毒L溝女記[遇上補習老師]: 同歸於盡
「你講乜野!?」
「我問你你究竟同唔同呢條八婆分手?」
「我絕對唔會離開阿彤。」
啪!
TINA行過黎大巴掌摑我。
「你條仆街我已經達成左你條件同你扑野，點解你仲唔放左阿彤?」
「係呀你係達成左，但係我有應承要放左佢咩?」
「你條仆街...」
「我再問多你一次，你究竟同唔同條八婆分手?」
「你食屎啦，你問幾多次我都只會答NO。」
啪!
TINA再大大巴摑我塊臉。
「同唔同佢分手...」
「NO。」
啪!
「同唔同佢分手啊...」
「NO。」
啪!
「NO啊拿...NO啊拿...我要摑醒你...」
啪...啪...啪...啪!
TINA連摑左我好多巴。
我已經俾佢摑到流晒血，只感到臉上都有一股熱氣。
「嗚嗚...停手啊，偉仔...你就同我分手啦...我唔想見住你咁痛苦，係我連累左你，你嘅人生唔應該咁痛苦。」
「唔可以...呢一刻同張倩彤一齊...呢一世我都要同張倩彤一齊，我一定唔會離棄你。」
「偉仔...你唔可以為左我而死，我已經一無所有我寧願死嗰係我唔係你。」
「唔可以...」
「好啊，既然你咁想死我成全你好冇。」
TINA略帶奸笑。
「TINA你想做乜野?」
「我成全佢就可以擁有你，你應該感到高興。」
說罷TINA入左廚房。
正當呢個時候我赫然見到左手隔離有塊玻璃，而呢塊玻璃睇落都好尖銳。
我心諗:「點解床度會有塊玻璃?」
「阿彤我好快就會救你出去，你要撐住唔好瞓。」
我對阿彤思思細語。
我唔理咁多我即刻用手指不斷向上爬，爬呀爬爬呀爬...終於俾我拎到塊玻璃。
拎到玻璃之然我即刻將鋒利一邊對正條繩不斷割。
然而單靠手指之力係極之難將繩割開，但我唔會放棄一絲希望。
過左冇耐TINA拎左把水果刀出黎。
「我即將可以擁有你啦，哈哈...」
TINA似係開始有啲精神失常，慶幸佢冇發現我拎住塊玻璃。
「唔好啊!!」
TINA舉起刀以緩慢速度慢慢靠近彤姐，焦點全投放落彤姐身上，猶如行屍走肉的樣子。
而我繼續加快割繩速度，不論手指有幾攰我都唔會停。
「停啊!唔好再靠近，冷靜啲放低把刀。」
此時此刻TINA已經聽唔入耳。
5米......
我心諗:「屌，快啲斷啦條繩。」
4米......
我心諗:「天啊，求下你賜我力量割開條繩。」
3米......
我心諗:「好耶，有裂痕啦...就快斷。」
2米......
我心諗:「斷左!!我要解埋其餘繩。」
1米......
我心諗:「得翻腳呢條繩咋快啲斷啦。」
嘭...嘭...嘭...
突然門口有幾下拍門聲。
「入面嘅人聽住快啲開門，我地係警察，有人報警話屋內有兇殺案，唔開門我地就會爆門。」
「仆街...點解要呢個時候先黎...反正都要死我要攬埋你地一齊死!!」
TINA聽到警察黎左即刻激動到叫起黎。
砰...砰...砰...
警察聽到入面有叫聲開始爆門。
「你去死啦八婆...」
TINA將把刀舉到最高準備捅落阿彤。
「永別啦偉仔，來世我地再見到陣一定會好幸福咁生活。」
「唔好啊!!!」
我解開所有繩即刻衝落床。
「啊...」
TINA手起刀落終於插左落去。
這些日子，係你嘅出現改變了我。
由老媽子安排嘅一次上門補習認識到你，你好靚，你好可愛，笑容十分甜美，慢慢我開始對你動情，
隔著一層樓的緣份，曾經你走到海濱哭泣，又心痛地走到中環，直到挽回成為我的責任，
你嘅每一次離去都令我痛心不已，令我只懂死死地在人海之中尋找你，
命中注定，或許這一切一切都係上天俾我嘅結果，
直至呢一刻我終於真真正正體會到珍惜嘅重要性，
如果俾我重黎一次，我一定會將歷史改變，將每件事做到最好，而呢一切都唔會發生。
「再...見啦...阿...彤。」
我感到背部有一陣劇痛。
刀鋒落下之時，我及時攬住彤姐為佢擋左一刀，血液瞬間染紅整件衫。
「偉...仔!!點解...點解你要咁做!?...唔好離開我啊...你走左我生存仲有咩意義，你話過會永遠陪住我。」
砰...砰...嘭!!
「入面嘅所有人都唔好郁!」
差佬終於爆開左道門。
「阿偉!!點解你要為佢擋刀...明明我即將就可以擁有你...點解!?」
然後班差佬走上前準備拘捕TINA。
「你班仆街...放手啊...我唔會跟你地走...食屎狗。」
TINA苦苦掙扎務求得到解脫。
但差佬都好努力咁抓住佢，最後終於塔到佢。
「我地依家控告你企圖謀殺他人，依家帶你翻警署，唔該你合作。」
講完差佬就將個黑色頭套套落佢個頭。
「我唔走...我要何紹偉...我要殺左個八婆...放左我!?你班仆街...」
TINA邊被帶走邊掙扎，此時此刻我先感到安心。
「彤彤，你...你係咪想知我生日當晚許咩願。」
雖然陣陣劇痛從背脊湧上，但我都要勉強向彤姐講出說話。
「我唔想知道，如你所講講出黎就會唔靈，依家最緊要你平安無事。」
「我希望我可以...同我最愛嘅張倩彤...係埋一齊，永不分開，幸福咁過每一天，呢個就係我嘅願...望......」
講完我就暈低左，再都講唔到野。
「偉仔，唔好瞓................」
我同彤姐紛紛被抬上擔架，運走，上救護車，送到醫院。
事件係咪就此告一段落?