山靠的技巧彈開歷與小言，接着望向小馬尾，後者立時向後彈開數米遠，像給巨人推開一樣。

這是警告！只一瞬就制服了三人。而且只是壓制並沒有傷及性命，所展現的強大武技讓人驚嘆，能於一瞬間彈開二人，那極短距離的發勁絕非一般蠻力，此「人」剛可屠龍，柔可震退而不傷敵，實力比他們高強太多了。





「嘩！停阿！你想做乜，佢唔係敵人阿！放低支矛。」

銀髮冷冷地目無表情地望着乞衣人，數秒後才慢慢放低藍走回乞衣男身邊，但雙眼仍然望着藍。

「唔好意思，佢short short地，好彩冇事。」

霧迫問：「咁係咩意思，冇端端襲撃我隊友，係要攞威？」

藍：「霧姐，我冇事，但我已經唔郁得，要休息一陣先。」





然後她就閉起雙目休養下來。

小明：「我都係。」

乞衣人：「既然如此，不如等在下為你地守護一段時間先，等到哩位小姐休息好，我地再入城休息。咁既安排，霧姐你滿唔滿意？而為咗等大家冇咁悶，就等在下講解一下，解開大家既疑問。」

霧等人不置可否，等待他繼續說下去，這是默許。

「大家可以叫我魔法師，幸得大帝信任成為黃金戰隊既隊長，喺運輸中途俾嗰隻可惡既龍偷襲，身上所有野都燒成灰炭，好彩在下反應快，唔係就變成BBQ燒肉喇，盛怒之中在下唔夠細心俾佢逃走咗，估唔到會令你地隊友死亡，再次感到抱歉。」

乞衣魔法師一個90度鞠躬後繼續說。

「相信大家都想知道大帝同城既事，大帝係神一樣既人，或者話係人一樣既神，城既建立基礎係大帝既無敵實力，所有異生物入侵都必死無疑，所以基本上大家喺城裏面都好安全既，可以安心生活同發展。」

面對眾人不相信的表情，乞衣魔法師苦笑着說。





「大家可能唔信，但如果你地有幸見到大帝既話，一定會明白。而我身邊哩位好似天使咁既生物，佢係聽命於大帝，但係就神神地，唔係好識講野。」