「請先讓乘客落車 please let passengers alight first!」(第十四章)
 
「$@~¥#*^=&」
「:$@*+^%+」
「。$@/!+¥&=#」
 
黑頭盔人對住坐喺中間個人念咒語,然後一道強光喺凳底射上去將佢升起....
 
 第一至十三章: http://bit.ly/2aTgRST
 




***********************************************************
坐喺中間飄起嘅,竟然係......阿雪媽咪??!!
 
點解黑頭盔人要捉佢呀? 唔係,應該係問,點解阿雪媽咪會喺度嘅?
 
警察嘅file明明話佢喺1997年已經倒斃左喇喎!點解佢好似未死咁嘅? 我講
 
「好似」係因為佢除左抹大隻眼同嗌之外,就係抹大隻眼同嗌。唔知仲以為自
 
己睇緊驅魔人。




 
阿雪媽咪喺半空飄浮左大概十秒,黑頭盔人終於停止念咒語,雙手舉起,膝頭
 
哥仍然貼住地下。之後就慢慢降落返張凳度,頭垂低,全身發抖...
 
阿雪媽咪d頭髮同阿雪一樣咁長,佢全身同黑頭盔人一樣,都係清一色黑色。
 
唯獨頭髮同阿雪一樣係金色。
 
其中一個黑頭盔人企喺身,諗住行埋去阿雪媽咪身邊嘅時候...




 
「..嗯?你係邊個呀??」阿雪媽咪突然抬高頭望住黑頭盔人。
 
黑頭盔人停低但係冇出聲。
 
阿雪媽咪再望望周圍,先發覺原來唔止一個黑頭盔人...
 
「你地係...你地係咩人呀?做咩要鎖住我呀?呢度係邊度呀?」阿雪媽咪望望
 
自己個手扣,個身仲震緊。
 
阿雪媽咪把聲雖然比阿雪成熟d,但無論神情同語氣,同阿雪都好似。
 
三個黑頭盔人互相對望,然後又一輪:
「$:/@《+%」




「$;-=%#}」
「:;$*#=+」
但今次唔係念咒語,係傾計,睇佢地似係商量緊d嘢。 然後其中一個黑頭盔人
 
攞起果支短棒指住阿雪媽咪「噗」一聲,佢即刻暈左。黑頭盔人然後走埋一齊
 
去右手邊,原來有度門,佢地開左度門然後就入左去。
 
點解黑頭盔人要整暈返小雪媽咪呢? 佢地又走左去邊?
 
我決定唔理咁多就行落樓梯到最底,因為第一我要攪清楚點解阿雪媽咪會喺
 
度;第二,我仲要去搵黑頭盔人算除哥嘅賬。
 
「喂...醒呀!喂...」我跪低一隻腳然後係咁搖阿雪媽咪個膊頭,但佢都冇反應。




 
於是我起返身諗住開門追黑頭盔人之際…
 
「AH!!! 」阿雪媽咪捉住我隻手,嚇到我急都尿埋,嗌左出黎!
 
「SHHHH…!!!! 」阿雪媽叫我唔好咁大聲,然後佢指向度門,驚俾黑頭盔人聽
 
到。
 
「OK,你…..ER…你係咪阿雪個媽咪? 」我首先要確認我有冇認錯人。
 
「你見到阿雪? 佢都喺度呀? 阿飛呢? 佢地冇事吖碼?」佢一輪嘴咁問我都唔知
 
笞佢邊樣先。
 




「你冷靜d先! OK,咁你真係阿雪個媽咪啦! 」
 
「梗係啦,你問埋d咁無聊嘅嘢架琛仔! 」
 
我當堂打左個特,點解阿雪話識我,而家連佢媽咪都話識我,而最弔詭嘅就係
 
我對佢地完全冇印象! !
 
「咪住先! 你知我叫琛仔! 你點識我架? 」
 
「琛仔…我睇住你大架!」

「你講咩呀!?雖然你同阿雪好似樣,但我真係冇見過你喎!」

「咦? 唔通你冇哂記憶? 」




 
「咩記憶呀?! 」我急住問阿雪媽咪
 
「我地係喺2046年返黎依個空間…. 」
 
 第十四章 完。待續...
 
*********************************************************************
 
如想知道最新故事發展, 可以輕輕like下 小弟 Facebook page~
Facebook: https://www.facebook.com/peoplelaughmetoocrazy/

同步連載:
紙言:http://bit.ly/2b1ZCRp
Discuss: http://bit.ly/2bLNrYy
Penana: http://bit.ly/2bX5tay
 
已有 0 人追稿