「續寫」無啦啦多左幾個家姐同阿妺: 沒事的
對於阿天同佢老豆既離去，大家好似仲未反應過黎，「紅海」仍然處於分開既狀態。
「嘩，搞咩黎啊，大家咁樣企哂係度既？」
屌，阿威你個仆街仔而家先到，不如唔好黎啦你。
我：「你食屎啦咁耐你去左邊呀。」
威：「吓我去左禮堂幫手囉，今日有幾個大粒野黎嘛，呢度發生左咩事？」
我之後就一五一十咁將成件事講哂俾佢知，講到我口水都乾埋。
威：「嘩咁大件事，你仲打左佢？」
阿威一邊講一邊笑，搞到我開始炆炆地。
我：「笑乜啫你，好大件事架。」
威：「喂Sorry啊，只係我覺得咁唔多似你作風啫，居然會郁手，好難想像個畫面。」
「咁而家Alex同Ash係邊？」
啊係喎唔記得左佢地添，打個電話問下佢地係邊先。
Sarah：「佢地係學生會室啊。」
我：「咦Sarah？你唔係係運動場個邊架咩？」
Sarah：「Ash打比我話呢邊出左事所以我咪即刻趕過黎囉，Ellie仲有Anna而家都係學生會室陪佢地。」
我：「哦…咁我地而家就過去啦。」
正當我打算行個一下，我醒起我仲有野未處理好。
我要救返好個場先，而家大家仲係好似唔知俾咩反應好咁。
我嘗試學阿天老豆咁，用震撼性既聲音。
我：「唔好意思打擾到各位，已經無事架啦，請大家繼續享受今日既開放日啦。」
聽到我咁講，大家先開始慢慢郁起上黎，「紅海」亦慢慢合返埋，操場終於慢慢回復生氣。
見到咁我先安心同Sarah佢地去學生會室。
點知，我都未行到入去，行係我前面，早我一步入學生會室既阿惠就已經被人「的」起左。
而「的」起佢既人，係Anna。
Anna：「你班友做左咩蠢事！！」
Anna突如其來既神力，我地所有人都嚇左一跳，尤其係阿惠，佢直頭嗌左出黎。
不過Anna好快就放返佢落黎，之後仲煎左阿惠佢兩巴，成個人好似食左炸藥咁。
Anna：「當眾打來賓你地都做得出？你班友係咪痴左線呀？」
阿惠：「阿明都有份打架！佢打左條友一拳架！」
屌你阿惠！出賣我！想拉埋我一齊死！
Anna聽到阿惠咁講即刻啤住我，仲好似進撃的巨人咁行到去我面前，個種恐怖感真係難以用筆墨形容。
佢只係高舉左佢隻右手我就已經合埋雙眼，準備硬食呢一掌。
「呢個就算啦！平時已經係咁傻，再打可能真係會打傻佢。」
「下次要打人拖佢去無乜人既地方嘛，成班傻仔。」
咦…無打我喎哈哈。
我慢慢咁張開眼，發現Anna已經行開左，擰咩左面。
阿惠：「公平咩！只係打我唔打佢！fuck」
我：「唉，唔好講埋D無謂野啦，Ash你點呀？有無整親邊度？」
Ash：「咁又無…只係擦傷左少少…」
我：「嗯，咁就好啦，最緊要係個人無事。」
Alex：「唔好意思呀阿明，因為我搞出咁多事…」
我：「傻啦點會呢，換轉係我我都一定會第一時間打佢，你無錯。」
「而家已經無事架啦，我已經處理好，放心啦。」
「真係會無事咩？」
邊個！？
呢把聲，唔屬於在場任何一個人。
我下意識咁望向我背後，門既方向，果然俾我搵到聲音既主人。
游諾儀。
我：「你咁講係咩意思？佢老豆都拉埋佢走左啦，仲可以有咩事？」
諾儀：「正正因為咁先更加危險，你而家當眾落佢臉呀。」
「佢份人本身已經記仇同小器，呢樣野你都好清楚架。」
屌，呢樣真，阿天份人真係好撚小器。
Alex聽到咁臉色即刻一沉，唉咁難得大家先開心返少少。
我：「兵來將擋架啫而家野，我就唔信佢可以做到d乜野。」
諾儀：「佢可以做D乜我就唔清楚，不過平心而論今次你處理得唔算好。」
「你大可以唔洗打佢，你郁左手只會令佢有更多借口。」
我：「咁嬲起上黎就忍唔住架，而且籍口想搵的話點搵都搵到，我阻止唔到。」
「同埋為朋友既事，怕咩有後果。」
諾儀：「嘛，你鐘意啦，反正都發生左，不過今日呢個party係搞得唔錯既。」
「同埋我都開始有少少理解你份人，果然好有趣，同阿晨講既一樣。」
阿雪：「咦諾儀你咁講係咪即係話你鐘意左阿明？」
阿雪咁講完我馬上feel到背後傳黎兩道殺氣，肯定係來自Sarah同Anna。
諾儀：「唔好講笑，你知道我有男朋友架。」
阿雪：「係喎一時唔記得左添哈哈，阿明我地今日玩得好開心吖，好多謝你地請我地黎。」
我：「哦哦…唔洗客氣…最緊要你地玩得開心啫。」
其實唔係我請你地黎架..我都想知係邊個請你地黎添呀…
諾儀：「時間都唔早，我仲有其他野要做，我走先喇。」
阿雪：「我都係吖，下次見喇我地，ByeBye~」
我：「我送你地出去。」
諾儀：「唔洗啦，我地自己走就可以，我估而家你地仲有問題要處理。」
無錯，的確仲有問題要處理。
呢件事真係有D奇怪，我想知道到底點解會請左佢地黎。
我覺得背後係有人搞鬼。
但係而家大家咁樣，我都唔係好想即刻就查。
開心既就由佢地繼續開心落去，唔好潑冷水，唔開心既就更加唔洗講啦。
唔好搞住啦都係，最起碼等今日過左先。
等諾儀同阿雪走左之後，學生會室再一次得返我地幾個。
威：「阿明，我地而家點做？」
阿威咁講我先發現原來大家都望住我。
我即刻擺出平日既樣，懶係輕鬆咁講：
「大家去玩啦，唔洗理呢件事住，我都訓返陣先。」
暫時就咁先啦。