《無期》: 第三章 暗湧3

「登登！」

一男子正在一巨大房間內閉着眼睛祈禱，希望以虔誠真摯的心打動上帝，結束這一切可怕的事，期望已經完成神想要他們經歷的困難，讓一切惡夢得已消失，讓生活重回正軌。

那email 的聲音打斷了他誠心的禱告，這是神的提示？還是因為自己的心意不夠，讓惡魔有機可乘破壞他與神的聯繫？

mouse 指着那突如其來的email再double click，看看是神旨意還是惡魔的傑作。

訊息很短，標題沒有甚麼特別，只是想相約他食晚飯罷了。





男子卻看了一遍又一遍，再三確定已記住了內容後立即刪除郵件，他知道server 上的內容並不會久存，現在亦沒條件可以backup整個server，所以過一兩日資料就不復存在，而他現在只需處理一下這電腦就可以了。

「啪啪啪啪啪。咇咇！啪啪啪啪啪。」

這是他們it人幫手預備的軟件與步驟，這的確方便，電腦只需放着運行就可以了，若其他人見到亦只知道硬碟正在重組中，一切都自然無比。

男子轉身走過一排排整理好的槍械，開門走出房間。

「寧姐，我有啲唔舒服，今日請一日假。」





寧姐是一中年女士，與女兒一起逃過一劫，在這武器管制部工作，初期每日都有很多武器與彈藥需要儲存與取出，新武器亦要登記，人手不足忙得不可開交。而現在亦一樣，戰時槍械的出出入入登記與清潔都十分忙碌，讓她得以暫忘喪夫亡子之痛。

然而沈醉於過去虛幻的美好，又滿足於現在的麻木空虛者難以得到救贖，神不會引領這些自甘墮落的人，要追隨神的身邊必需一顆堅定的心。

又再接近天國多一分了，這讓他忍不着微笑。

………………

「下一張，唔該。





我地搜集咗好多人既經歷，基本上有幾點可以肯定既，地球正被一股強大既力量影響緊，我地暫時叫它叫Alpha，有傳聞話除咗香港之外所有地方都已經被毀滅，但我地冇辦法可以證實。

地貌改變，相信係由Alpha做成，目的不明，但可以確定原本既地方係被消滅再移植上去既，亦即係話上面既人同所有野都已經唔存在喇，而哩啲異域上面有好多非地球既物種，大部分都具攻擊性，非常危險。生物方面我地會喺後面既chapter再詳細講解。

電子儀器失靈。啊，多得T，我地先可以繼續有電器用，哩方面真係好緊要。初步估計係所謂既魔力影響，但暫時未可以100%肯定，仍然研究緊雙方關係，但魔力實在太虛無漂眇根本無從入手，而魔力都應該都係Alpha既傑作，但魔力係源自異域定其他成因就未知。

以上係環境方面既主要改變，跟住落嚟係其他重要事件同現象...」

以上是災源與復興中心裏劉大小姐的簡報。

跟住落嚟既係...

戰鬥！