係青山醫院做看更幾年，見盡曬香港既痴線佬: 第四章
我地互相係度比手劃腳，係度舞黎舞去。
你斬下我，我斬下你；我避下你，你又避下我咁。
突然間個男人沖埋黎我度，亂咁打，個掌頭係咁來回抽打我。
我一時閃動唔切，應聲倒地。
中左一掌我先知，原來佢既力度係咁勁，食左佢一招都差d好似二嬸咁。
佢身材中等，略為偏瘦，但出拳速度之快同狠，我正係諗到李小龍先生。
我抬起頭望一望佢，佢原地咁跳黎跳去，佢眼神真係好挑釁性。
我自己又唔係十八二十歲，一把年紀啦，點同佢打呀？
我雖然好似唔甘心，唔憤氣，但看到我自己個肚腩，我知道我需要面對現實。
我努力咁企起身，用單手支撐住自己個身體。
同一時間，二嬸都半企起身，我見到佢眼神閃爍住奮鬥既光芒。
「林伯，估唔到你咁有男人味喎。」佢頓左一頓，抖順左條氣再講，「岩岩見到你幾有男子氣概呀。」
「乜原來你仲企到起身呀？唔好死撐呀，唔得就訓返低啦。」
「收皮啦你，呀嬸我係廣州一路斬落黎香港架！」都唔知係咪真既。
「咁好啦，一齊搞掂條粉皮！」突然間覺得滿腔既熱血湧上心口。
我同二嬸一齊同個男人對峙左一陣，比武之前都係咁架啦，蘊瀼下d情緒咁樣。
我同二嬸各企一邊，我企個男人右邊，而二嬸就企左邊。
就定位之後，我地對望左一眼，大家都好明白，點一下頭就一下，點夠三下就開波！
第一下。
第二下。
第三下。
上！！！！！
我同二嬸一齊出腳，卻估唔到個男人好輕盈叿跳左出身，巧妙地避過左我地既腳擊，反而二嬸踢到我隻腳。
好痛！做乜野我不停咁俾人打？一個接一個咁。
我地既手身差太遠，個男人望落唔老，都幾後生，相反我地就老啦，肥肉比肌肉多。
個男人落地之後，捉住我地互打對方既空隙，各自俾我地一拳食下。
岩岩先食完一野，依家又食多野。
仲要係打面！我靠樣搵食嫁！
我當堂滿天星，成個人暈下暈下咁，成個世界搖緊。
佢出手好重，我都招駕唔住，可唔可以換人呀師傅？
我地都應聲倒地，點算好？！點做呢？我地唔夠打喔。
二嬸摸住自己塊臉，喃喃地道：「佢成日話自己武術界第一，打遍天下無敵手。我以為佢傻既姐，亂咁嗡，乜原來係真架？」
哇！咁睇黎佢係一個武痴黎......更加難對付。
倒地後既我地，一樣堅毅不屈地企返起身。
我諗緊有咩方法可以打低佢，我不停回想起d武林招式，電影動物，幻想自己係成龍。
不嬲都唔好同成龍係室內打交，佢最鐘意搵野黎擋搵野黎打。
但呢間房咩野都無，搵條毛？
我靈機一觸，醒起有甄子丹既泳春。
我本人個人就已經係蹲低架啦，於是用腳借力，向前面飛撲出去。
個男人見狀，就用左手擋左一擋，以保護自己。
我以迅雷不及既手勢去捉住佢隻左手，一手將佢扭去後面，等佢發唔到力。
姐係我係用雙手去制止左佢既左手，但佢仲有隻右手。
我大喝一聲：「喂！二嬸！快d黎幫拖啦Hi！我頂唔到呀。」我竭斯底里地呼叫。
我見二嬸即刻回過神黎，同我一樣借力打力，撲上前。
呀嬸果股衝力真係唔係講玩架，成舊野飛過黎，坦克咁款。
佢捉係捉到隻右手啦，但用力過猛，搞到個重心向後移。
我地一個重心不穩，咁就亞太區有一天成為亞太區左街，成個人向後飛。
差咁個小小就撞到落張床度，真係要入廠啦到時。
我地3個應聲倒地，但好彩成功捉到佢兩隻手。
而佢隻腳我就用腳去夾實佢，等佢發唔到力。
二嬸見到又跟住照做，佢依家成身都出唔到力架啦，俾我地兩個泰山壓頂咁壓住我。
但我地咁樣長期落去唔係辦法，要令到佢無左知覺先係最正確既做法。
於是我學d電影咁，將自己隻手變成刀狀咁，我用一隻手咁禁住佢，另一隻手就仲出黎，抬起佢個頭。
係佢個頸果個位，一鬆既時候就快快手打落去。
我見d電影都係咁樣拍，通常果d人就暈左。
我一打既時候，我期待既畫面....
