「續寫」無啦啦多左幾個家姐同阿妺: 阿明
連二家姐都咁話我..唔通我真係變左咩？
但我明明同以前一樣，只係想身邊既人開心咋..
我一邊反思呢個問題一邊行去大家姐間房，打算搵Sarah佢地。
敲左門兩下，我就好頹咁推門入去。
入到去，我見到佢地五個女仔圍成一個圈。
不過中間無啤牌，我仲以為佢地玩緊咩奴隸啤添。
我：「咦又話玩咩奴隸啤？啤牌都唔見隻既？」
大家姐：「無啊想等埋阿明你先玩嘛，所以我地頭先咪傾住計等你囉。」
我：「咁傾左D咩計啊？」
我好想搵其他野分散自己注意力，唔係既我怕自己又會諗而家既自己到底發生乜事。
大家姐：「無啊咪又係講你囉，大家姐我想知點解幾個靚女都鐘意我呢個好細佬
」 講緊我..？
Ellen：「嘻，我鐘意阿明係因為阿明好叻，仲要係第一個係學校入面同我作對既人。」
「我不自覺咁慢慢留意阿明，最後原來我..呀唔想講啦好瘀呀！
」 Ellen即住痴個頭埋去Ellie度，咁既佢我都第一次見。
Ellie：「哈哈家姐之所以可以變返以前咁，都係多得阿明你咋。」
「你每次面對困境都唔會放棄，總係搵到辦法解決，阿偉果次係咁，學生會個次都係。」
「係你身邊我就覺得自己好有力量，做乜都唔會失敗。」
邊係呢..我只係..
Yui：「阿明好識照顧人..帶我出去同朋友食飯，等我可以接觸到出面既人，唔洗成日留係屋企..」
唔係呀，我無你講既咁好..
Sarah：「大家都係因為阿明你，先可以咁開心咋。」
Sarah唔知幾時走左去我後面攬住左我。
唔知點解我覺得咁樣好安心。
心入面一直牽掛住既野都好似全部放低哂咁，淚腺突然不受控，開始喊起上黎。
我：「你地...係咪都覺得我變左..？
」大家聽完我講都靜左落黎，個個都望住我。
等左一陣，都係無人答我。
不過，Sarah突然咬左我耳仔一下，痛到我即刻彈起。
我：「做乜呀你！
」 Sarah：「無呀想鬧你又唔知點開口好，咪唯有咬你一啖囉。
」 個個聽完Sarah咁講都笑左出聲，特別係大家姐。
我成個傻仔咁四圍望，完全唔知發生咩事。
Sarah：「係吖呢兩日你的確係失左控咁，好似以前既阿偉咁。」
「我地都知道你係為左Anna先會咁，所以我地都無出聲。」
我：「對唔住…我實在…」
連佢地都咁睇我，睇黎我真係錯得好緊要。
Ellie：「知錯能改吖阿明，只要你知道自己真正係想點同點做先係岩的話就夠喇。」
「若然你真係諗唔到應該點做的話，不妨問下身邊既人，除左我地，阿威阿惠仲有Alex都可以幫到你架。」
「佢地都係你地既朋友黎架，由以前就已經係。」
「唔好再俾權力迷惑啦，你應該仲有好多方法可以解決今次既事..」
Ellie都未講完，Ellen就衝左上去掩住Ellie把口。
Ellen：「衰妹！頭先咪話左唔好提阿傑囉！
」 大家姐：「Ellie妹妹無提喎，反而係Ellen妹妹你..
」 Ellen：「咦？呀！！！Sorry吖阿明我無心架！唔好發嬲啊
」 睇黎佢地係覺得我一聽到阿傑呢個名就會發嬲。
如果係幾分鐘前既我可能真係會，不過而家..
