我:「除衫?」 

我疑惑咁問大家姐,做咩無啦啦除衫呢,雖然呢到無人,但呢到個D野好似同大陸蝗無分別. 

大家姐Miki好易好與奮咁,係咁催我. 

我就即刻除左件U記純色Tee,正想除埋條褲. 

大家姐Miki:「哇,果然好多肌肉~」 



大家姐望住我身上堆腹肌胸肌,然後又諗住攬我.我用雙手阻止佢. 

大家姐Miki:「阿明,你唔鐘意大家姐阿?」 

大家姐露出一個SAD既表情. 

我:「唔係,只係我流左好多汗,體臭比較犀利.」 

大家姐Miki:「唔緊要啦~」 



佢又即刻攬住我,對波又係我個身彈下彈下. 

但巨龍今次無扯起,可能射得太多次.然後,無啦啦諗起Sarah個夢就想問下Sarah既野. 

我:「係啦,家姐,Sarah係點樣既人.」 

大家姐Miki:「點既人?可愛既女仔囉,係唔係呢阿明~」 

大家姐露出一個好奸既表情,佢一定已經知道我鐘意Sarah.我塊面都好似紅Q左,唔敢再望大家姐. 



大家姐Miki:「哈哈,真係又坦率又可愛.」 

大家姐望住我笑緊. 

我:「家姐,唔好玩啦,我真心想知Sarah既野,點解Sarah係學校同屋企係2個人?」 

我好認真望住大家姐咁樣講. 

大家姐Miki:「我唔可以同你講咁多喎~只係可以講呢個係家母訂下既規則.」 

姐係你地既老母?唔係死左架咩? 

跑跑下,已經跑到番大宅門口. 

大家姐Miki:「好啦,我行先,希望你可以理解Sarah係咩人啦~」 



大家姐向企起門口既我揮一揮手,就跑左番入去. 

其實我好似好熟Sarah又好似唔熟Sarah咁. 

我到底同Sarah除左同學姊弟之外,算唔算朋友呢? 

然後望到手錶6點34分,我就拿拿林番上房,沖個涼準備番學. 

我:「好,六點搭十.」 

我開門個時,見到Sarah同時開左門. 

我望到Sarah,Sarah好似唔夠精神,我望左佢幾秒先望到我.我見Sarah着住個我個夢一樣既衫 



自然又唔敢望佢.

「阿明,早晨.」 

Sarah望住我露出一個好生硬既笑容. 

我:「Sarah,早晨.」 

我就同Sarah一齊落樓. 

我:「Sarah,你好似唔夠精神咁喎.」 

Sarah:「係..係咩.」 

Sarah好似唔係幾想講野,我就無再講,然後落去坐左係我隔離. 



Uncle:「好,大家食早餐.」 

我望下隔離左右見唔到二家姐,就問Uncle 

我:「Uncle,二家姐呢?」 

Uncle笑一笑望住我. 

Uncle:「阿May佢平時唔時都唔食早餐.唔洗理佢架啦.」 

然後我哦左一聲又繼續食早餐. 

早餐,係超級安靜既環境下好快就食完. 



Uncle送我同Sarah,羽晨一齊到門口. 

Uncle:「阿明,要同Sarah一齊搭車番學?」 

Sarah塊面黑住咁望住我,好似要我拒絕咁. 

我:「唔洗啦,我習慣踩單車番學.」 

Uncle:「咁好啦,ByeBye,小心阿.」 

我就騎左上我架RB度,架單車我蓄左成年先買到,成四皮幾野,Carbon槍手,碳架. 

一住踩我一住諗,Sarah好似又變番唔熟悉既人咁. 

到底係唔係我做錯咩呢.

踩左大約三十分鐘,終於到學校前面條馬路. 


「hi,小明,又踩車番學阿.」 

聽到把女聲之後,我望一望後面,原來係Anna. 

Anna生得都可以話學校數一數二靚女,有一把淺金既頭髮,五觀端正,皮膚白到好似外國人咁. 

聽講佢老母係法國人,係個法中混血兒.如果要形容,好似個公仔咁. 

不時有班毒撚向佢表白,佢成日話唔收兵,之前偷睇佢whatsapps 至少六,七個兵仔. 

可惜係一個飛機場,我完全零興趣. 

我:「Anna哥,早晨喎.」 

因為佢平胸又成個男人咁,所以我同我班fd都叫佢Anna哥. 

然後佢一野踢我架車,搞到我連埋架車差D跌. 

我寧願佢踢既係我,都唔好踢架車. 

我:「屌,咪撚踢啦.」 

Anna佢好似好唔鐘意人地叫佢Anna哥,不過佢又唔太抗拒所以我地都無理. 

Anna:「再叫我Anna哥,我拆埋你架車.」 

然後,终於轉左綠燈,我地繼續行. 

我:「唔叫囉,叫Anna姐啦.」 

Anna聽到我咁講好似幾開心,笑笑口同我講 

Anna:「多個兵仔都唔錯~所心,我會編你做大元帥.」 

然後奸笑望住我. 

我騎左上單車,然後同佢講. 

我:「我先唔做飛機場隻兵.」 

聽到佢講左聲法文粗口之後,我就拿拿林踩左上山. 

