毒L溝女記[遇上補習老師]: 最終章

食完大大魚蛋冇幾耐，彤姐就拖住我行呀行，

然而彤姐突然衝口而出，

「偉仔我地去踩單車好唔好。」

「你出到聲唔好都要好嫁啦。」

然後我地就行去單車鋪租單車。



「唔該租兩部單車。」

就係咁我銀包冇左一嚿水。

「你識唔識踩嫁，唔識我可以叫部四輪。」

我質疑彤姐嘅單車技術。

「我緊係識啦，我以前踩單車多過你食飯。」



「最好係咁啦，你仆街我會笑你嫁。」

「你夠膽笑我打死你。」

「彤姐好惡，我好驚驚。」

「哼!」

然後彤姐突然踩走左。



「阿...阿彤等埋。」

我當然都唔落後於彤姐，我即刻踩單車追上佢。



「阿彤你突然踩咁快做咩?」

冇幾耐我就追上彤姐。

「我要證明俾你睇我係識踩單車。」

睇黎彤姐都幾有尊嚴。

「知啦知啦，知你識踩，都唔洗突然踩咁快。」



我拍住彤姐一齊踩。

陣陣風吹埋黎我講野都有困難。

「偉仔你望下隔離個天好藍。」

我望向右邊嘅海，個天的確一片藍。

「你係咪又想講影翻幅相。」

「係呀，點解你會知嘅。」

「因為我知你讚完之後就一定會影相，同你相處左咁耐點會唔知。」



「好啦，咁我地係前面個位停低影翻幅相。」



停低左之後，

「3...2...1笑。」

冇錯，彤姐除左影個天又同我自拍。

相入面見到我呢條毒L露齒一笑樣衰至極，而彤姐就微笑住咁挨住我膊頭臉蛋十分可愛，而後面就係一片藍天。

「呢張相影得幾靚我要拎黎做手機wallpaper。」

「做wallpaper幾好唔錯。」



當然我緊係驚我呢個樣會影響市容。



踩完單車我地就去左沙灘睇日落，

「偉仔我地好似未試過坐係沙灘睇日落。」

「係呀，仲有我地第一次黎長洲。」

「我記得我細細過嗰陣......」

睇黎彤姐又有一段故事講，真係觸感傷情。



「係...請講。」

「我同老母老豆一家人黎長洲玩，嗰陣阿妹仲未出世。」

「我以為佢地真係同我一齊黎呢度玩，點知原來佢地係想留我係度當遺棄左我。」

「可能佢地係因為我學野太慢學極都唔識就當我弱智，覺得我係一個負慮所以就唔想要我。」

「加上當時遇上財困覺得養唔起我所以就當生少我一個。」

「當然最後我都可以搵返佢地。」

原來彤姐有過一段咁慘嘅童年，同我段童年有些少相似。

「然後我就開始好努力咁讀書，為嘅就係唔好俾家人睇死。」

「所以先造就到你今日做補習老師又讀得上大學?」

「係呀，佢地見我成績續漸咁好先打消左呢個念頭，如果唔係我依家可能就做左孤兒。」

「唔緊要，過去左嘅事就唔好諗，依家我地已經一家人，要辛苦嘅你已經辛苦完唔需要再擔心受到打擊。」

我搭住彤姐膊頭，而彤姐表情變得好憂愁。

「咦，太陽日落啦你睇下。」

我要令彤姐振作然後我指住個太陽，彤姐立即向前望。

「係喎，今日個日落特別靚。」

「靚啊，但都唔夠阿彤你靚，好慶幸可以同到你一齊睇。」

「口甜舌滑。」

彤姐微微咁笑左一笑。

「你終於識笑yeah。」

見到彤姐笑我個心都跟住佢一齊笑。



日落好快就睇完，但彤姐繼續拖住我。

「偉仔你仲記唔記得有咩事未做?」

我諗左好耐都諗唔到。

「有咩事未做?」

「掛愛情鎖啊，咁重要嘅事你係真唔記得定假唔記得。」

一語驚醒夢中人。

「係喎咁我地行啦。」

無幾耐我地買左個鎖上面寫住「HSW❤CST一生一世」

然後我地搵岩位就掛左上去。

「呢個鎖鎖上之後就代表我地永遠都要係埋一齊唔好分開。」

彤姐即刻講解。

「我地一定唔會分開行到白頭到老。」

鎖完之後我地準備離開之時，

突然有一陣風吹左一張報紙過黎，

而呢張報紙封面上幾隻大字都將我地瞬間嚇到面無血色。

「青山一名女病人逃獄，警方正追捕。」

......

「該名女病人...姓張...」

​冇錯，係伯母......


                                                                                                                      毒L篇:全故完


多謝各位巴打支持，

不久嘅將來我會推出續集「我同條女敦倫的日子」，

希望各位繼續支持留意。