《無期》: 第二章 幽藍，鐵影12

「冇可能，一歲識行，兩歲識飛，三歲識龜波氣功，仲唔係金生？」

「玩笑適可而止。」

「咁你姓咩？」

「我冇姓，你可以叫我…鐵影。」

………………





「就係咁喇。」

歷：「佢同隻彩色蜥蜴利害成咁？」

小馬尾：「咁身體適應又係咩一回事？」

霧：「有冇咩有用既情報？」

「我問佢組織啲野，佢冇答我，佢地研究緊新出現既生物同魔力，冇咩料可以過俾我。但強調強大既野獸唔係最大既威脅，其他智慧種族先係。」





霧：「魔力？」

「佢話佢知道既都唔多，但魔力除咗同我地既異能有關之外，仲同電話之類既電子儀器失效有關。」

『即係世界突然多咗魔力，影響我地同設備，咁魔力又同其他生物有冇關係？佢地帶魔力嚟定追逐魔力而至，抑或兩者都係被帶嚟？會唔會係鐵影既組織誤開地獄之門？』

歷：「知道有魔力又點，又睇唔到摸唔到既，對我地嚟講同冇咪一樣。咁有幾多智慧種族？」

「er…我冇問到…」





霧忍不住抓着他的衣領。

「你有冇攪錯！？咁重要竟然冇問？你白痴㗎？」

「一時唔為意啊嘛，你…鬆手先…我…我抖唔到氣喇…」

「冇鬼用！」

「唉…」

結果老師差點死在霧的手上。

霧：「咁你覺得點？信唔信得過？佢所謂既組織又係點？」

「唔…佢好強，簡直唔係人。我地應該冇佢需要既野，如果有佢直接搶就得啦，咁暫時除咗佢講既理由外就冇其他更加合理既推測，而佢個所謂既組織俾我既感覺好神秘，唔似係啲國家機構或者係某啲財團。唔…」





「點講呢，如果係國家，應該會話自己係乜乜國，而家嚟打鳩你地，我地一齊戰鬥啦。如果係財團就更加係為利益既，但佢又兩樣都唔似。又冇留任何聯絡，反而想斷絕一切接觸咁。」

霧：「所以？」

「所以我估唔到，暫時我會叫佢地做『離地大愛』，好似好『大愛』，但又好離地。」

霧：「相信我地都好難會再見到佢。如果再見到一定要收集多啲情報，佢地好似知道好多野咁。而且聽落去，好似有個大陰謀咁。」

小馬尾：「如果有佢入隊就好喇，咁我地就唔洗驚啦。」

「唔好諗哩啲，任何野到最後都係要靠自己，既然佢話等我地適應咗就會更強，咁我地只需要好好生存落去再鍛煉。」

歷不甘地望着那幽暗的後樓梯。





「鐵影…」

…………………

一道黑色人影正快速奔跑着，在濃密的灰樹間穿梭就如平地一樣快速。

偶爾有些大大小小不同身形的蟲獸靠近都會被轟飛，或死或傷無一例外。

極速之中兜帽仍然緊緊的遮着整個臉龐。

衝出灰樹林後到達海旁，如果歷等人來到，應該能認得出這曾經叫做尖沙咀的地方，雖然鐘樓已塌，橋已斷，道路不復存在。

鐵影邊行向海邊把兜帽拉後，一躍跳進海水之中。