《無期》: 第二章 幽藍，鐵影9

「連三流都唔係？」

風褸男的話狠狠地打擊歷，原來自己的實力竟然是這樣差。

「咁…你同嗰隻彩鱗蜥蜴怪，邊個勁啲？咪住！頭先你都喺度？你跟住我地？」

「魯先生，出嚟喇。如果唔係，死人唔關我事㗎。」

然後歷看到老師面帶微笑慢慢從樓梯暗處走出來。





歷：「老師？」

小馬尾：「老鬼…」

霧：「究竟咩事？」

霧的手槍由指着風褸男變為指向老師。後者立即舉高雙手，因為他知道眼前這冰冷的婦人心絕對夠堅定開槍，而他亦肯定自己閃避不過。

「佢救咗我，然後帶我追番上你地。」





霧：「手榴彈呢？」

「喺後腰。」

「你地慢慢，我走先。」

說完風褸男就轉身離去，頭也不回一點也不驚我們會從後偷襲。

歷：「喂！你未答我問題啊！喂！」





小馬尾搭着他的肩頭要他安靜下來，那風褸男的實力如此高強，人家根本就沒想過留下來回答，他們又可以怎樣？

「小言，拎番手榴彈過嚟先…」

「喂…洗唔洗啊。」

「要！除衫！」

「玩到咁大？」

霧沒有回答他，只是默默地把板機扣下來。

小言立即轉過身，小馬尾卻笑得非常愉快，暴和歷不想看到同性的裸體，但亦不能放下警戒，只能嘔心地看着老師脫光光，露出雪白一片的肥胖軀體。

「啪！」





一本收在衫內的書跌落在地上，小馬尾看到後笑到眼水也流出來，歷和暴眼角「叮」了一聲。

「順手拎㗎咋。」

「哈哈哈哈，順手拎？唔拎週刊？哈哈哈哈。」

「殊！知就咪踢爆我啦！嗱！清楚啦，我真係俾佢救㗎！」

「好，探肛就算啦。歡迎你返嚟。」

「£§§€¤$^>」

歷：「下次拎多兩本啦！自私！」





暴：「啊…其實拎多啲都唔驅既。」

霧：「下次俾我見到，會燒毀咗佢。」

「你要人除衫先見到咋嘛，見到又話要燒毀，痴線！」

當然就連老師亦沒有勇氣說出來，否則換來的回應絕對會令他更不愉快。

「小言…你見唔到，老鬼真係老喇…同埋原來佢個底咁白…個心口白到啦，唔講以為係女人…哈哈…」

老師非常想哭，接下來的一段日子有排被她們笑了。

霧：「暴，你替歷繼續守。老餅，你講清楚係咩事。」

老師忍着不讓淚水留下並開始憶述。





「我當時好危險，生命受威脅，但我唔識催眠術，所以諗住死緊…」

………………

「唉，如果我識催眠術，就可以催眠佢啦，可惜當年冇睇TBB！」

追悔無用，緊握着手榴彈，準備與眼前的紅鱗同歸於盡。其實殺死它是沒可能的，只希望可以拖延到霧他們逃脫成功，自己的生命沒有白費。

「砰！砰！」

兩聲巨響如攻城車撞在城牆上一樣震耳欲聾。

一隻彩鱗蜥蜴怪從天而降！它比那頭紅鱗矮一點點，身型亦細了一圈，眼神戾氣少了一些。但感覺卻更加危險。





紅鱗見到彩鱗後立即低頭單膝跪下來。