無出現到！佢仲好清楚，瞪大隻眼望住我，佢表神好兇狠，好恐怖，我心知不妙。
頂！d電影呃鬼既，一d效果都無。
我睇佢表情好似惹起佢把火咁，我感覺到佢開始發力，我隻手亦都唔夠力去壓制住佢。
二嬸同樣感覺到，佢用好古怪既眼神望住我，「搞咩呀？突然間咁大力？！」
「我都唔知呀！佢發緊癲呀！」
個男人不停咁發出怒吼聲，又大聲，震到我耳都聾。
我地隻手同腳就黎捉唔實佢啦，佢d力都唔知邊度黎。
可能係我岩岩打落去果下惹到佢，d武俠小說都係咁架啦，因為一d野就突然間好有power。
「呯」既一聲，我地終於頂唔順，佢一個就足以頂到我地兩個。
佢真係好大力，我地加埋都起碼超過140公斤，佢發一發力就甩開左我地。
我同二嬸飛開左，二嬸佢笨拙咁跌低，又仆多次街。
個男人無一絲既猶豫，諗都唔諗，就咁衝去二嬸到。
男人蹲低，然後用雙腳禁住二嬸既兩隻手，然後括左佢一巴。
真係大大力咁打，仲要唔係打一下，而係係咁打。
簡單黎講，依家係變左抽打。
成間房就係咁聽到個男人同二嬸啪啪啪既聲音。
可惜唔係搞野，唔係抽插，而係抽打。
呢個畫面仲精彩過見到呢兩條友扑野，因為你想睇扑野，上Thisav一大堆，應有盡盡有，你仲要慢慢揀d片添。
但係你要睇一個男人係咁打一個女人，仲要連續咁打，呢個畫面唔係成日有。
見佢打得打咁爽，我咪吃下花生，反正佢打得爽，我又睇爽。
其實我係成個人呆左，唔知俾咩反應好，個腦同我講，「喂！好去幫拖啦喔，咁打法二嬸就瓜架啦。」
但我隻手就係郁唔到，我感覺到我隻手濕濕地，但個地下係無水。
我先意識到，果d係冷汗，原來我自己係好驚，驚下一個受害者係我。
一幫我去幫佢，俾人打到豬頭咁既，就係我。
所以我任由二嬸俾人打……
唔好怪我見死不救呀，我唔想死呀大佬！
我想走出去揾幫手，我怕我一郁，佢轉移視線，我就死硬。
我見到個男人隻手慢慢滲緊d血，唔洗問，d血緊係二嬸架啦。
一開始二嬸係有爭扎既，但後來已經放棄左抵抗。
而二嬸好似無左意識咁，都唔知係咪死左。
咁樣我仲驚，其實只不過係幾分鐘既時間，一剎那間，我都唔知可以點做，只好憑本能反應，我既本能反應就係話俾我知，「唔好郁」。
我都唔知點好，反抗又係死，唔反抗又係死。
我唔似d甘願反抗受死既人，因為通常反抗死得好慘，但唔反抗死得無咁慘。
我唔明d運動反抗黎做乜，下場唔方好得好邊。
膽小既人先生存到落去，有勇氣向前衝既人都係死得快d。
突然間個男人停曬手，二個人都靜左，一動不動咁。
個男人轉個頭黎望住我，盯到我實一實，我知道我碌柒啦。
我背後寒左一寒，我成身都僵硬左，心知道，今獲死得啦。
雖然呀叔我到左呢個年紀無野好失去，得返爛命一條，死左咪一了百了囉。
你未面臨過生死既時候緊係咁講啦，但當你面臨死亡，你就唔係咁講野。
一切都跟隨本能反應，我正係知我唔想死住。
我仲想享受多一陣人生，我仲20-30年既人生可以過，我唔想提早結束自己既人生。
個男人企起身，二嬸訓左係地下一動不動，滿臉都係血。
佢慢慢一步一步咁行過黎，佢隻手邊行邊滴血，地上面既血拼成一條直線，而果條直線係指向我，越黎越靠近我。
我好想走，好想反抗，但身邊郁唔到，原來死到臨頭，就算你唔想反抗，你都係會爭扎，因為呢一種係動物既自然反應。
佢好似睇穿左我唔夠膽反抗呢一點，無好似頭先咁粗暴咁對二嬸。
佢慢慢伸隻手出黎，我見到佢係想捉住我條頸。
跟住落黎，我都唔知點解會咁做，一切都好似身體自己郁，而個腦跟唔上身體既速度。
我係蹲低借力發力，向上撲去果個男人度，用盡全力將佢推倒。
個男人一臉訝異，好似估唔到我突然間會咁做一樣。
將個人推倒落地之後，我捉實左佢隻手，佢一臉呆樣，點發到力呀仲？
然後我用腳壓住佢兩隻手，用全身既力壓住佢。
依家既情況就好似佢對二嬸咁，任由我魚肉。