因為pokemon go我唔再係毒撚: 二,

=15.6px"林小敏?!你係到做咩丫?"
林小敏, 係我地班中算係中上等嘅女仔, 讀書都幾叻下.
"玩緊Pokemon Go囉.你呢?"
"我都係..."
"俾我睇下你幾多LV同有D咩丫."
"好...."
佢即刻以九秒九嘅速度搶左我部機.
"嘩嘩嘩!!!!比卡超丫!!!你點捉架?邊到有丫?!" 佢尖叫, 四周圍D訓練司都即刻睥過黎.
"唔好大叫啦..你睇下D人望住你啦...隻野我第一隻捉返黎架."
"下點解我冇嘅, 明明就得車厘龜, 小火龍同另外一隻係....奇異種子! 你點捉架啫, 教我啦."

"你要刷3次先有架, 你冇睇攻略架?"
"咩攻略..咩黎架...咁我咪要重新玩過:("
"唔係嘅...可以去D發電站搵下,攻略寫嘅."
"好!!你同我一齊去!!"
"下, 點解我有份嘅..."
"因為你好叻囉, 知道邊度有咩, 以後我想捉咩就要靠你架啦."
"下...哦..."
"仲有丫仲有丫!!!我要捉傻鴨! 邊度有丫?"
"你住嗰度咪有囉..."
"有咩..?"

"D人話青山捉到嘅..."
"喂!!死人頭, 你蝦我!!"
"咩喎..你問嘅."
"哼罰你聽日出黎同我捉小精靈!!!!"
"咁都有嘅...:("
"係丫!!你聽日甩我底你就知死."
"好囉...係咪捉比卡超丫, 係就快手.'
"好耶!!!"

 就係咁我出左全日街, 臨走果時我問佢

"丫明哥好似話大後日出去捉小精靈喎, 你到唔到架?"
"係咩? 冇聽佢講喎, 不過唔緊要啦, 你聽日要同我捉xD."
"好囉.."
"咁我走啦. 886."
"88."
"多謝你肯陪我."
"唔使..陪男仔陪女仔天經地義嘅.."
"係咩, 咁好啦, 聽日見."
"聽日見."

我一返到屋企, 我丫媽以為我食錯左藥, 我竟然出左街4個鐘, 應該係我上個星期出街嘅總時數, 不過是但啦, 竟然有個女仔肯約我喎, 對於我呢條毒拎黎講咩都得啦.