「續寫」無啦啦多左幾個家姐同阿妺: 陸運會 其之三
「Anna，你唔係番屋企，做咩又過番黎？」我同Sarah行上前走去問Anna。
「我...我...我想問小明你黎唔黎我屋企食...食早餐。」Anna好似有氣無力咁講。
我見Anna個樣好似怪怪地咁。
我就伸隻手摸Anna額頭。點知熱到我隻手好似比火燒咁。
「Anna，你發燒喎，個額頭咁熱既，我扶你番屋企先啦。」
「無...無嘢，只係有少少熱姐，我...我可以自己...」Anna嘢都未講完就暈左係地下。
「喂，Anna喂喂。」我輕輕拍Anna塊面。
「Sarah我送Anna番屋企先。呢到好大風你番入去先，你都病埋就唔好啦。」
Sarah好似未定神咁，聽到我咁講就一直望住我然後就點頭示意。
我講完就公主抱咁抱起Anna。見到Anna出晒汗，塊面都紅晒個樣好似好辛苦咁。
點解我頭先見Anna跑慢左咁多我都唔覺佢有事架，明明佢個樣頭先已經怪怪地咁我都睇唔出佢發燒。
Anna個身體好輕，仲輕過二家姐，所以，我好輕鬆就抱起左佢。
然後，我就全速跑左去Anna門口，即刻禁左個佢門口個鐘一下。
「Anna發高燒啊，快啲比我入黎。」
我一講完道雙人門就開左，我就用最快速度沖去Anna棟大宅個邊。
「Anna點啊，Anna點啊。」Uncle好心急咁同我講。
我去到棟大宅門口就見到佢地全家所有人，包括班黑衣人，女僕企晒係門口位。
「老公冷靜少少先啦，阿明我地Call左醫生架啦，我地入黎先講。」
Auntie雖然咁樣講，但我睇得出佢個樣都好擔心好緊張。
我即刻除左對鞋。
係Uncle佢地兩個帶領之下就去左Anna間房。
我就輕輕力放低左Anna係佢張床上面。然後，因為佢地要同Anna換衫所以我同Uncle，阿標就出番去。
「阿明，今次真係唔該晒你，好彩你及時送Anna番黎。」
我睇得出Uncle好緊張，一定當Anna係掌上明珠咁咁錫佢。
「我講起就慚愧，見到Anna個樣怪怪地都唔知佢硬頂緊。」
「咁我呢個做父親既就更加慚愧，知道Anna琴日已經有小小燒，但佢期待左今日好耐...所以，我唔忍心阻止佢就搞到Anna，Anna佢燒得更加勁...」
Anna老豆成個跪左係地下。搞到我都唔知佢講咩好。
等左幾分鐘左右醫生就到左。再過幾分鐘佢就出來同我地講Anna佢燒到39.4度，
好彩及時送番屋企同睇醫生，唔係就可能有生命危險。然後，醫生講完我地就行左入去。
見到Anna食左藥，但都依然好辛苦咁。我個心就有種「那住」「那住」既感覺。
「阿明，我地兩個有緊急事要做，要離開一陣，下午先番黎，你可以幫我地睇住Anna一陣？」
Anna阿媽係我隔離同我講。
「OK，我比賽個邊下午先開始，我可以幫你地睇住Anna。」
「咁好啦，我地兩個就行先啦，我個女就交比你啦，阿明。」
Anna阿媽就拉走Anna阿爸，然後阿標同班女僕都出晒去，間房得番我同Anna兩個。
我就搬張凳放左係Anna隔離。
「阿...阿明，咦...咦家幾多點?」Anna用盡全力同我講。
「瞓啦，今年就休息一年比其他人拎下啦。」
我扮到好惡咁安慰Anna，唔係Anna一定會即刻走番去學校。
「我...我要去。」見到Anna想起身，我就用隻手禁低番Anna個頭去個枕頭度。
「去乜鬼啊，病成咁仲跑傻左咩？」
「但...但係我地約好左一齊上台拎獎。」
「今年唔得就下年囉，下年唔得就下下年囉。總有機會既。」
