請先讓乘客落車 please let passengers alight first!(至第廿六章): 第二章

上回: http://bit.ly/第一章上回提到：
「ng~~ng~~ng~~ng~~」 點解我既電話不斷震嘅? 邊個咁早會揾我呢? 係咪同一個人呢? 雖然公司唔俾我地返工時講電話, 但我想知究竟係邊個揾我揾到咁急? (直覺話我知打俾我嘅係同一個人)。
***********************************************************************************************************************************************************************************************************************
我終於喺褲袋攞起電話，電話上顯示來電嘅竟然係呢架A135/138嘅車長Benny?! 點解Benny會搵我? 唔通發生左咩事? 點解度門仲未開嘅? 腦海出現更多問號..

我好想跑去第一卡望入車長控制室睇下發生咩事， 但其

實因為太黑所以根本冇可能睇到, 所以我唯有聽呢個電

話， 但我想聽嘅時候已經俾前面想上車既乘客推跌, 落





地果時隻左手手肘仲擦傷左。我扶住左手手肘諗住執番

起個電話時, 啱啱有人攞起左個電話。我抬頭一望, 係一

個淺金色長髮, 戴住紫色hairband (冷係卡娃依果種), 淺

紅色唇彩, 上身係白色背心,黑色書包, 下身係牛仔熱褲,

穿住對new balance574. (暫時稱呼住白背女先)





「你冇事呀MA？ 」白背女問

「冇事...!」我上下擺動左手肘幾次測試傷勢然後勉強說

「嗱, 你個電話呀。仲震緊呀..」

「唔該哂！」我扶住左手肘接返過電話

「你電話仲震緊喎,你洗唔洗聽左先?」 白背女提醒我





「....哦係喎!」 果刻其實我仲未回到神 .....

「喂..benny?? 喂⋯⋯喂⋯⋯喂喂喂⋯⋯？」我喂左幾秒Benny 都冇出聲。

「點呀?有冇人聽呀? 有冇壞到呀?」白背女細細聲咁問我 而明仔亦好緊張咁望住我

我搖一搖頭 示意冇人聽喺
月台未上到車嘅乘客愈黎愈鼓噪
「大家唔好推啦～我地打緊上控制室，度門應該好快

開，好快冇事架喇！」 喺仲未發生咩事嘅情況下，我唯

有安撫住佢地





而車入面嘅路飛就拉左緊急制 然後對住個MIC嗌: 「快d

開門俾我呀!!! 」(緊急制係直接駁入車長室，當有緊急事

故乘客可用呢個制聯絡車長），但我相信Benny亦冇應

佢。 車入面嘅乘客見車長冇俾反應亦開始起哄。

「明仔 你幫我打俾除哥 問佢發生咩事，我睇住呢度先 快d」我細細聲同明仔交帶

明仔行埋左一面call 除哥

「喂除哥呀？大鑊喇！！」

「咩嘢咁大鑊呀明仔?!! 呢度風平良靜喎!」





「吓?! 唔係掛? 呢度d客鬼殺喧嘈喎! 度玻璃幕門又開唔到, d客又上唔到車又落唔到車....」

「嗱明仔冷靜d先，你話度玻璃門唔識開？」除哥悄悄離開SCR (Station Control Room 車站控制室) 然後壓低聲線問

「係呀除哥!」明仔想問除哥點解冇人黎幫手之際除哥繼續問..

「嗱我再問你，咁車長控制室度車門係咪都冇開？」

「我地喺第八卡， 太遠喇，睇唔到， 不過Benny打過黎，但係佢就冇出聲... ! 」

「嗯..原來benny都知...」除哥自言自語咁up

「咩benny咩呀除哥，你係咪知發生咩事呀？而家點算呀？洗唔洗同經理report呀？」





「哦冇嘢.我自己同自己講嘢唧...嗱明仔, 你而家咩都唔好做，即刻叫阿琛跑去第一卡睇下有冇幾個戴住頭盔既人」

「頭盔?!!?!」

「喂明仔點呀, 除哥講咩呀? 仲要等幾耐呀? 」我問明仔

「喂, 過一過黎先...」明仔將手蓋在電話上 然後示意我過去...

「花姐呀, 幫一幫我睇睇呢班客先唔該..」 我叫第7卡嘅花姐幫手. 花姐佢好好人, 成日都會請我同明仔飲佢煲嘅

五花茶同豬骨雞腳湯 (唉, 成日咁企, 又嗌咪都咪話唔辛苦...)

「咩事呀明仔?」

「喂, 除哥叫你去第一卡check下係咪有幾個戴住頭盔...」





「頭盔?」我截住明仔

「係呀...」

「咩事呀? 係咪發生左咩事呀?」 白背女問

「冇...冇事..我地去檢查下唧...」 我避免佢再追問

「errr..你地係咪要去第一卡呀?」白背女細細聲望住我地問

「吓...???點解你咁問嘅?你係咪偷聽我頭先講電話?」明仔問白背女

「冇呀，你地係咪要去第一卡睇下係咪有幾個戴住頭盔嘅人?」

「你仲話唔係偷聽我講野?!!」明仔有少少嬲咁質問

「真係冇呀， 係咁嘅， 因為其實我係喺第一卡行過黎， 我頭先就係見到有幾個戴住頭盔嘅人喺入面」

「吓咁你唔覺得出奇嘅咩？」明仔不禁問白背女

「有咩咁出奇唧，今日動漫節MA 你夠有道具啦～」佢眼望住明仔既「波板糖」.

我冇理會到佢地就跑去第一卡…究竟會唔會見到戴住頭盔嘅人?究竟Benny有冇事呢?白背女點解會由第一卡走過黎嘅? 仲有 點解除哥係要我去而唔係其他人？

我估我唯有去第一卡搵答案...

(第二章完。待續...)
**************************************************************************************
互動時間:
like - 主角第一卡見到頭盔人
心心 - 除哥有事隱瞞
haha - 白背女亦跟主角前往第一卡
慘慘 - 以上嘅嘢全部發生

***************************************************************************************
 
小弟FB page: 一碌木
https://www.facebook.com/peoplelaughmetoocrazy/
喜歡的可去小弟FB, 有互動環節. 如想追看或知道最新update可like小弟FB page