正所謂光陰似箭,一年已過去。
 
界王星。
 
「哈…」
經典的半蹲蓄氣姿勢,眼熟的橙色道服,背上的「界王」二字,獨特的髮型…沒錯,這就是曾經從笛子大魔王手中拯救過世界的孫悟空…的兒子,孫悟飯。淡紅色的氣焰從腳下出現,瞬間環繞全身,氣焰刮起颶風,在旁的界王及寵物猩猩阿布亦用手臂擋住自己。
 
「哈!」
響亮的一聲,代表蓄氣完成,風息了。只見悟飯舉起右手,向右方發射光波,光波環繞界王星前進一周,從悟飯的左邊飛來。悟飯馬上轉身面向光波,雙手在臉前形成交叉,擋住了光波,一陣巨大的爆炸聲發出,白煙在悟飯的手臂上飄出,然後,一切都十分寧靜。
 




「太好喇!悟飯!你終於都承受到兩倍界王拳喇!」
界王喜出望外。經過幾個月來在界王星的修煉,從前弱小、怕事、愛哭的孫悟飯,已經蛻變成一個堅強的戰士。
 
悟飯放鬆身體。「界王大人,多謝你呢幾個月嚟嘅照顧。」
 
聽到悟飯這麼說,界王首先是驚訝,然後…眼眶漸漸變濕了。
 
「傻仔!講埋哂啲咁嘅嘢!不過,見到你有咁大嘅變化同成長,我真係好開心。」
 
說到這,界王又想起了第一天看見悟飯時的情況。




 
五個月前的那天,一朵小白雲在蛇道的尾巴上,慢慢飄近界王星,雲上還坐著一個小孩。
 
一到達界王星表面,小孩和雲就被強大的重力緊緊的吸住。小孩受到突如其來的驚嚇,更發現自己不能動,就大哭起來。界王立刻前往查看,發現了大哭的小孩和雲。
 
「哎呀,你終於都嚟咗喇?」
 
小孩大哭不止,在界王仍在苦惱之際,小孩突然停止了哭泣,身上出現白色氣焰,緩慢地站了起來,臉上更出現兇狠的眼神。界王十分驚訝,腦中一片空白。
 
突然,天神的聲音出現了,「你好呀!界王大人,悟飯到咗您嗰度喇?」




 
「到咗喇,不過呢…」界王將他的所見所聞都告訴了天神。
 
「咁啊!係呀,嗰個細路有好大潛能,所以界王大人您一定要好好將佢訓練成才呀!係咁先啦!Bye bye!」
 
「等…等陣先…!」
 
可惜,界王叫不住興奮的天神,只好撓著頭,自己解決眼前的問題。
 
一眨眼,五個月的時間就過去了。界王從回憶中醒了過來,
「好啦!悟飯,係時候俾你返地球喇!啲撒亞人聽日就會到達地球…弊!」
「吓?」
「我…唔記得咗計埋你回程嘅時間呀!」
「吓?!我嚟嗰陣好似用咗成六個月喎?」
「而…而家嘅你,一日半就返到去架喇!」




「咁樣唔會令大家俾班撒亞人殺死咩?」
「總之復活咗你先啦!我會通知天神嚟接你返去架喇!」
 
藉著地球上的大家的幫忙,悟飯很快就復活了,於是,帶著拯救地球的重任,孫悟飯踏上了返回地球的路程。
 
第二天,地球。
 
上午11時39分。兩個球型飛船降落於地球。
12時14分,兩名撒亞人跟地球戰士孫悟空、魔童和無閑,終於對上了。
 
「嘻嘻,搵到三隻。好似幾勁咁喎。」
立巴與主子比達降落在三人面前。
 
悟空首先開口說話,「你哋嚟呢度有咩目的!」
 




「喂!嗰邊嗰個娜美星人,就係你同格古洛一齊殺死拿迪斯架?」
比達無視了悟空的問題,卻對魔童有點興趣。
 
「娜…娜美星人?」魔童一頭霧水。
 
「原來…魔童你都係外星人嚟?」旁邊的無閑驚訝的開口了。
 
「聽講…娜美星人除咗擁有非凡嘅戰鬥力之外,仲擁有不可思議嘅能力!就好似魔法師咁!嗰啲叫做龍珠嘅許願珠,就係你整嘅?」比達對娜美星人十分有興趣。
 
「佢…佢哋連龍珠嘅事都知!」無閑仍然十分驚訝。
 
旁邊的立巴說話了,「冇錯,我哋首要嘅目的就係嗰啲龍珠!快啲交出來啦!你哋係娜美星人又好,格古洛又好,都係唔會夠我哋打!」
 
悟空擺出戰鬥姿勢,「我哋係唔會將龍珠交俾你哋!至於夠唔夠打,就要試下先知喇!」
 




「哼,既然唔肯交出龍珠,唯有用武力解決問題啦!等我睇下先…981,1352,1220…憑你哋啲咁嘅戰鬥力水平,就想反抗我哋?會唔會天真咗啲呀?!」
「立巴,除咗你個偵測器落嚟啦。他哋可以隨意改變戰鬥力架。」
「原來係咁…拿迪斯嗰個廢物都係因為太過掉以輕心,先會俾人殺死。」
「你…你話拿迪斯係廢物…?」魔童突然被驚訝到了。
「當時我哋幾經辛苦先收拾到嘅拿迪斯,你竟然話佢係廢物…」悟空也被嚇到了。
「係喎!佢係你阿哥嚟架喎!格古洛,你殺死咗自己嘅哥哥,唔會覺得傷心架咩?哈哈哈!」比達乘機調侃一下悟空。
「唔好用嗰個咁難聽嘅名嚟叫我!我係地球人孫悟空!嗰個拿迪斯根本唔係我阿哥!」
「竟然發嬲喎…咁就將憤怒發洩喺佢哋身上啦!」
 