「我...我明明期待左今日咁耐，點解，點解今日先黎發燒啊。」Anna講完就開始流眼淚。
我其實完全抵抗唔到女生既眼淚。搞到我開始唔知講咩好。
「你...你仲有我個全場總冠軍，唔係咩？」
Anna聽到就無再流眼淚。然後，藥效好似發作佢就就快瞓着咁。
「唔。」Anna細細聲應完就瞓着左，微笑住咁捉左我隻手。佢隻手好温暖。既然，比人拜託就要好好咁睇住Anna。
見Anna瞓到好「罧」，我就開始睇下Anna間房既嘢，我都係第一次入Anna間房，Anna間房同我間房差唔多大，白色既牆身，有不少泰迪熊公仔，相架，有一個化妝台。
而坐係我隔離個櫃就放左我舊年送比Anna既生物禮物。
然後，櫃上有四個相架，有一張係Anna細過同一個老婆婆合照。Anna當時大約五，六歲左右。
老婆婆既笑容好慈祥，但Anna當時個樣好似好傷心咁，喊到好犀利。
有一張係全家幅。Anna佢地全家好正經咁影既一張相。
有一張就係我，阿威，阿惠，同埋Anna上年旅行影既一張相。
而最後一張...點...點解係一張。
我既相黎既？
點解Anna佢會放左我張相去相架既？呢張相雖然係我，但認真睇右上角都係有Anna係到。
我估影個時係中二下學期旅行，個時Anna頭髮只係長到頸多少少，我個時髮型就係剷兩邊前面留長。
我地學校對頭髮既要求唔係太嚴，只要唔改變天然顏色同個頭太特別都唔會比人捉。
張相入面我係到大笑，而Anna就飲住檸檬茶望住我。
當時我好似聽到阿威佢講左件好好笑既野，我就笑到停唔到。
我放番張相係個櫃就見到有兩本相簿，一本放住Anna細過既相。Anna細過仲白過咦家，留左把長淺金頭髮，
而每張相都笑得好開心。而另一本就有幾頁聖所羅王女子書院既相，個時Anna係短髮，呢張相係Anna第一日番學係門口影既，因為門口有個中一迎新既牌。當時Anna好似有少少緊張咁，拉住佢老豆件衫。
而有一頁係Anna同佢間學校朋友影既相，呢幾張相都笑到好快樂。然後，Anna係之後個頁就無笑過，直至陸運會，聖所羅王女子書院既相就完。
點解Anna會由一個咁開朗既女仔變左一個冰雪女既？
一定發生左好多事。
而我放番係相簿入櫃入面，我就拎起我上年送既生物禮物，音樂盒。一打開就有一首藍色多瑙河既音樂。
而我送比佢個時明明話千幾蚊既平價貨我先唔要，我蓄左幾個月以為佢好鐘意就比佢深深咁打擊到。
但而家就放係當眼處，女孩子既心我真係睇唔透。
我用條毛巾抺一抺Anna頭上既汗，我認真望一下Anna。其實Anna都幾可愛，但做咩唔揾番個男朋友呢？
要識既話我諗一揾就揾到，可能唔鐘意拍拖掛。但佢好似同阿威關係幾好，可能鐘意阿威都未定。哈哈。
我拎起左書包本輕小說出黎睇，平時有午讀時間我都會睇下，我鐘意睇輕小說但無興趣睇動漫。
本書叫做「果然我的青春戀愛喜劇搞錯了」，主角係一個比人一個從小就是孤獨一個既人。呢點同我係小學同中一中二上學期個時差唔多。只係小學我比較暴燥少少咁。
中一我同個一位女同學表白，因為佢對人好温柔包括對我温柔柔我漸漸喜歡上佢。
但我同主角大老師一樣都係表白失敗左。所以，書入面有幾點好有共鳴。
然後，我睇到一半就感覺眼皮好重，就瞓着左。
然後，一起身就見到半身瞓左係Anna張床，好彩佢仲瞓緊姐，我明明我照顧人點知瞓左教。
見到個鐘就快十二點半就開始肚餓，見到Anna仲捉緊我隻手就廢事行開。
好快我就坐到一點，見到Anna阿爸阿媽番出黎我就準備走。
「阿明，加油啊。」Anna閉咁眼同我講。
佢醒緊!!?
