「續寫」無啦啦多左幾個家姐同阿妺: 陸運會 其之七

一定贏啦差成十米，我其實仲有幾多氣下。見最後五十米就用一百米速度跑。 

點知無啦啦前面有個女仔係球場個邊橫過跑道。佢個時低緊頭好似無留意同我。但我已經收唔切制。 

撞左去個女生度。然後，我地就撞埋一齊。 

「啊，痛痛痛。」 

我跌左起地下，墊住佢。然後，我同佢講左句有無事就起左身。 



個時已經見到仆街偉爬左我頭。一起身就全身好似唔聽我話咁。 

隻右腳好似扭到，仲有個身隻右手好痛。我就「攰」下「攰」下去左終點。 

最後，佢快我幾米左右拎左第一。 

我跑到終點就有幾個工作人員睇下我有無事，我同佢地講無事叫佢地睇下個女仔就「攰」左去空地既位坐。 

「真係遺憾呀，差少少就贏我。」 



都已經唔想理佢咁都輸比佢，頭先撞到我個個好似係D班既女仔。 

早知就唔硬食啦，隻手都開始無咩事但隻腳就中左招。 

「阿明，有無事啊。」Ellen跑過黎問我。 

「還可以啦，可以幫我拎舊冰？Ellen。」我用一個請求既語氣同Ellen講。 

「Ok，等我一陣。」Ellen就頭也不回跑走左。 



啊，一直掛住望前面竟然無留意有人行過。但比賽個時唔比橫過跑道呢樣野佢應該一定知喎。 

見佢個樣咁應該輸左唔開心無留意啦。 

「阿明，有無撞到個頭，洗唔洗叫人來？」Sarah走過黎好驚訝咁望住我。 

「無事無事，邊有事呢。哈哈哈。」我扮無事同Ellen講。但我隻右腳疼到行一步就好似就快斷咁。 

「咪扮啦，跌到咁甘仲無事無事？」 

阿惠行過黎接左我小腿一下。我就啊一聲叫左出黎。痛到好似比人用木棒一野打落隻腳咁。 

「比你發現左添。」 

「都係我，如果唔係阿明根本唔會受傷。」Sarah好似好自責咁講。 



「關你咩事呢，Sarah。」

「估唔到為左贏真係咩招都可以出，冰啊阿明。」Ellen就比左包冰我。 

「點解咁講既，Ellen。」 

我就除左隻右邊跑鞋同佢講。 

「頭先我睇比賽名單，個位同學跟本無比賽係咦家進行，佢應該想令你輸比個阿偉。」 

做咩要我輸比條仆街，我識都唔識佢。 

「阿明，你識佢？」阿惠同我講。 



「唔識，見過但未講過嘢。」 

「咁就可以排除尋仇既可能。」阿惠摸一摸下巴。 

「我頭先問過D班，有人話見過佢頭先單獨同阿偉傾計。聽講佢屋企好窮，好似仲無錢交學費添之前。」 

屋企好窮？咁咪同我一樣。 

「咁我地去問下佢做咩咁做。」Ellen就好似想帶頭去。 

「就咦家去啦。」阿惠附和Ellen。 

「喂喂喂，算啦，仲有阿惠男子一百米決賽第三次召集，仲唔去報到？」 

「啊，我走先啦，阿明就幫我睇住啦。」 



然後，我就比兩個Ellen同Sarah幫手借個膊頭行左去醫療室。全程比不少男性用想將我碎屍咁既眼神望住我。 

而Sarah好似覺得係自己既錯咁，無同我講嘢。全程都苦面。 

我行到一半，男子一百米決賽就開始，阿惠好輕鬆拎左第一。 

咦家佢成績係兩金，仆街偉就一金，阿威係400米拎左金牌，得我一個仲銀緊。 

「唔該你地，Ellen，Sarah。」我用一個感激既眼神望住佢地。 

「咁見外做咩啊，哈哈哈。」Ellen拍一拍我個身。 

「...」Sarah始終未講嘢，好似覺得我受傷關佢事咁。