而家就已經唔會喇…
雖然我仲係好唔鐘意阿傑，但我知道自己唔可以再咁執著，因為我好似因為佢而忽略哂身邊既人。
我：「無事無事，唔緊要。」
唔緊要呢三隻字一出，呢五個人都即刻望住我，好尷尬。
深呼吸一下先。
我：「呼，或者我真係無辦法做到阿傑咁冷酷無情啦，不過我已經知道左自己應該要做既咩。」
「只要保護到你地，同埋同你地玩得開心，其他野咩都唔重要喇，你地話係咪先？」
一講完呢句，除左大家姐以外既四個人都撲左上黎，連平時怕羞既Yui同Ellie都係，好似雷葛爾咁。
我全身幾個位置都同時食緊波餅，巨龍哥一定開心死。
Ellen：「你話架！以後要日日陪我架！ 」
Sarah：「係我地吖！ 」
Ellie：「雖然你咁講我好開心，但係都唔可以完全dup低學生會既事架。 」
點解Ellie仲可以咁冷靜。
Yui：「可以日日同阿明玩，Yui一定會好開心。」
四個女仔，都好唔同。
呀唔係，仲有第五個唔係度喎。
唔知Anna知道我決定左咁會有咩反應呢，會唔會屌我無用呢？話我避開阿傑。
不過講起阿傑，都係一個麻煩既問題…
我：「阿傑果邊..我都唔知點算好，已經同佢頂到行一行，都唔知佢下一步會點做。」
大家姐：「哦呢方面唔洗擔心啦，晨仔話佢會幫你，佢話好似會幾好玩，所以幫埋你今次。
」
我：「晨仔係指藍洛晨？點解佢會知？
」
大家姐：「嗯係佢吖，阿May尋晚同我傾呢件事，佢覺得你應該需要D輔導同幫手，所以就搵左晨仔同李Uncle啦~」
尋晚？唔通尋晚大家姐同二家姐係泳池邊就係傾呢件事？
原來二家姐為我做左咁多野…
大家姐：「啊，晨仔仲話你係今日之後一定會唔知點對付阿傑好，叫你放幾日假先。」
藍洛晨真係料事如神，我而家的確唔知點對付阿傑好。
但係我好似太依賴佢咁，上次阿偉又係靠佢，今次又要…
我：「咁會唔會麻煩到佢，佢始終唔係我地學校既人..」
「唔會麻煩，我不知幾得閒，幾想搵野玩。
」
咦呢把聲係？
原來係大家姐播緊Whatsapp既語音訊息。
大家姐：「哈哈晨仔真係咩都估到哂，佢話你一講「麻煩到佢」就播呢段野。 」
「啊仲有呢段。
」
大家姐再㩒左電話一下。
「去做返果個大家都想幫，想同佢一齊顛既陳煒明啦，朋友係可以依靠既，唔洗咩都靠自己一個人。」
仆街我聽到眼濕濕。
明明只係我單方面咁依賴佢，但佢都肯當我係朋友。
我將來一定要報答佢。
我：「無事無事，唔緊要。」
唔緊要呢三隻字一出，呢五個人都即刻望住我，好尷尬。
深呼吸一下先。
我：「呼，或者我真係無辦法做到阿傑咁冷酷無情啦，不過我已經知道左自己應該要做既咩。」
「只要保護到你地，同埋同你地玩得開心，其他野咩都唔重要喇，你地話係咪先？」
一講完呢句，除左大家姐以外既四個人都撲左上黎，連平時怕羞既Yui同Ellie都係，好似雷葛爾咁。
我全身幾個位置都同時食緊波餅，巨龍哥一定開心死。
Ellen：「你話架！以後要日日陪我架！
」 Sarah：「係我地吖！
」 Ellie：「雖然你咁講我好開心，但係都唔可以完全dup低學生會既事架。
」 點解Ellie仲可以咁冷靜。
Yui：「可以日日同阿明玩，Yui一定會好開心。」
四個女仔，都好唔同。
呀唔係，仲有第五個唔係度喎。
唔知Anna知道我決定左咁會有咩反應呢，會唔會屌我無用呢？話我避開阿傑。
不過講起阿傑，都係一個麻煩既問題…
我：「阿傑果邊..我都唔知點算好，已經同佢頂到行一行，都唔知佢下一步會點做。」
大家姐：「哦呢方面唔洗擔心啦，晨仔話佢會幫你，佢話好似會幾好玩，所以幫埋你今次。
」 我：「晨仔係指藍洛晨？點解佢會知？
」 大家姐：「嗯係佢吖，阿May尋晚同我傾呢件事，佢覺得你應該需要D輔導同幫手，所以就搵左晨仔同李Uncle啦~」
尋晚？唔通尋晚大家姐同二家姐係泳池邊就係傾呢件事？
原來二家姐為我做左咁多野…
大家姐：「啊，晨仔仲話你係今日之後一定會唔知點對付阿傑好，叫你放幾日假先。」
藍洛晨真係料事如神，我而家的確唔知點對付阿傑好。
但係我好似太依賴佢咁，上次阿偉又係靠佢，今次又要…
我：「咁會唔會麻煩到佢，佢始終唔係我地學校既人..」
「唔會麻煩，我不知幾得閒，幾想搵野玩。
」 咦呢把聲係？
原來係大家姐播緊Whatsapp既語音訊息。
大家姐：「哈哈晨仔真係咩都估到哂，佢話你一講「麻煩到佢」就播呢段野。
」 「啊仲有呢段。
」 大家姐再㩒左電話一下。
「去做返果個大家都想幫，想同佢一齊顛既陳煒明啦，朋友係可以依靠既，唔洗咩都靠自己一個人。」
仆街我聽到眼濕濕。
明明只係我單方面咁依賴佢，但佢都肯當我係朋友。
我將來一定要報答佢。