［校園，愛情，友情］在學校不受歡迎的我竟然被女神喜歡！？: 爽約

「肥仔！呢到啲野食真係好正呀，尤其係杯奶茶！」舒情用餐後的表情相當滿足

「冇介紹錯呢！」她喜歡真是太好了

「肥仔食飽不如去散下步啦，唔係愈泥愈肥架喇」她開玩笑

「肥仔先去散步，我咁fit邊到洗」

「去啦肥仔，去啦，肥仔呀...」她搖著我的手並不斷的叫我肥仔





「去喇去喇...」我屈服於她

「Yeah，咁我地去埋單啦！」

其實不能說是屈服，我的本意也是想跟她去散步，我發覺自己俾那些「港女」更口是心非，真的是無地自容。

「阿妹，啲野好唔好食呀？」坐在收銀處的富叔問

「好食呀！」舒情仍是擺出了一副滿足的表情





「識做啦肥仔，多啲帶女朋友泥啦！」

「都話佢係我同學咯！」為免尷尬我再向富叔解釋

「人地女仔都未出聲，你男人老狗就唔好咁婆媽啦」

「咪係囉，咁婆媽！富叔我一定會再泥架！」舒情表現得非常大方

她好像真的不介意別人稱她為我女友，不過這應該只是舒她消除尷尬的手法吧。





～ 那故事倉瘁結束不到氣絕便已安葬...～ 我的電話響起了

「喂？阿皓呀？」

「咩事呀姨姨？」電話的另一方是星晨的媽媽

「咁嘅，星晨佢病左，而家自己係屋企又未食飯，阿姨返工行唔開，你可唔可以買啲野俾佢食呀？」

「冇問題！我而家買」

「富叔，拜託你可唔可以破例整碗通粉俾我，星晨佢病左要食啲清淡啲嘅野」

我知道晚市時間要廚房煮通粉是不太合情理，但我還是厚著臉皮問，因為每次星晨病都是食這裡的通粉配搭檸樂加薑。

「星晨病左咁大件事緊係冇問題啦！」





富叔爽快的答應，因為星晨亦是這裡的老顧客，與富叔關係不錯。

「Sorry 呀，我個好朋友病左要人睇住，同唔到你散步」

雖然不捨，但我不能重色輕友，病人是需要得到照顧的。

「唔緊要呀，病人重要啲」幸好舒情沒有責怪我

外賣很快送到我手上，我打算送舒情到小巴站便前往星晨家。路上的我們很安靜，我想其實舒情是不是還有點責怪我的意思，因為我們有約再先但我卻爽約。

「Sorry 呀舒情！」我再向她表示歉意

「做咩又say sorry 呀，唔緊要喎」她向我微笑著





我們又安靜下來。

「你個fd係女仔泥架？」舒情主動的問

「係呀，我地由細玩到大，感情很好」

「個女仔都幾幸福喎，你咁緊張佢」她仍是微笑著

「有幾幸福呀，佢不知幾唔怠我」

「唔係呀，佢真係好幸福...」她看不見她的微笑，只見她低著頭

之後我們又安靜下來，不久便到了小巴站。

「咁我走喇！拜拜！」





「嗯...拜拜」她沒精打彩地吐出這句話

「我下次補返數俾你呀，到時唔好到你臨時甩底呀！」我知道她還是有點介意

「嗯...」然後她上了小巴