我呢間學校自資學校來,一年學費都十幾萬銀.當然我呢D窮撚就唔洗交禁多. 

因為讀呢間學校多數都係有錢仔,我呢D窮撚先叫稀有. 

佔地六萬平方米,有個足球場,連陸運會都係學校舉行. 

呢間學校仲要年年都勁多不同有錢仔加有錢大陸蝗報. 

我呢個讀書唔勁,運動一般既窮撚入到都叫奇績中既奇績. 

而Anna聽講都係住豪宅,但住邊就唔清楚. 

踩下踩下就到學校拍單車位. 

單車位有十幾個,但會用人拍單車只有我同個高Form,不過見過幾次同佢say hi都0鳩我. 

其他人多數都司機車番我,一係就老豆老母係第二條街於佢落去,然後行過黎. 

番到學校,又比班有錢仔用奇異既眼光望住. 

原因?有一日要交減免學費通告,然後比個有錢既死肥仔望到,之後班上就有一班人歧視我窮. 

「明哥,又比班傻鳩望住喎.」 

我望一望後面,都估到阿威.然後就一齊行去班房. 

佢都係個有錢仔,不過覺得個班有錢仔太無聊埋左我堆.同我同一班坐我後面. 

踼波超勁,踢緊港隊,加上幾靚囝,不時都有女想埋佢身. 

我:「日日都望架啦,有日唔望我會唔自在.」 

然後,阿威次次都會問. 

「有無興趣同埋阿惠搞鳩佢地先.」 

我:「你日日咁問唔撚厭架咩?」 

阿威:「屌,好撚無聊阿嗎,想搞D事玩下.」 

我:「加油,總之唔洗遇我.」 

吹下吹下水,就行到班房.
阿威同我行到去個時,全班吹緊水勁大聲無啦啦靜晒. 

個個都細細聲同前後左右講野,然後有d就啤住我. 

「犀利下,一番來就全班焦點.」 

我拉開張凳坐底.然後望住前面,前面就係的三個朋友其中之一個,阿惠. 

唔好以為佢叫阿惠就女人,其實係個男人黎,不過佢係中產住緊私人樓. 

學校籃球隊乙組隊長,飛機頭加上黑黑地幾大隻又開朗,都有唔少女埋佢身. 

我? 

只係突顯佢地有幾靚仔既陪襯品. 

「仆街明.」 

望一望就見到Anna係我隔離. 

阿威:「又做咩驚嬲我Anna哥阿下,想我打你阿.」 

阿威用一個扮嬲又带點輕浮既語氣同我講. 

然後Anna用手全力扭阿威耳仔,佢一扭成隻耳都紅Q晒. 

阿威:「痛,sorry,Anna姐.」 

Anna聽到之後,先放開左手.然後,入左番埋位. 

阿惠:「Anna哥,轉左書包喎.」 

Anna望一望阿惠,好似好開心咁同講. 

Anna:「終於留意到啦,呢條仆街我同佢打招乎特登show比佢睇都留意唔到.」 

然後我望一望佢地,先發現條仆街係講緊我. 

我:「哦,轉左書包阿~幾襯你阿.」 

Anna聽到面都紅左,望到佢想講野又唔講既表情,然後坐左低左,佢坐係我隔離. 

阿威見我地Dead air,之後就講 

阿威:「阿明對所有野都無興趣架啦,除左Sar... 

我留意到即刻禁住佢把死人口. 

我:「仆街,咪周圍講啦.」 

我細細聲同佢講. 

Anna聽到,無啦啦好似成個精神晒.即刻係咁問阿威. 

Anna:「除左咩話,我聽唔到.」 

阿惠:「阿明,味同Anna講囉,反正都係fd.」 

我諗一諗,都係算,始終暫時唔想同女仔講住 

我:「有機會一定同你講,Anna哥.」 

Anna:「你話架.」 

然後,打鐘就停左再講野. 

然後小息,我地成班煒威惠就落左去食野. 

阿威:「wo,我地又係全場焦點.」 

我望一望周圍,又成班有錢妹望住我,入面仲要咩班都有. 

搞到我地左右有枱都無人敢坐. 

Anna:「班八婆真係好撚黑人憎.」 

Anna頭先聽到佢話我死窮鬼垃圾之後,想一野推開佢地,最後比我同阿恵全力阻止佢先取消呢個念頭. 

阿威?當然火上加油啦. 

我:「算啦,唔好搞禁多事.」 

Anna聽到嬲嬲地,同我講. 

Anna:「你唔嬲架咩?佢地咁樣講你喎.」 

我:「無所謂,佢地要點講就點講,反正唔重要既人點講都唔會影響到我.」 

係,的確無所謂,自從F.1開始,已經講到呢家F.4,我一早已經無咩所謂. 

Anna:「你真係太好人啦,如果係係我一早過去一巴又一巴車落佢塊面度.」 

阿威:「如果係我都會打鑊去,Anna哥不如去搞鳩佢地.」 
Anna:「擇日不如今日,就E家.」 

佢地兩個越傾越大聲,搞到我同阿惠都想扮唔識佢地.