沒錯,我們已經沒有選擇的權利,我們必須要跟著新法則到達一個安全地方。

「記著!新法則做既所有野都係想令世界重見光明,依個行動我地組織稱為新法則之光。」阿照驕傲地說道。

新法則的列車上充滿一大堆先進科技儀器,作為一個文科人,我也不知道這些儀器的用途是什麼。

但我可以推測新法則是一個財雄勢大的組織,他們有軍隊,有科技,有金錢,應有盡有。

阿照示意士兵先為阿靜與華叔包紮傷口。





「仲有幾耐番到基地?」阿照問道。

「仲有15分鐘!」士兵回道。

「大家,我係冇惡意,同時唔會好似阿豪個Hi Hi仔咁對付你地!」阿照說道。

「可唔可以話比我地知咩事……」我問道。

「說來話長。其實依家既香港政府同大部份有勢力既人士都係紅龍會既人,佢地想係香港為所欲為,新法則既目的係阻止依班人,反對政府入面既黑勢力。」





「咁金紫荊同埋會展既事,你地做咩要搞成咁……?」我問道。

「其實依單野我都唔太清楚,但我地收到線報指出其中2塊石壁係會展同金紫荊,所以先要入依2到既地底搵石室。但我可以同你講佢地全部人都安全冇事。我地唔會一日殺一個人,我地只會殺罪有應得既人。」

「李子根,Eric,大衛高斯呢?」我說道。

「其實佢地全部都係紅龍會既人,我地新法則已經有一部份人因為金錢而背叛我地!佢地一定要死,正因為咁,我地先考驗你地,你地既能力冇令我地失望!」阿照說道。

「我地主要目標係拎哂紅龍會既龍壁,之後全部消滅。第二要將紅龍會既計劃摧毀!第三搵出新法則既背叛者!」





「佢地有咩野計劃?」

「我地都想知!」阿照說道。

「你地想帶我地去邊?」我問道。

我們現在就像一隻隻豬仔,被人賣到未知的地方。
已有 0 人追稿