我做電話投注，每晚都會接到同一個女人來電: 第二十四章
「軒仔⋯你睇住呀⋯」我看到筆尖已經漸漸刺入Michelle的頸項，連忙叫住黃子軒。
「唉，我又錯埋啲低能野，早知頭先就一定壓制住佢，放生佢做乜⋯」黃子軒苦笑自嘲，卻對我舉手示意不用擔心；然後他再次盯著可欣，平靜地說道：「逃得不時、避唔得一世；你玩到咁，用我同學要脅我，我當然會放你走。」
黃子軒攤開雙手，做出投降的手勢；可欣拿起電話，冷冷地道：「算你識趣。」我想起一科幻電影，角色們是靠電話來出入母體空間，莫非可欣的靈魂也是靠電話進出人體？
眼看她的靈魂就要離Michelle身體而去，她卻在最後一刻放下電話，惡狠狠地對黃子軒怒道：「哼！你想陰我？」
我不解地看了看黃子軒，卻看見他一副版拆穿詭計的苦臉，連冷汗也流出來了。
他不是想放可欣走嗎？怎麼又陰了她？
「你講到好似放我走咁誤導我，其實根本係想我主動離開絕陰體！」可欣見黃子軒說不出話來，使指著她繼續罵道：「你咁想拎番佢個身體嘛，好！我成全你，我就淨係俾番佢個身體你！」
「唔⋯唔好呀⋯」黃子軒首次露出驚恐的神情，那即是說，他的詭計真的敗露了！
可欣再次將電話筒貼在臉上，道：「你應該已經知道我最終目的地係邊。反正頂住絕陰體都好難行到去，我而家就帶走埋呢個女仔既靈魂去果度；想救佢，就拎埋絕陰體去果個地方換啦，哈哈哈！」
「唔好呀！」這次到我驚叫了，我終於明白黃子軒一直在試圖隱瞞著什麼了。他就是擔心，可欣會想起直接帶走Michelle靈魂這方法！
我撲向可欣，想搶走她手上的電話筒；可惜，當我衝到她身前時，她已經如同那些同事剛剛那樣，無力地倒下來，我只來得及接著她的身子以防她撞傷。
「Michelle！Michelle！」我發了瘋一樣搖著她的身體，但不論我怎樣叫，她就如同破布一樣癱在我的懷中，一點反應也沒有。
直至黃子軒拉著我，我才停止了這舉動；他卻嘆了一口氣，無比失落地道：「阿域，對唔住呀，到最後我都係救唔到佢⋯」
我悲傷歸悲傷，腦袋卻清醒得很，平靜地對他說：「我知道你已經盡曬力，岩岩對於可欣，用『偽選擇』呢招心理戰對付可欣，已經靚到無得彈啦。」
「但係，最尾都係失敗左！」黃子軒氣得一掌拍在桌子上，桌子應聽裂成兩半。
「佢咁醒都無計架，」我苦笑道：「最重要係，而家要救Michelle仲係靠曬你呀。」
「你⋯」黃子軒像是被我嚇著了，又醒悟過來，走過來打了一下我肩頭道：「你講得岩！件事仲未完！估唔到你可以點醒我呀。」
對他這種不是算不算是的恭維，我只能傻笑，又問：「咁我地而家點算呀？」
「你覺得可欣究竟係乜野？」黃子軒沒有直接答我，反而神秘地笑著反問我。
「呀⋯佢咪女鬼囉，係我前世既情人？而家要捉我去⋯咩果個世界永遠同我一齊？」我對這些玄學用字實在生疏，只能以今晚所聽聞的活學活用，勉強湊合出一個答案來。
「你⋯真係覺得呢個世界上有前世今生呢回事？」黃子軒繼續沒有答，他好像想引導我自己想出答案。
但我卻被他搞得更不明白了，以他那種神神怪怪的人，不是更加堅信玄學嗎？怎麼他現在好像反而質疑起我那「玄學化」的答案來？
「但係，如果唔係咁，點樣解釋可欣來歷？點解釋我果個夢？」我著實不懂得如何回答，只好這樣說。
「我一直有個信念，就係如果可能，都盡量唔好用神怪角度去諗野，」黃子軒終於開始解釋了：「因為你一旦同鬼法纏上，就好難番轉頭。」
我不禁覺得好笑，黃子軒在我眼中可說是個不折不扣的茅山術士啊，他卻叫我別那麼迷信；一直信科學的我反在找一個玄學理論，就好像我們的角色相反了。
黃子軒大概見到我臉上的異樣表情，繼續道：「唔好忘記，我同你都係理學院學生。」
我只好問：「咁即係點呀？我真係諗唔到啦。」
黃子軒卻聳了聳肩說：「我鬼知咩。」如此無賴的態度令我想打爆他那張可恨的臉。
「不過，一陣要去邊我就好清楚既，」黃子軒適時收起了玩笑，認真道：「重光精神病院。」
「咩話！？」我驚道：「就係果間專困危險精神病人既重光精神病院？」這麼說來，難道⋯可欣是精神病人。
「係⋯」黃子軒確定著：「我係佢既記憶入面睇得清清楚楚。」
「咁⋯我地快啲去啦。」我嘗試抱起Michelle下樓，但卻發現以我的力量根本抬不起身材驕人的她。
「先旨聲明，」黃子軒無比凝重地看著我道：「果度我以前親手困左個非常危險既人入去，我懷疑而家所有事都係佢搞出黎，如果我估中，你去未必有命出得番黎。」
「咁都要架啦。」我一心只想救Michelle：「唔通眼白白睇住佢昏迷一世咩？」
「好！」黃子軒豪氣地笑了一下，一掌拍到我背上，道：「咁我地就一齊去賭命啦！」
他那一掌不痛，我反而覺得有股暖流；我正想求助於他幫忙一起抬Michelle下去，卻突然發現，自己竟然有力量抱起她！
「點解⋯」我不解地看著黃子軒，看來一定是他搞的鬼。
「過左少少內功俾你，岩岩好夠你抱佢落樓下。」黃子軒笑了一下道。
而我現在對他的感激，已經不能再用文字表達了。
升降機已經不能使用，就這樣，我們三人順著樓梯走下樓了。
此刻，抱著Michelle走的我，終於覺得自己像個男人。