「續寫」無啦啦多左幾個家姐同阿妺: 差距

面對Yui一連串既出乎意料既行動，我一時之間真係反應唔黎。 

我作出一個最直接而且合理既反應，我縮。 

我以電光石火既速度拎起所有衣物縮返入浴室。 

我馬上閂門，係我同佢之間製造距離。 

我：「Yui你今日到底搞乜？好難捉摸吖我！」 



Yui：「我只係想你開心…」 

吓？？？ 

Yui：「我平時睇書見只要女仔咁對男仔，個男仔就會好開心，所以我…」 

我：「等等先！點解你突然想我開心先！」 

Yui：「因為…你保護左我…」 



保護？幾時？ 

我：「我幾時保護左你？我自己都唔知既？？？」 

Yui：「尋日如果唔係你擋住偉少爺，我好有可能會比佢打…」 

我：「點解佢會打你？？？」 

我一邊抹身一邊講。 



Yui：「因為我地唔肯比佢掂Sarah小姐…佢好容易就會發脾氣，好似對四小姐咁對我..」 

豈有此理…我而家實在有太多理由去收個仆街偉皮。 

我：「我都只係做返一個男人應該要做既野啫，唔洗咁刻意對我好。」 

Yui：「唔止咁架…因為你仲當我係你屋企人…」 

哦…原來係咁。 

我開始著返d衫。 

我：「傻既，我一早已經當左你地係我屋企人啦，我相信大家姐佢地都係一樣。」 

我：「係你自己太介意啫。」 



Yui：「但我始終…」 

我：「夠喇唔好再講啦，再講我會嬲架。」 

Yui：「係既主人，泳琦收聲。」 

我：「唔好叫我主人或者少爺啦，跟佢地咁叫我阿明喇。」 

Yui：「唔得架，Daddy會..」 

我：「得喇我話得咪得囉，叫一次黎聽下先啦。」 

Yui：「阿…明。」 



我：「嗯，幾好幾好。」 

我整理好衣物，再一次推開玻璃門。 

今次Yui仍然係企係玻璃門旁邊，同頭先個位一模一樣。 

但同頭先唔同既係，佢而家喊緊。 

佢喊既樣，好靚。 

死啦我好似有少少變態添。 

我伸出隻手摸一摸Yui個頭。 

我：「行喇，去食早餐啦。 」



我同Yui並肩咁落到樓下，見到四位美女已經坐左係飯廳享用緊早餐。 

大家姐：「早晨吖阿明~咦Yui笑得咁開心既~~你地…  」 

Yui：「我都係返去做野先…  」 

Yui講完就急急腳咁走左去。 

大家姐：「唉吖，Sorry吖阿明，嚇左走佢添哈哈.. 」 

唉，都唔知你係有心定無意既… 

算啦，Yui既事唔急得，亦唔係最優先事項。 



我：「二家姐早晨。 」 

二家姐：「哦..哦，早晨。 」 

搞乜？態度又突然冷淡返既？ 明明尋日對我好好架，仲斟酒比我。 

我：「早晨Sar..」 

Sarah：「我食飽啦，我出去練跑。」 

連Sarah都係咁？ 

羽晨：「家姐加油~~ 」 

大家姐：「食飽野就去跑你小心盲腸炎吖傻妹。 」 

Sarah好似無聽到大家姐同羽晨講野咁，自己一個行返房。 

突然間，我覺得自己同佢距離好遠，明明只係隔左一晚。 

尋晚到底發生左咩事？ 

我：「大家姐…」 

大家姐：「個傻妹，為左你努力緊。」 

咩意思？ 

大家姐：「Sarah話我知，個衰人將100米同200米既決賽押後左去星期一，為左睇Sarah跑。」 

「Sarah把心一橫，決定一定要贏，將金牌送比你。」 

我：「點解要送比我..」 

大家姐：「咁我就唔知啦~~我食飽啦，你慢慢食啦。 」 

大家姐一邊講一邊起身行去泳池，留低我同羽晨兩個。 

我同羽晨四目交投，佢個眼神好似想同我講「我乜都唔知，唔好問我。」咁。 

唉…事情突然又複雜左咁既… 

不過點都好，我要係星期一既比賽到拎到三級跳既金牌比Anna。 

全場總冠軍就應該無可能架啦…但守住一塊金牌我諗我仲係可以既… 

要生性啊我既右腳...