龍珠Z 如果打拿迪斯嗰陣悟空冇死...: 【第一章】

「龜波氣功！！！」悟空在拿迪斯背後大叫，雙手發出龜波氣功。
「魔貫光殺炮！！！」魔童站在地上，大叫並舉起右臂，兩隻舉起的手指指向拿迪斯。
 
剎那間，魔童手指發射出的光線已經貼近拿迪斯的胸口，龜波氣功亦貼近拿迪斯的背。
 
嗖—
 
魔貫光殺炮與龜波氣功同時貫穿拿迪斯的身體，拿迪斯全身放鬆倒地。
 
「點解…我竟然會俾你哋呢啲渣滓殺死…不過…至少都殺咗格古洛個仔…哈哈哈…」




魔童不屑地看著拿迪斯，「蠢才。喺地球有一種可以實現任何願望嘅龍珠，用龍珠就可以復活孫悟空個仔。」
「咩…咩話？！但係…你啱啱所講嘅嘢…已經俾我嘅同伴聽到哂…佢哋一年後就會嚟到地球…哼…佢哋勁過我好多！一定會將你哋逐個逐個咁殺死！」
「咁多廢話！去死啦你！」說罷，魔童便一腳踩在拿迪斯的下腹，其隨即噴血而死。
 
而一旁的悟空一想到悟飯，悲從中來，心中只有悲憤，他向拿迪斯地上的屍體飛撲過去，一拳轟進他的胸膛，「可惡…可惡啊！你呢個人渣！ 還返悟飯俾我啊！！！」一拳接一拳，悟空藉著打進屍體的每一拳發泄他的憤怒和失子之痛，但他的憤怒看似永遠發泄不完。魔童看著傷心欲絕地痛哭的悟空，眼中竟顯露出一絲難過。
 
此時在遠方的星球上，戰鬥民族撒亞人的王子比達和隨從立巴在享受戰利品—哈古爾星人的殘肢。
 
「拿迪斯…死咗…」立巴把從探測器聽回來的消息告訴主子。
「正一廢物，竟然俾一班戰鬥力得1000左右嘅垃圾殺死…」




「咁我哋而家點？放棄呢個星球？」
「你聽唔到咩？ 佢哋好似講咗啲幾得意嘅嘢…好似係啲咩許願珠…」
說到這裏，比達的臉上露出了奸險的笑容。
「好！起程！」
「去許願呀？唔通要復活拿迪斯？」
「唔好傻啦，嗰啲咁嘅廢物，留低都冇用啦。我要嘅係長生不老。咁樣…就可以永遠享受戰鬥嘅樂趣喇。」
「原來係咁！呢個願望唔錯喎！」
隨後，這兩個撒亞人便坐上自己的球型飛船往地球出發了。
 
「悟空！！你哋冇咩嘢吖嘛？」




遠方傳來無閑的聲音，天津飯，餃子，阿樂，莊子等人在飛行器上前來觀看悟空的情況。
 
「嗚…悟飯…」
悟空坐在地上，欲哭無淚，心中的悲痛無盡。
 
在旁的魔童向眾人解釋了一切，還有一年後會有撒亞人來訪的事。
莊子希望向眼前的悟空提供協助，「悟空，唔好傷心啦，悟飯可以用龍珠嚟復活。快啲將悟飯嘅屍體交俾我保管啦。」
 
於是他們眾人在附近搜尋悟飯的屍體。
 
「點解…搵唔到悟飯嘅屍體嘅？」在附近繞了好幾圈的無閑感到很奇怪。
「係囉，我哋都搵唔到。」天津飯和餃子都異口同聲地說。
「唔通…係天神？」
魔童微笑著開口了，「冇錯，得佢先會做出啲咁嘅事，佢睇中咗孫悟空個仔嘅潛力，將佢嘅身體攞走咗。」
「原來係天神…如果係天神嘅話應該唔會有問題嘅…悟空，唔好咁難過啦。」龜仙人安慰悲傷的悟空。




「不過…而家要面對嘅係嗰班撒亞人…如果佢哋真係有咁強嘅話，一場大戰就冇辦法避免喇。無閑！」
「係！」
「快啲通知波波先生，你哋去佢嗰度修煉啦。」
「好！」
 
陰間–
 
「嗚呀–」
 
無奈的天神牽著在大哭的小悟飯的手，走進了閻王殿。
 
「邊個個細路咁嘈呀？」
 
工作中的閻王聽到了悟飯的嘈吵聲。
 




「閻…閻王大人你好…」悟飯這麼大的哭聲，令天神也感到十分不好意思。
「哦，係天神呀，咩事呀？」眼利的閻王馬上就看到了大哭的悟飯，「呢個細路係…？」
「佢係孫悟空個仔，啱啱俾撒亞人拿迪斯殺死咗。」
這時閻王才意識到小悟飯頭上的光環，但是悟飯的哭聲實在是太煩人了，閻王於是大喝一聲「安靜！閻王殿唔係個可以俾你大吵大鬧嘅地方！」
 
但是這一喝，卻令悟飯哭的更大聲了。
 
「唉…真係頭都痕埋…呢個細路唔簡單…」
「大人都覺得佢唔簡單呀？太好喇！」
「天神你真係冇啲幽默感…係喇，你頭先所講嘅孫悟空，係咪指撒亞人格古洛？」
「咦？應該係掛…」
「嗯…格古洛…目前為止佢的確係立過唔少豐功偉績…」
聽到這裏，天神也有同感，「係呀！佢為咗保護地球，曾經同唔少壞人交過手架！返到正題先，閻王大人，我嚟搵您係想請您准許呢個細路去拜訪界王大人。」
「等我睇睇先…」閻王隨手在生死簿上翻了翻，「孫悟飯下話…好啦，我准許佢去搵界王大人。」
「太好喇！快啲向閻王大人講多謝啦！」高興的天神激動得跟旁邊的悟飯分享喜悅。而悟飯也停止了哭泣。




 
「但係…」
閻王繼續說了下去，「界王星和呢度之間有一條十萬公里長嘅蛇道…呢個細路跑得哂？喺過去一億年入面得我一個跑得哂全程，憑佢一個…真係可以？」
 
天神露出了得意的笑容。「所以我早有準備…筋斗雲！！！」一朵米白色的小雲立刻飛了過來，「哈哈，我特登叫筋斗雲幫悟飯飛越蛇道。」
「喂…你咁樣咪啫係出貓…不過算啦，佢咁細個。但係如果跌咗落地獄嘅話我唔會負責架。」
「知道！多謝閻王大人！」
 
於是悟飯便坐上了筋斗雲，往界王星進發。
 
地球上，波波先生和回到陽間的天神正在訓練悟空、無閑、天津飯、餃子、阿樂等人，魔童在南方極惡之地自己進行修煉，而在陰間的悟飯依然在筋斗雲上向著界王星進發，他們眾人都只有一個目標︰迎戰一年後將會來訪的撒亞人！