「Sorry吖,要你等咁耐。」 

「不過,由今日開始,你就自由啦,唔洗再被佢食住。」 

「好喇,返去啦我地,我估二家姐佢地一定係度等緊我地。 」 

Sarah:「阿明,其實我..」 

我:「Sarah。」 



我打斷左佢既說話。 

我:「我都有野想同你講,不過唔係而家,返去先啦我地。」 

或者,都係時候講了。 

一直以來我做咁多野既原因係咩,我自己好清楚。 

同藍洛晨佢地講就話只係想幫Sarah佢解除返份婚約,不過其實仲有其他原因。 



Sarah一直都係我女神,我一直都好鐘意佢,雖然佢成為左我三家姐,但呢份心意點都無變。 

我做左咁多野,搞到自己損手爛腳,無非都係想佢可以遠離仆街偉。 

雖然Yui都講到出口,仲有Anna屋企既種種跡象,但係我始終都係想同Sarah講。 

我錯過左幾次機同佢表白既機會,一直都有好多野阻住。 

今次,一定要講。 



好快我地就返到屋企,大家都坐左係飯廳,連Uncle同埋應該去左日本既大家姐都係度。 

檯邊上,有份文件。 

Uncle:「阿明,我有野想同你講,你跟我黎。」
我無講D乜,只係跟左佢上樓。 

佢帶左我入書房,背對住我搞到我睇唔到佢既表情。 

「阿明,可唔可以解釋一下。」 

我:「Sarah唔鐘意李俊偉,所以我幫佢。」 

Uncle:「點解你做之前唔同我商量一下先?有乜後果你負責得起咩?」 

我:「正正就係因為我知硬碰硬會連累到大家,所以我先撩佢賭,將層面放係個人之上,唔會連累到屋企。」 



Uncle:「一個中四既學生可以諗得咁遠,真係利害。」 

我:「你..唔係想鬧我架咩? 」 

佢聽到我咁講之後就擰轉身,滿臉笑容咁望住我。 

Uncle:「點會呢,李生打左比我,讚到你上天添啊。 」 

讚我? 

Uncle:「佢話你有勇有謀,居然夠膽賭一把,將來一定成大器。」 

我:「邊係呢..我只係好彩有班好隊友啫。」 



Uncle:「咁代表你有眼光識揀人,唔怪得佢地咁鐘意你啦。」 

佢地? 

我:「Uncle,佢地係指..」 

Uncle:「份婚約,我同李生一早已經討論過取消架啦,佢都明白呢d野唔迫得,但礙於李公子反對,所以..」 

「不過多得你,而家佢一定要放棄啦。」 

原來係咁。 

Uncle:「嗱阿明,我問你,你做咁多野,係咪因為鐘意Sarah? 」 

我即時面都紅哂,佢睇到我咁即時笑到四萬咁口。 



Uncle:「Sarah一早同我講過話佢其實好鐘意你架啦,佢話唔係姊弟個種鐘意,佢仲因為咁煩左一排。」 

「你又唔諗下,點解佢一早就知你個名?明明你地唔同班 」 

eh… 

我好想即刻答佢係,但名義上佢係我老豆,答佢係即係話我想亂倫,我唔知佢會唔會報社工。 

Uncle:「鐘意人,咪去講囉,理咁多做乜。」 

我:「Uncle你真係唔介意? 」 

我覺得佢係試緊我。 



Uncle:「你仲有Sarah,都唔係我親生既,你地都有第二個姓,結婚都無問題架,你明我講乜架啦。」 

「啊,泳琦都係喎哈哈。 」 

佢開始無啦啦係度笑,好似知道哂所有野咁。 

Uncle:「點同時處理好幾段關係都係一種挑戰,唔好辜負愛你既人吖,落去食飯啦。」 

佢走埋黎拍一拍我膊頭,之後就出左去,留低我一個。 

咁佢即係開綠燈?仲唔介意我學人渣誠? 

啊,人渣誠最後死左,唔學得。 

好,今晚一於同哂佢兩個講! 

我要開後宮! 

希望可以。

我決定左之後就即刻離開左書房,衝左落飯廳,大家都望住我,除左Uncle。 

媽:「快D埋黎坐低食飯啦,大家都係度等你。」 

我:「係!對唔住要各位等。」 

我好似一個細路咁衝左埋去飯檯,Yui就即刻幫我鋪餐具。 

我:「唔該你吖Yui。」 

Yui:「唔洗客氣。」 

佢用返個poker face既樣應我,而唔係好似果日咁。 

係喎,係呢度佢係女僕.. 

