臨訓前的恐怖故事—《噩夢日記》（不定期更新）: 第14回 - 2015.X.X 平行世界I

晚安。

今日記述的夢，是近來有點較深刻的夢，大約於一年前發的。並不涉及之前的幾位主角，就只有我。那時候，我還未有水晶，也不知道人類原來有同行者的。所以，今集就只有我一個主角。

這個夢境比起其它平時的夢來得更真實。令我不禁想起與「夢文明」想近的說法——平行世界。

你們相信有平行世界嗎？平行世界中有著與我們現在所在的世界相似又相異的人與事。而如果我告訴你們，穿越到平行世界的方法，原來不需要什麼機器，而是簡單地睡在床上呢？

這個夢境，在我開這個紙言頁面出理前已經打好，寫作風格有點不一樣，而且在我的朋友圈中流傳了一會。所以，我是冒著被知道真身危險而發這則故事的。







======================================================================

是咁的，我是個輔警。

雖然都係為左博係補人抄牌果時，叫聲夥記，希望班差佬有面俾，慳返幾舊。不過一個月總要返幾日工叫做交下貨。

今晚返夜，同兩個師兄行bit 。希望唔好有大野啦😖





話口未完，對講機就響起。有case來了！

「唐樓有個單位反鎖左幾日，報案人係業主，話驚個租客係入面死左幾日，報警叫手足去睇下，over」對講機傳出。

咁唐樓小意思啦，我地三條友就上去，包搞掂。

行左幾層，個業主已經開定門叫我地入去了。呢個業主都好揾啦，一個單位劏十個房，一個房我諗都座底收四五千租啦下話？

我已經計緊數了。如果我又做劏房都幾和味。





「係呢度呀呀sir , 條友五日無出過黎啦」個中年肥佬業主話。

我扭一扭個門柄，個鎖鎖左不特止，仲要鎖到扭都扭唔到。我當時心諗，你玩乜9？落左膠水？

「有無人係入面！」

夥記tommy用慈母語氣嗌。