突然從地底鑽出幾個面目猙獰的小綠人。
「呢啲係…」悟空大感詫異。
 
「呢度嘅泥土都幾唔錯喎…每個培植人都有1200左右嘅戰鬥力。」立巴得意地說。
 
只見其中一隻培植人腦殼打開,向無閑噴出白色液體,無閑身手敏捷,避過了攻擊,而白色液體撒到地上,腐蝕出一條坑紋,眾人見到如此情況,都目瞪口呆。




 
「喂!」天上傳來熟悉的聲音。
 
「天津飯,餃子,仲有阿樂!」無閑看到過來支援的三人,喜出望外。
 
「對唔住,我哋嚟遲咗。」天津飯開口了,「佢哋就係撒亞人喇?好似好勁咁喎…原來你哋也係人多勢眾,啱啱好,六個人對六個人,嚟啦!」
 
培植人又向天津飯發射液體,天津飯又是敏捷地躲開,他一個側身跳到培植人的面前,用手肘朝它的臉攻擊,培植人頓時就倒下了。
 
「咩話?!明明培植人嘅戰鬥力有成1200,可以匹敵拿迪斯…」立巴對於天津飯的表現感到十分驚訝。
 
倒下的培植人站起來,準備繼續戰鬥。不過,一下子,它就爆炸,死掉了。
 
原來令它自爆的是比達,「廢物,一開始就已經輕敵…」他向其餘的培植人們說,「你哋同我用盡全力去打!」
 
「可惡!等我嚟啦!」無閑準備攻擊。
 
「唔好!等我嚟啦,你復活過一次,死咗就冇得再復活架喇。」阿樂阻止無閑。
 
「阿樂…」
 
「好!嚟啦!」只見阿樂俯身,向培植人衝去。
 
培植人亦不甘示弱,張開雙臂,開始以高速移動。培植人和阿樂兩人拳來腳往,不相伯仲。突然,培植人跳起,打算從高空向下衝,並抱住阿樂。阿樂卻從容不迫,在培植人雙手抱在一起的瞬間,瞬移到培植人的後方,並雙手一同發出氣功彈。
「咤咤咤咤咤咤咤咤咤咤!」
培植人頓時倒地,四腳朝天。
 
「喂…又係咁…」立巴大感詫異。
 
「睇嚟呢啲咁嘅怪物,都唔係好勁啫。」阿樂十分有自信,「剩低嗰幾隻,不如都交哂俾我搞掂啦。」
 
「哈哈哈,輕敵嘅係你哋先啱呀!」比達又露出得意的眼神。
 
突然培植人手腳開始抽搐,「阿樂!小心呀!」悟空馬上提醒阿樂。培植人向阿樂跳去,阿樂機警地向後跳了幾步,培植人無法抱住阿樂。培植人站在原地呆了一呆,之後有所行動了。它跳起來,向悟空等人彈去,身體捲成一團。
 
「各位小心啲!」無閑雖然不知道培植人葫蘆裏賣什麼藥,但仍提醒眾人提高警覺。
 
只見培植人在眾戰士中間,身體發出強光,接著…
 
砰。
 
培植人在眾人都還沒來得及反應的時侯,就爆炸了。
 
在慢慢散去的煙霧中,眾人的輪廓漸漸浮現。
 
傷勢最輕的應該是悟空,雙手成交叉狀擋在面前,手臂紅腫;魔童在培植人自爆前一刻及時向後跳了幾步,亦沒有受太大的傷;而天津飯及無閑則是被爆炸彈開,受的傷雖比悟空和魔童重,但亦能勉強一戰;但傷得最重的應該是餃子和阿樂了,他們倆在爆炸過後,攤在地上一動不動。
 
「阿樂!!!」無閑立即跑向阿樂。
「餃子!!!」天津飯也不例外。
 
「佢哋仲有一絲氣息!!」天津飯大叫,「等我去貓仙人度攞仙豆!」
天津飯立即飛向加林塔的方向。
 
「咁快就驚到要走佬呀?!哈哈!不過隻培植人真係垃圾!搞成咁都仲未殺到一個人!」立巴憤怒地說。
 
無閑感到很憤怒,「可惡…阿樂死咗我點同佩兒同莊子交代呀…」他轉向立巴、比達及培植人們,「人渣!大家散開!」魔童及悟空立刻跳開。
 
無閑向培植人們發出氣波,之後他雙手向上一揮,氣波改變方向向上飛,「喝!」他雙掌向下一揮,在空中的氣波分散成數個不同的方向,每個分散的氣波都殺死了一個培植人。
 
「唔錯吖。不過而家遊戲已經完結。」比達輕鬆地說。
「嘻嘻…終於可以落場郁吓。」立巴磨拳擦掌。
 
撒亞人與地球戰士的大戰一觸即發…
待續…
 

已有 0 人追稿