沒說出的那一句: ［第一章 — 邂逅］

2014年5月27日

「終於放學啦，你知唔知我等呢個時刻等咗幾耐啊！」打完鐘之後我同埋我老死李彥澤行到去學校門房戈到，傾緊諗住去邊到食吓野。
「洗乜諗啫，老麥咪算囉。」
「又老麥，去吓啲咖啡店啦。」
「咁啊，去對面戈間啦。」跟住我地就咁係間店到由四點幾坐到六點。
「唉，唔洗食夜晚戈餐啦～」啊澤一路行一路講。行到去巴士站戈度，啊澤要搭戈架巴士到咗，跟住就剩返我一個。呢個時候，我望到有個女仔行緊過嚟巴士站度，我一望過去，原來係校花關亞娜！戈時我個心係咁係到跳，啲手汗全部出哂嚟。當我一擰轉頭，佢已經坐咗係我隔離。我戈時基本已經無咗半個靈魂…
好彩我要搭戈架巴士嚟到，但係我點都估唔到原來佢都係要搭戈間巴士。咁無計啦，但係架巴士又無位坐，所以我就… 企咗係佢隔離。
「你叫咩名啊？」佢突然間開口問。
「吓，啊…」我塞住左，突然唔識講野。「我叫，我叫林銘謙，叫我Marco得架啦。」我望住佢，佢比咗一個溫柔嘅笑容我。「我叫關亞娜，Ana。」




就係咁，我同佢正正式式第一次講野。

2015年3月25日

「搞錯啊，仲未識分Brought同Bought… 你點畢業啊？」
Ana望住我份啱啱好合格嘅英文測驗，一路話我一路教我做改正。
‘識咗都差唔多一年啦，話唔話比佢知好呢？’呢個時候我係到頭痛緊話唔話佢知我鐘意咗佢，但係我又唔夠膽講出口喎…
「你有冇聽我講架？」
我望住，微笑，「有，梗係有啦。」
最後我決定咗收埋句野，唔講住。





—To be continued.