有一天，金紫荊與會展從香港地圖中消失。: 3.8

我們再次回到監獄，阿孔也被叫了進探訪室，但他的神情與第一次有所不同，此刻他是充滿希望與期待。

「阿孔係咁既，跟住落黎有d野想比你睇，但你應承我地唔可以咁激動。」阿靜說道

「係關乎咩野？唔係依家先同我講話翻案無望下話。」

「唔係，但係依件事關家怡既事。」阿靜嘆了口氣。

「佢……係唔係有左第二個。」阿孔盯住桌子，壓低了聲線。





阿孔一早知道自己的女朋友紅杏出牆，我們可以省下一口氣，不用苦惱如何開口。

「果個男人係邊個黎……其實我一早應該知，家怡佢已經搵左第二個，只係我太愛佢，所以一直比假希望自己，認為我出番黎之後，佢會回心轉意……」

「其實佢中意既唔係男人，而可能係女人……而家怡同佢傾計既時候，好似擔心你會翻案成功，所以我想你認下佢係邊個。」阿靜把照片拿給阿孔。

阿孔看後面色如死灰一樣，雙眼無神，仿彿人生失去了所有希望。他把手機用力往地下一摔，用腳大力踏碎。

我們被眼前景象嚇呆了，他充滿了怒火。





「阿孔……請問發生左咩事？可唔可以同我地講？你冷靜少少先。」我把他按住。

「係呢條8婆搞到我坐監，係佢屈我強姦架！點解家怡會識佢啊！」阿孔失控尖叫。

「咁睇法，你女朋友可能串通mini屈你強姦，但佢地既動機係邊到？點解唔可以和平分手，係都要屈你強姦？」阿靜不太明白家怡為什麼要趕盡殺絕。

「係我層樓……一定係想拎左我層樓住……仲有我d錢……」阿孔喃喃自語。

「你層樓同埋錢？你唔係比哂個女人keep下話？」阿豪以一個鄙視老婆奴的眼神看著他。





「我入左黎之後冇人冇物，緊係要有人幫我睇住d錢同樓，我真係好中意佢……點解佢要出賣我啊……」

「我可以點幫你？有條片係我地手上，我地不如拎上法庭，或者對你有幫助。」我們目前的線索只有這些。

接下來的工作，就要由他的律師協助了，我們應功成身退。

是否成功翻案已不太重要，心已經傷透了，他人生中唯一的支柱已經失去。

究竟我們的出現對他是好還是壞？他心裏或許寧願留在監獄上做十年的傻子，也不願意面對真相。

是真相把他打進谷底，翻案了也不可彌補心中的傷口。