怡:「我係度諗呢....」

俊:「講咩話?好大風我聽唔到阿」

怡(大聲):「我係度諗緊我地係點識。」

俊:「哦...咪就係你飲醉酒果次囉。」

怡:「飲醉酒?飲咩醉酒阿?我地唔係係7仔識㗎咩?」楚怡好疑惑咁問



俊:「我記得有一晚我去7仔買野,點知一出門口,就見到你攤左係我部車到,咁跟住我問你屋企係邊,好彩你個friend 阿Sandy 打電話嚟。」

怡:「吓?原來果個就係你嚟...」

俊:「乜Sandy無同你講咩?」

怡:「無喎。」

到左麵店門口---



怡心諗:呢間麵店睇落去好似都有幾十年歷史,門口入面果個大慨五十幾歲嘅阿叔應該係老闆嚟。

麵店老闆(笑面迎人):「喂~阿俊 做乜咁耐冇嚟阿。咦?呢個係你女朋友嚟㗎?」

俊:「哦,係呀,佢叫楚枱阿。」

怡:「你好。」

老闆(熱情):「hi~靚女。勁喎,阿俊,搵到個咁靚嘅女朋友。嚟,隨便坐得㗎喇,哈哈。」



楚怡攞起塊餐牌,諗左一陣...

怡:「係喎,你諗到食咩未?」

俊:「我諗左喇,你呢?」

怡(細細聲):「喂...呢度有咩好食阿?」

俊:「um...就雲吞麵吖,呢度D雲吞都唔錯架。」

怡:「咁就要碗雲吞麵吖,記得走青喎。」

俊:「老細,要兩碗雲吞麵,一碗走青。」

老闆(大聲):「好呀。」



呢個時候,楚怡嘅電話震左一下。

楚怡:邊個whatsapp 我呢?

Sandy--- 喂~最近點呀? 我地遲D呢諗住搞個中學同學聚會,你有冇興趣一齊去?話唔定會撞返你當年果個白馬王子喎。 15/4/7 21:46

怡---我冇所謂呀,去囉。
15/4/7 21:48

「雲吞麵到~」

怡,俊:「唔該。」

老闆:「咁你地慢慢食喇喎。」



俊:「走蔥果碗你嘅,呢碗我嘅。係呢,我見你頭先咁專心望住部手機,無野吖嘛?」

怡:「無...無呀,我覆返朋友D野啫。」

俊:「係呢,你食完麵之後想去邊呀?」

怡:「我今日做野做到好累阿,我想早D返去休息下。」

食完麵之後---

老闆:「下次再嚟過吖。」

出左門囗---



俊:「呀~係呢,你覺得頭先個雲吞麵點阿。」

怡:「幾好食阿。」

俊:「下次同你再食過。」

怡(笑住口):「喂..魏俊,你唔係淨係想用一碗雲吞麵就想敷衍我係咪呀?」

俊:「點敢呀。」

揸車嘅時候,阿怡周圍望一下風景,舒緩下工作嘅壓力,而阿俊都好享受阿怡埃住佢嘅果種感覺。

話咁快就到左阿怡屋企樓下

阿怡落左車,除低左個頭盔。呢個時候,魏俊摸一摸佢個頭,話:「早啲訓喇,你上到去記得打返個電話比我。」



怡(笑住口):「得喇,長氣。」 然後錫阿俊一啖話:「byebye~」

俊:「byebye....」

待續
已有 0 人追稿