我們決定好人選便請懲教員再次把孔生帶出來與我們見面,他得知有人為自己平反時,心情也激動起來,顯然在他的心中,我們比法援的律師更可靠。

「孔生!你可唔可以打個電話比你女朋友,我地有野想問佢。」阿靜問道

請他女友到監獄實在太浪費時間,電話反而是最有效快捷的方法。

「但……呢到好似唔可以打電話架,想打都要同阿sir申請。」孔生吞吞吐吐地說。

「懲教署大定係行政長官大?依家我地可以特事特辦,你只需要打電話比你女朋友就得。」我回答道。





特事特辦是政府一貫做事手法,難道他們只許官員插隊看醫生,不許市民打電話嗎?

孔生拿著手提電話,面上有些難色,手一直停留在螢幕的9字,腦中似乎若有所思。

「孔生,做咩你仲唔打?係唔係有咩問題?」阿靜問道。

「冇……只係太耐冇用電話,唔太記得女朋友既電話號碼,比少少時間我就得。」

畢竟進監獄之後,犯人一般與親人都是面對面溝通,依賴科技的幅度相比以前少。





孔生用上數分鐘時間,終於成功撥出電話,孔生的神色由緊張轉為期待。

「喂……請問邊位?」一把女聲由電話傳出來。

「係我啊家怡。」孔生立即答道。

「你係……?」

「我係阿孔,係我打比你架。」阿孔開始笑了起來。





「阿孔,點解你會打到比我。」家怡的聲音開始顫抖著。

「因為有班人話可以幫我翻案啊,佢地有野想問你,所野要打電話比你。」

「下……翻案。究竟發生左咩事……」阿怡的聲音開始低沉起來。
已有 0 人追稿