第二十八章 一個為你甘去打飛機的人
 
肥婆成功用偷衫一事威脅靚仔班長 仲將佢調左去隔離位
靚仔班長日漸憔悴 個人被渣乾到好似霉菜咁 當中既辛酸實在聞者傷心
 
肥婆間接造就左我同女同學坐番埋一齊 我把握機會陪住女同學
希望可以增進我地之間既感情
亦準備好隨時同佢表白
 
終於 有一日 我知道「時機已經成熟、目標非常清晰」


個日番學前 我用香水噴晒全身 特別係jj 要掩蓋jj個陣近乎十萬噸死魚味既惡臭
番到課室 我叫女同學放學留低一陣
 
「一個為你甘去打飛機的人」 我唔相信佢對我完全冇感覺
放學我就要搞清楚!
 
我實在好急 當然唔夠等JSMill條撚友出post個班讀者咁急 但都算好急
好想快d放學 當然都好想快d拎條野出黎比佢品嘗
 
終於放學同學走晒 課室得番我同女同學兩個


我深深咁吸一口氣 準備第一千二百六十九次向佢表白
 
「上次你問我 我地既關係到底算點」我先開口:「今日我終於準備好答你!」
我發現女同學逃避我既目光 我已經有不祥既預感
但我仍然繼續:「我永遠無辦法忘記你」
「從來冇一個女仔 同我經歷過咁多野」
咁的確正常情況好難有女仔會多次望到我下體
 
「我想話比你知 雖然就快就要會考 但我希望以後都可以繼續陪住你!」
女同學眼角帶淚咁擰晒頭 我唔知今次又衰乜


女同學一路喊 轉身拎住個袋就想走 我一手捉住佢
 
我心情已經跌到落谷底 仲有少少嬲:「你講清楚先好走!」
女同學平靜左 對我講:「你比d時間我 比d空間我 我想考好會考先 呢段時間我唔想講太多感情既野」
我繼續追問:「咁你起碼都話比我知 你係咪鐘意我? 如果係我願意等」
 
女同學望住我雙眼 講左一句:「你唔會明」
之後佢轉身講多兩句更傷既說話:「我對你真係冇feel」
「我知你以為 個日係屋企既事好特別
但其實只係我之前應承左你 會滿足你一個願望 我先會同你發生咁既關係
冇其他意思」
 
我成個人呆左 地球好似停轉左一樣 一直企左好耐好耐 我先肯面對現實
我仲記得個日好凍
天文台發出寒冷天氣警告 正式宣佈 我同佢既前路已經結晒冰