「唔。」我笑住咁望Anna講。
「阿明，唔該晒你啦，樓下整左午餐，你食埋個午餐先走啦。」Anna阿媽同我講完。
我答左佢個好字就落左去。然後，食嘢個時一班黑衣人瞪住我，我嚇到飯都食唔落。
「Hello？做咩你地咁望住我既。」我戰戰兢兢望咁同佢地講。點知佢地行晒去我張凳後面。
無啦啦跪晒係地下。
「明少爺，小姐佢點啊，老大又唔比我地去睇小姐。」佢地好似苦苦哀求我咁。
「叫我...我阿明就可以啦，Anna佢無咩事，瞓得好「罧」，燒都退左啦，我估星期一都番到學架啦。」
「唔該你啊明少爺，見到小姐佢咁辛苦又唔知佢咩情況，我地飯都食唔落。」一個蓄平頭幾黑既黑衣人同我講。
「我想...食埋個飯先，可唔可以起番身。」
「好好，明少爺慢用慢用。」
然後，我食完飯想番學個時，就見到Anna阿爸就落左黎。Anna阿爸着左一身西裝，睇落去好似個模
特兒咁。
「阿明，番學？我車你啦」
「好...好似唔係幾好。」
「咩唔係幾好啊，話晒都係我個女個男朋友，我承認你啦，同我個女即刻結婚就可以啦。」
什....什麼情況，幾時做左Anna男朋友架。
「我...我唔..」
「如果你敢玩整喊我個寶貝女我就一.定.唔.會.放.過.你。」然後，個幾個黑衣人show左把手槍出黎。
一定係真槍黎。
「係。」我大聲同Anna阿爸講。
但點解我要講係啊。死啦。今次點同Anna講。
然後Anna阿爸就車左我番學。Anna阿爸架車係一架林寶堅尼，全程都「行行」聲。我都無講咩。
因為我全程都望住架車所有位，我仲諗住大個儲錢買Benz，但見到坐係一架林寶上面我就搏命望。
Anna阿爸仲話我鐘意既話就送一架比我，雖然好撚想要，但我都係回絕左。
見到個鐘就快十二點半就開始肚餓，見到Anna仲捉緊我隻手就廢事行開。
好快我就坐到一點，見到Anna阿爸阿媽番出黎我就準備走。
「阿明，加油啊。」Anna閉咁眼同我講。
佢醒緊!!?
「唔。」我笑住咁望Anna講。
「阿明，唔該晒你啦，樓下整左午餐，你食埋個午餐先走啦。」Anna阿媽同我講完。
我答左佢個好字就落左去。然後，食嘢個時一班黑衣人瞪住我，我嚇到飯都食唔落。
「Hello？做咩你地咁望住我既。」我戰戰兢兢望咁同佢地講。點知佢地行晒去我張凳後面。
無啦啦跪晒係地下。
「明少爺，小姐佢點啊，老大又唔比我地去睇小姐。」佢地好似苦苦哀求我咁。
「叫我...我阿明就可以啦，Anna佢無咩事，瞓得好「罧」，燒都退左啦，我估星期一都番到學架啦。」
「唔該你啊明少爺，見到小姐佢咁辛苦又唔知佢咩情況，我地飯都食唔落。」一個蓄平頭幾黑既黑衣人同我講。
「我想...食埋個飯先，可唔可以起番身。」
「好好，明少爺慢用慢用。」
然後，我食完飯想番學個時，就見到Anna阿爸就落左黎。Anna阿爸着左一身西裝，睇落去好似個模
特兒咁。
「阿明，番學？我車你啦」
「好...好似唔係幾好。」
「咩唔係幾好啊，話晒都係我個女個男朋友，我承認你啦，同我個女即刻結婚就可以啦。」
什....什麼情況，幾時做左Anna男朋友架。
「我...我唔..」
「如果你敢玩整喊我個寶貝女我就一.定.唔.會.放.過.你。」然後，個幾個黑衣人show左把手槍出黎。
一定係真槍黎。
「係。」我大聲同Anna阿爸講。
但點解我要講係啊。死啦。今次點同Anna講。
然後Anna阿爸就車左我番學。Anna阿爸架車係一架林寶堅尼，全程都「行行」聲。我都無講咩。
因為我全程都望住架車所有位，我仲諗住大個儲錢買Benz，但見到坐係一架林寶上面我就搏命望。
Anna阿爸仲話我鐘意既話就送一架比我，雖然好撚想要，但我都係回絕左。