F5個年我比女同學撞親JJ: 第二十一章 3310救全家

第二十一章 3310救全家
 
阿寶好忙 因為人類總係犯同樣既錯誤
 
上完體育堂之後 肥婆突然大叫:「我又唔見左件pe衫呀!」
呢個時候 我當然係千夫所指 亦可以話係萬人景仰
大家都以為係我重操故業
 
訓導主任好快又到場 全班都冇得放飯
我知道呢個又係命運既擺佈! 又係命運想令我冇辦法係中午同女同學表白


但唔緊要 放學咪得囉 總有時間
 
最大嫌疑犯係我 我第一個被人檢查書包同褲袋
訓導主任細細聲同我講:「你最好快d認左佢 唔洗晒時間慢慢搜 唔好阻住我食飯」
「我都無做過」呢次我真係清白
 
訓導主任面色一沉 當佢發現我書包真係冇收埋肥婆件pe衫 面色更沉
因為佢要浪費成個午飯時間搜書包
訓導主任惱羞成怒 將我成個推埋牆 仲伸手入去我個褲袋到
 


訓導主任一手拎左我自己部電話出黎
學校本來係唔比同學帶電話 但係部份家長投訴之後
只要學生向學校申請 就可以帶番學 不過唔可以開機
我部電話背面有個label 寫明係校方批準既電話 加上又冇開機
所以冇事
 
訓導主任好失望 佢本來以為我會收埋遊戲機/煙/啤牌係褲袋 點知我真係好學生
但佢冇放棄 繼續伸手入去另一邊褲袋
本來我應該輕輕鬆鬆 但我突然諗起 我另一邊褲袋仲有一部未經批淮既電話
 


訓導主任係另一邊褲袋拎左我原本用黎應付肥婆個部nokia 3310
全班同學無不報以熱烈恥笑 笑我帶左一部3310番黎
我唯有跟住一齊笑
 
帶未經批淮既電話番學 令我記左一個缺點
不過我冇所謂 最重要係我想送比女神個部電話冇比學校沒收
垃圾學校只係沒收左我原來想送比肥婆個部3310