請先讓乘客落車 please let passengers alight first!(至第廿六章): 第八章

「請先讓乘客落車 please let passengers alight first!」（第八章）
 
第一至七章: http://bit.ly/2aTgRST
 
上回講到: 我跟阿雪入左車廂，發現原來佢要我幫佢救嘅人就係果位「路飛」，而「路
 
飛」就係佢細路。之後我打俾Benny但佢竟然話車入面有鬼。同時間亦聽到有人跑過
 
黎，會唔會就係阿飛所講嘅「黑頭盔人? 」
*********************************************************************************




「而家點呀阿琛? 佢地黎緊喇！有冇路走呀？」阿雪扶住阿飛問我
 
「ER...」我慌忙咁左右望，嘗試搵個出口。但係車門已經閂左，本來可以試下喺緊急
 
逃生窗口爬出去，但因為架車已經行緊，咁樣跳出去實死冇生！
 
「緊急逃生...緊急...」我望住緊急逃生窗個貼紙
 
「有喇...緊急出口! 」緊急出口其實係喺車長駕駛室入面，一架地鐵其實喺兩邊最尾
 




嘅一個車廂都有車長駕駛室，而我地身處嘅就係第八卡，我地距離駕駛室大約相差
 
兩個車門。
 
我同阿雪扶返起阿飛然後向住駕駛室行過去。
 
我地三個人一字排開左一步、右一步咁避開暈低左喺地下嘅人，好唔容易先去到個
 
門口。
 




右邊門嘅中間位置有個綠色格仔，我用力一推個格仔，度門應聲「咔刷」開左。
 
「咚咚咚咚⋯⋯」聲音愈黎愈近
 
我向後望 有一個戴住黑色頭盔嘅人行緊過黎 佢大概喺第五卡左右。
 
「快d入去 快d入去！！」阿雪同阿飛入去先 然後我入埋去將度門閂埋 我想鎖度門
 
但原來度門係鎖唔到
 
「阿雪阿飛 你地幫我頂住呢度門 我去開個出口門。」
 
「但係架車仲開緊喎！」阿雪提醒左我
 
「佢黎緊喇...」阿飛同時提醒我，佢喺個綠色格仔望出去




 
駕駛室入面，大概只有3呎X10呎。 駕駛位置喺左手面，有張黑色梳化接凳靠喺門
 
口，對住係一組控制台，左右各一8吋左右熒幕，中間應該係速度儀表器，枱面左面
 
係有線電話，右面係類似波棍嘅速度控制器，波棍上面掛住一個對講機，枱中間再
 
有一堆制。我不期然諗起喺另一邊駕駛室嘅Benny，佢而家好似平日一樣咁都係渣
 
緊呢架，A135/138列車，唔同嘅係車上嘅人已經好似食左安眠藥咁冇哂知覺。
 
我望出窗口，灣仔站已經離我愈黎愈遠，當架車完全離開車站進入隧道果時，感覺
 
呢個世界好似消失喺黑暗入面。
 




「佢..就..喺..出..面..JA...」阿飛手指住出面，聲線壓到最低點
 
我用綠色格仔裝出去，喺出面嘅果然係黑頭盔人！ 佢大概喺5米以外企左喺度， 然
 
後近距離咁檢視緊每一個暈左嘅人。
 
「$&*#€¥~#%^*」之後黑頭盔人講左一堆我聽唔明嘅嘢 過左兩秒佢轉身，準備返去
 
第一卡 。
 
「佢好似走喇喎⋯⋯」我V字手指向下，示意俾阿雪佢地知。
 
「琛仔...琛仔...」叫我嘅唔係阿雪 唔係阿飛，係喺對講機傳黎  一把沙沙地嘅聲
 
「琛仔...我係除哥...我而家喺第三卡。你唔好講任何嘢，我會黎救你地。」




 
除哥? 點解佢都喺架車入面架?
 
我已經冇時間去深究，因為除哥喺對講機把聲已經吸引左黑頭盔人。
 
佢又轉返身，向住黎駕駛室呢邊，佢喺左側褲袋攞出一枝大概五吋長嘅短棍，佢將
 
枝短棍拋落地下，竟然變成一隻會行嘅機械蜘蛛......
 
第八章 完。待續......
*****************************************************************************************
如想知道最新故事發展, 可以輕輕like下 小弟 Facebook page~
FB: 一碌木
紙言： 一碌木