請先讓乘客落車 please let passengers alight first!(至第廿六章): 第二十章

「請先讓乘客落車 please let passengers alight first! 」（第二十章）

當度木門SCAN阿雪媽咪手拳同隻眼之後，度門「咔」一聲解左鎖。

第一至十九章: http://bit.ly/2aTgRST

*********************************************************


依度門背後到底係咩呢？ 我估我地三個人裏面只有我一個唔知。 既然Benny





話依個係出口，咁係咪我地通過依度門就出返去地鐵度？ 但係點解個門口會有

阿雪媽咪教果間研究院嘅徽章呢？度門又scan掌紋又scan眼球，一般嘅門點

可能會有咁嘅保安系統先？不過無論依個係咩「出口」都好，我都決定入左去

先，因為第一我已經感覺到我嘅身體冇哂力，我估我而家最需要嘅係一枝事後

煙，同一張床。 幻想永遠係美好的！





第二就係我唔跟佢地入去我就永遠都証實唔到究竟我自己嘅真正身分。

「琛仔，入黎喇！」Benny打斷左我嘅思緒。

「哦，黎喇！」 原來Benny同阿雪媽咪已經入左去。」

一入到去，左手面有一台台機，有d機似舊式打字機，有d機就似聽Hi-Fi d 膽

機咁。





「依d係...？」

「密碼機！」Benny喺我背後走上前，企喺我隔離。

「依部叫做Purple 係第二次世界大戰時期日本外交使館用嘅密碼機。 」Benny

指住左手面第一部機。

「而隔離果部就係美國成功破解Purple嘅解密機， 當時美軍成功猜測日軍用

嘅係電話交換開關結構，所以就做左依部機黎解碼。有人話其實美軍一早就係

靠依部機解讀日軍密碼，知道日軍會襲擊珍珠港，所以喺日軍未「偷襲」之前就已經撤走哂d航空母





艦。之後就籍住「偷襲」依個名而對日軍「還擊」。」

嘩，睇唔出Benny對密碼機咁熟悉，佢向右邊走前幾步，過左幾台機，然後停低。再繼續講...

「嗱，琛仔！ 依個犀利喇！」

Benny指住部機，部機下半部係d英文字母，每個字母個制都獨立咁豎起，中

間都係d英文字母，不過就唔係凸起嘅，而上半部就好似音樂盒d齒輪咁。成

台機都係黑色，但外圍就係一個木制嘅盒。

「依部有咩咁特別呀？」

「依部叫Enigma，係第二次世界大戰時納稅德軍嘅軍用版本。佢除左結合左機





械系統同電子系統，佢仲可以利用上面依d旋轉盤黎制做複式密碼。好在後來

盟軍嘅Ultra成功破解到，將二次世界大戰縮短左兩年。」

Benny 基本上對於依d機冇所不知，佢直頭有少少似一個發燒友多d。

「咦？ 依張相係...」

我見到有張相放左喺部Enigma 隔離，不過成張相都係密碼...

「蝦..依張係....」 竟然有嘢Benny係唔知嘅....？

「係《Kroptós》。 」阿雪媽咪喺我地後面答。





「Kroptós? 即係...即係你之前同我講叫我無論如何都要保護佢果個密碼？」我

問阿雪媽咪。

「嗯...琛仔...你要幫我好好保護住個密碼。」阿雪媽咪再提我多一次。

「哦...但係...教授...我連個密碼都唔知，我點保護呀？」

「唔好急...琛仔，你會知道架嘢...！你跟我過黎吖。」教授輕輕咁搭我個膊頭。

我一入到房俾d密碼機吸引住，都冇察覺到原來右邊有張長玻璃枱，教授帶我

行去張枱嘅一邊， 然後佢就張佢隻手掌放上去枱嘅右手便，跟住成個枱面即刻

變左一個平板電腦咁。





「Hello Professor!」

「Hello Daisy! 帶我地返去2046年! 」

「OKAY! Professor!」

然後成張枱發出籃光，d光由張枱沿住地下，游到四面墻，再將成間房包圍

住。跟住成間房突然震起黎...

第二十章 完。待續...

*********************************************************************

如想知道最新故事發展或對故事有任何提問, 可以輕輕like下 小弟 Facebook page 同留言~

Facebook:https://www.facebook.com/peoplelaughmetoocrazy/

同步連載:
紙言：http://bit.ly/2b1ZCRp
Discuss: http://bit.ly/2bLNrYy
Penana: http://bit.ly/2bX5tay