金紫荊現時受到重重封鎖,普通人根本無法穿越防線。加上政府已知道我們的意圖,所以現裡只能依靠自己。

我們一行7人到達廣場外圍已見廣場被一大個臨時搭建的帳篷包圍,各門有數名荷槍實彈的警察把守。

「我地呢到全部都唔係政府既人,除左誠哥,係得你一個可以幫我地!」我們把目光移向他。

「唔係掛,比大sir知道我唔得掂,監都有得我坐架……」誠哥雙手顫抖。

「你去到呢個地步都冇得唔幫我地!只要我地做到野,到時全港媒體同市民都會企係我地呢邊,邊個可以郁你!你明唔明啊!」我已經被誠哥搖擺不定的態度感到憤怒。





「你用腦諗下,如果依單野傳出去,全個政府都唔掂啊,佢地第一個一定搵你出黎祭旗啦,你負責依單案架!」華叔也加入指責。

誠哥勉強支吾以對,算是再次答應我們的要求。

我們換上事前準備的警服,裝作換班走進金紫荊廣場,這應該是唯一而有效的方法。

「等陣,你地幾個係咩人」門口的沙展阻止我們入內。

「實係香港人!唔通中國人?我係你老頂啊!」誠哥出示證件。





「原來係阿誠sir……請問有咩指教?」沙展不敢直視我們。

「大sir叫我帶幾個新仔入面搜索下,你地係門口等我地,冇咩事唔好入黎。」

「但係呢……我地冇收到通知喎,唔知誠sir可唔可以打比我阿頭確認下。」

「Hi 你啊!你依家係唔係唔信我啊,係唔係要係我班細面前落我面啊?係唔係要守水塘啊!我依家咪黎左知會你囉!」誠哥把聲線提高,附近的警察也把目光轉向我們。

「No sir,  sorry sir!」沙展叫道。





誠哥以自己的身份幫助我們安然避開檢查,成功偷偷潛入廣場,所以做警察真好,就是有特權的一群人。

帳篷內的金紫荊廣場無人把守,中間原本放置雕塑的位置空了一個大洞,但顯然而見的是有一條通道可以通往下面。
已有 0 人追稿