有一天，金紫荊與會展從香港地圖中消失。: 7.1

我慢慢推開大門，門後的景象是室內空無一物，中間只了一塊龍石壁。

「係新法則叫我地搵既龍壁啊！」我說道。

龍壁一半浸在紅色的液體上，大致上應該是鮮血。這是一塊染血的龍壁，用多少人的性命才換回來。

「等我去拎佢番黎!」我說道。

我嘗試伸手拿著龍壁，但一接觸到它時，手便極痛，是那些紅色的血水……





我試了幾次，根本沒有辦法拿到龍壁出來，紅色的血水在排擠著我。

而阿豪一言不發，慢慢地走向龍壁，伸手便把龍壁拿了起來。

「阿豪，你好勁喎，點解你可以一手拎到塊龍壁既？」我對阿豪有這樣的能力感到很驚訝。

「因為……我係紅龍會既人！」阿豪笑道。

紅龍會……一直與我們一起作戰的戰友，竟然是紅龍會的人……我們真的被出賣了。





「入面既血係我地每一個入會既會員既血，所以血會識別到我同你既分別！」

「頭先既人，其實係我一早叫過黎，原本諗住殺哂你地，但可惜阿文條傻仔阻住哂！但無所謂，反正我另一班手下已經黎緊！」阿豪說道。

「既然你係紅龍會既人，點解你唔一早阻止我地入黎！而係要搞咁多野，等我地入哂去之後再殺我地？」

「因為我地既目標係要拎到龍壁，只要拎到5塊龍壁，就可以統領紅龍會！我知道自己未必有能力黎到依到，所以要借助你地既能力。依家你地已經冇哂利用價值！」

阿豪由第一天加入特偵組開始，便等待機會為紅龍會服務，今天他終於等到這個機會，而我們也看清了他的真面目。





「比你拎到一塊咁又點？以你既能力，冇我地幫手你會拎到其餘果4塊龍壁？」我不認為阿豪有這樣的能力。

「或者你太睇小我既能力，同時有一塊龍壁已經可以統領一部份既會眾，到時要拎到4塊有幾難？」阿豪再次大笑起來。

「第一次黎到我先知，原來石壁係咁容易拎，睇黎出面既傳說都係假！」

阿豪再仰天大笑時，我全力撲向阿豪，他一不留神被我推倒在地上，龍壁也掉了出來。

華叔，阿照與阿靜氣呼呼地走了進來，神色慌張，阿照更流下數滴眼淚。

「阿維，出面有好多追兵過緊黎啊……」阿照說道。

「阿維阿豪，你地做咩訓哂係地下？」阿靜問道。

「快搶龍壁啊！阿豪係紅龍會既人，唔可以比佢搶到龍壁！」我叫道。





但阿豪已經搶先一步，並拿出手槍指著我們。