有一天，金紫荊與會展從香港地圖中消失。: 1.1

他於上個月預言香港一個月後會發生一件轟動世界的大事，這件事所牽連的人，是前所未有地多，香港或會經歷一次大洗牌。

一個月之前人人也當他是一個瘋子，一個月以後，這個瘋狂的預言居然成真了。

「大衛高斯係邊個？變魔術果個大衛高帕飛我就識，會唔會係佢變走會展同埋金紫荊？」
阿照再次開玩笑。

「其實係大衛碧咸射走會展同埋金紫荊啊！」我也跟著開玩笑，希望舒緩緊張氣氛。

「有殺錯冇放過，阿靜你即刻同我查下依條友既ip，盡快搵佢出黎，佢應該對依件案好有幫助！」華叔絕對不會放過任何線索。





「其實會展同埋金紫荊有咩共通點呢？做咩要變走佢地呢？如果係人為既話，大可以變走禮賓府或者國金，咁樣唔係更震撼香港咩？」阿文問道。

「佢地共通點咪就係回歸之後先有囉，我真係諗唔到有咩咁特別。」阿豪回答道。

門外傳來數下拍門聲打破了各位沉重的思緒。

等不到我們的應門，他便撞了進來，手中拿著一封信，上氣不接下氣便把信大力拍在桌上，右手用盡全力拍打華叔。

他是重案組總警司誠哥，是警方派來協助我們的接頭人，他這種老油條平時只會打電話或派下屬與我們聯絡，現在親自到來必有要事相告。





「華叔！有人send左封信比局長，你地睇下搵唔搵到咩線索……」

「您們好，我們是新法則！會展與金紫荊的消失是我們的傑作。我們想跟你玩個遊戲，但玩之後必須要你們的律政司司長向市民公開自己的罪行，否則下一步我們會讓一個大商場消失。你們只有一個小時！」

信中要求新任司長請辭？他到底犯了什麼罪？新法則到底是什麼組織？他們竟然有能力把全個大型建築物變走，是外星生物嗎？