「泳琦,你都坐低。」 

Uncle突然出聲,大家都望住佢,Yui更加係擘到對眼大一大。 

Yui:「但係Daddy我..」 

Uncle:「坐喇。」 

Yui無再推唐,乖乖咁坐左係羽晨旁邊。 

Uncle:「好,食飯啦大家。」 

講完之後大家都起筷,好似平日咁食飯。 

只係,比平時多左一個人。 

Yui起初都仲係淨坐唔食,不過係羽晨係咁叫之下,最後都係開始食。 

咁係一個好開始,我都想見到咁。 

好快餐飯就食完,大家都準備返上房,Sarah就係呢個時候走左埋黎。 

Sarah:「阿明,今日我有d未講完既野..」 

我:「係吖我都想搵你架啦,上我房傾啦好無。」 

Sarah:「好..好..」 

佢開始跟係我後面咁去我房,最後我請佢坐左係我房既梳化。 

佢一臉尷尬咁左望右望,仲不停咁捽對手,個情景好靚。 

我決定打開話題。 

我:「又話有野要講?」 

Sarah:「eh..咁樣好難開口..」 

啊,扭扭擰擰個樣都好靚。 

我:「我.好.鐘.意.你,會唔會係呢句呢哈哈?」 

我笑笑口咁講,搞到佢紅都面哂。 

我:「Uncle話哂俾我知啦,老實講我開頭聽到咁真係好surprise。」 

Sarah:「咁Daddy佢..點講?」 

我仲以為佢話Uncle多口添。 

Sarah:「不過..阿明你可以唔洗理架..畢竟我地係姐弟,而且我知道Anna對你..」 

「只係我點都想同你講清楚..如果唔係我個心會好唔舒服..」 

啊,Anna。係吖Anna.. 

我到底有咩好,明明只係一個咸濕仔,一日到黑都只係掛住昅女。 

都唔知到時候點同Anna講好。 

我:「我明,因為我都係一樣。」

Sarah:「你話,一樣?
 」 

我:「無錯,我都一樣,其實未入黎住之前,我已經好鐘意你,阿威佢地都知。」 

「知道你做左我家姐之後,老實講我心情好複雜,又開心又唔開心。」 

「開心既係可以日日都見到你,唔開心既係咁代表住行人止步,我唔可以同你再進一步。」 

Sarah:「阿明.. 」 

佢開始掩住自己個口,對眼好似想喊咁紅哂。 

我:「當知道阿偉係你未婚夫之後,我直頭成個人崩潰,明明唔應該有呢d感情。」 

「所以當你話我知你其實唔想同佢一齊,我真係搏哂命,打算去幫你離開佢。」 

「我甚至用「以後都唔可以見你」做賭注,都係為左你好,想你可以開心。」 

「我諗,咁係因為我鐘意你掛..」 

一講完呢句,佢就上前攬住我。 

我:「不過Sarah..我要講左先,我未必可以只同你一齊。」 

佢聽到咁就擰歪左個頭望住我,好似頭已側隻貓咁。 

我:「因為,Yui係之前已經同我講過類似既野。」 

Sarah:「吓.. 」 

我:「我好想救佢,佢一直困死左自己,睇低自己,連自己想點都唔敢同人講。」 

我:「難得佢講到出口,所以我..而且我真係想帶佢出去呢個世界見更多..」 

我都未講完,佢就開始係度笑。 

我:「你笑d乜..我以為你會嬲..」 

Sarah:「唔係吖,只係覺得好似你既style啫。」 

「我知道你既愛好大,我一個人根本無辦法獨佔,我只要可以係你身邊就夠架喇。」 

哇..我以為佢會打我一巴添.. 

「不過,可唔可以帶埋我出去睇呢個世界,唔好只帶Yui一個? 」 

我終於明點解我會鐘意佢,佢真係太好。 

Sarah:「但係,你想點同佢講?」 

我:「其實我未諗,只係想同你講左先。」 

「咁我去喇。」 

佢咁講完之後就出左去。 

我係咪聽錯?邊有可能? 

話時話,Sarah佢好似突然開朗左好多,同陸運會之後差好遠。 

可能因為終於擺脫左仆街偉? 

過左無耐,佢返左黎,仲帶住Yui。 

Sarah個樣一臉高興,而Yui就仲係poker face。 

我:「Yui..我」 

佢同Sarah開始行埋黎,唔知點解我下意識企起身退後。 

可能我覺得會有危險? 

但我退後左兩步就kick親,成個人坐左落張單人梳化仔度。 

到我再望佢地果陣,佢地已經離我只有好短既距離,我連佢地有幾多條眼睫毛都見到。 

我心諗死就死啦,所以我合埋左眼。 

天呀,請原諒我既多情啦.. 

「啜~」 

!? 

呢種感覺唔係比人打!  係!! 


我即刻張開雙眼,見到佢地都係度笑。 

Sarah:「你吖,有時唔可以咁直接同人講架,好彩對象係我地咋。 」 

我:「咁即係..」 

Yui:「可以留係阿明身邊,泳琦就滿足..只要阿明記得永琦,永琦唔介意同其他人分享。 」 

Sarah:「咁,今日開始就要多多指教啦阿明,仲有Yui。」 

呼,嚇死我。 

咁樣我係咪一口氣由A0變O2呢..?感覺好夢幻.. 

我甚至唔相信眼前既係現實,畢竟之前太多發夢既先例。